EZEKELA 1:1 - Jinghpaw Hanson Version Bible

¹ Ya sumshi ning ngu na hta, shata mali a manga ya shani e, Hkebara hka kau e bawng dung ai ni hte rau ngai nga nga yang, sumsing lamu hpaw malang wa nna, Karai Kasang a shingran hpe ngai mu nngai.

Jinghpaw Common Language Bible 2009

¹ Ya sumshi ning ngu na shata mali a manga ya shani e, Babelon mung na Hkebara hka nu makau hta bawng dung ai Yuda masha ni hte Buzi a kasha ngai hkinjawng Ezekela ni nga nga yang, sumsing lamu hpaw malang wa nna Karai Kasang a shingran hpe ngai mu nngai.

EZEKELA 1:1 ပူးပေါင်းရင်းမြစ်များ

NINGPAWT NINGHPANG 15:1

Dai hpang Yehowa a ga gaw Abram kaw shingran hta du nna, “Abram e, hkum hkrit et; ngai gaw na a makawp ninggang rai nga nngai; nang lu la na shabrai kaba la nga lit dai,” ngu wu ai.

NINGPAWT NINGHPANG 46:2

Karai Kasang mung shana e shingran hta Israela hpe shaga nna, Yaku e, Yaku e, ngu wu ai: shi gaw, Nang rai nga nngai, ngu wu ai.

SHAKAWN KUNGDAWN 137:1

Babelon hka nu hka shi ni a makau e, anhte dung nga nna, Ziun hpe myit dum yang, hkrap nga ga ga ai.

PRU MAT 24:10

shanhte gaw Israela a Karai Kasang hpe mu ma ai; shi a lagaw npu e, sahpira lungseng zawn htoi ala ai hte lamu san kabrim ai zawn re ai nep nga ai.

ESAIA 1:1

Yuda hkawhkam Uzia, Yohtam, Ahaza hte Hezekia aprat e, Amot a kasha Esaia gaw, Yuda mung hte Yerusalem mare a lam, mu ai shingran gaw, da ndai rai nga ai.

ESAIA 6:1

Hkawhkam Uzia si ai shaning hta, Madu gaw, galu kaba nna tsaw htum ai tingnyang hta dung nga ai hpe ngai mu nngai; shi lawai ai hpun nba gaw nawku Htingnu ting hpring nga ai.

YEREMIA 29:15

Yehowa gaw, Babelon mare hta e anhte a matu myihtoi san da sai, nga nna nanhte tsun myit dai majaw, Dawi a tingnyang hta dung ai hkawhkam wa hte, ndai mare hta naw shanu nga ai ni, ngu ai, nanhte hte rau bawng dung garai n hkrum ai kahpu kanau amyu masha ni mahkra hpe lakap nna, Zaw nawng zaw wa up ai Yehowa ning nga ai:

EZEKELA 1:3

Yehowa mungga gaw, Buzi a kasha, hkinjawng Ezekela hpang de du nna, Yehowa a lata gaw, dai yang e, shi a ntsa e nga nga ai.

EZEKELA 10:1

Bai ngai mada yu yang, yu u, Hkerubim ni a baw ntsa e din ai lamu madin hta, nila lungseng nsan ai hkawhkam tingnyang hkrang dan pru nga ai.

EZEKELA 10:10

Dai mali gaw hkrang langai sha rai nga nna, dingsen kata e dingsen chyai ai zawn, rai nga ai.

EZEKELA 10:15

Bai Hkerubim ni lung wa ma ai; dai ni gaw Hkebara hka kau e ngai mu ai hkrung ai dusat ni rai nga ma ai.

EZEKELA 10:20

Da ndai gaw Hkebara hka kau e, Israela Karai Kasang npu e, ngai mu ai dusat ni rai nga ma ai: dai ni gaw hkerubim rai nga ai hpe, ngai chye nngai.

EZEKELA 10:22

Shanhte a myi man gaw, Hkebara hka kau e ngai mu yu ai myi man hkrang hte bung nga ai; ahpraw nsam mung langai sha rai nga ai; langai hte langai ang ang hkawm wa nga ma ai.

EZEKELA 11:24

Shaloi Wenyi gaw ngai hpe pawn nna, Karai Kasang a Wenyi a shingran hte, Hkalde mung na bawng dung ai ni hpang de, woi wa nngai. Shing rai ngai mu yu ai shingran gaw, ngai hte hka nna lung wa ai.

EZEKELA 3:15

Shaloi ngai gaw, bawng dung hkrum nna, Hkebara hka kau, Telabiba shara e shanu nga ai ni hpang de sa du nna, dai yang e sanit ya tup mau mat let dung nga nngai.

EZEKELA 3:23

Shaloi ngai rawt nna, pa ga de sa wa nngai: dai de du yang, yu u, Hkebara hka kau e, ngai mu yu ai Yehowa a hpung shingkang gaw, dai yang e dan hkung nga ai hpe, ngai mu nna, ngai gaw myi man gum dagup nngai.

EZEKELA 40:2

Karai Kasang a shingran hte shi ngai hpe Israela mung de woi wa nna, grai tsaw ai bum ntsa e tawn da nngai; dai bum a dingda maga de mare nsan ai hkrang dan pru nga ai.

EZEKELA 43:3

Ngai mu ai shingran gaw, mare hpe jahten na matu dan pru ai shingran hte, Hkebara hka kau e ngai mu yu ai shingran zawn, rai nga nna, ngai myi man gum dagup nngai.

EZEKELA 8:3

Shi gaw lata hkrang ladawn nna, nye a kara latsin mi lang nga ai: shaloi Wenyi gaw aga hte lamu lapran e ngai hpe pawn shalun nna, Karai Kasang kaw na shingran hte, Yerusalem mare a dingdung maga ang ai kata wang chyinghka de, ngai hpe woi wa nngai: dai yang e, nsu nnawn shangun ai, nsu nnawn ngu ai sumla tingnyang rai nga ai.

HOSEA 12:10

Rai timung, ngai Yehowa gaw, Egutu mung na nang hpe shapraw la ai Karai Kasang rai nga nngai: madat da ai poi shani e nga ai zawn, ngai nang hpe sum hta, bai nga shangun lu na nngai.

YOELA 2:28

Dai hte a hpang e ngai gaw, ashan yawng a ntsa e nye a Wenyi hpe ru jaw nna, nanhte a shayi shadang sha ni myihtoi htoi na mara ai; nanhte a dingla ni yup mang mu na mara ai; nanhte a brang ram ni shingran mu na mara ai;

BU HKAWM 12:6

Shaloi Yehowa gaw, “Nye a ga madat yu mu: nanhte hta myihtoi nga ai rai yang, ngai Yehowa dai wa hta shingran hte nye hkum madun na rai nngai;

BU HKAWM 4:3

dai shawa sum hta amu gun hpai lawm lu na ni yawng hte hpe, kaji kawa dap hkan nna jahpan hti la mu.

MAHTE 17:9

Ya dai bum na shanhte yu hkrat wa ma yang, Yesu gaw, “Dai Masha Kasha si ai ni kaw na sharawt la ai garai n hkrum hkrum gaw, ndai shingran hpe, kadai wa hpe mung hkum tsun dan myit,” ngu nna shanhte hpe hkang dat mu ai.

MAHTE 3:16

Ya Yesu gaw baptisma hkam la ngut jang, dai hka hta na byawn hprang rai lung wa nna, yu u, lamu gaw hpaw malang wa nhtawm, Karai Kasang a Wenyi gaw, hkrudu zawn yu hkrat wa nna, shi a ntsa e dung nga ai hpe shi mu lu ai:

MARKU 1:10

Shaloi jang, dai hka hta na shi pru lung wa yang sumsing lamu gaw ga malang wa ai hte, dai Wenyi gaw hkrudu zawn, shi a ntsa e yu wa ai hpe, shi mu wu ai rai nna,

LUKA 3:21

Masha nlang baptisma hkam la ma ai shaloi, Yesu mung baptisma hkam nhtawm, akyu hpyi nga yang, lamu hpaw wa nna,

LUKA 3:23

Yesu gaw amu galaw hpang ai shaloi sumshi ning daram rai wa sai; shi gaw masha myit yu ai hte maren, Yawsep a kasha rai nga ai: Yawsep gaw Heli a kasha; Heli gaw Mahtat a kasha;

YAWHAN 1:51

Bai Yesu gaw, “Ngai nanhte hpe teng teng tsun made ga, Sumsing lamu hpaw malang wa nna, Karai Kasang a lamu kasa ni gaw, Masha Kasha a ntsa e lung wa yu wa rai nga ai hpe, nanhte mu na marin dai,” ngu nna shi hpe htan tsun wu ai.

KASA 10:11

sumsing lamu hpaw wa ai hte, hpajawng kaba zawn, jut mali de jum nna, ga de shayu dat ai arai hpe mu wu ai:

KASA 10:3

Lani wa mi ahkying jahku daram e, Karai Kasang a lamu kasa shi kaw du nna, “Korneli e,” nga nna shi hpe shaga ai gaw, shingran hta leng leng mu wu ai.

KASA 7:56

“Yu u, sumsing lamu hpaw malang nga ai hte, Karai Kasang a hkra maga de Masha Kasha tsap nga ai gaw, ngai mu se ai,” nga ai.

2 KORINHTU 12:1

N gumrawng nga ai gaw n nga lu nngai; rai timung dai gaw htaphtuk nga ai n rai: ya chyawm gaw, dai Madu kaw na myi le le ai hte shingran mu ai lam, ngai gaw tsun hpang na nngai.

SHINGRAN 19:11

Bai, sumsing lamu hpaw malang nga ai hpe, ngai mu nngai, shaloi, yu mu, gumra ahpraw dan pru nna dai hta jawn ai wa gaw, Kangka hte Tengman ngu ai wa rai nga ai; shi gaw dinghpring ai hku tara dara ai hte majan gasat nga ai.

SHINGRAN 4:1

Dai hte byin ngut jang ngai mu nngai, gaw, yu u, sumsing lamu e chyinghka hpaw malang nga ai rai nna, ngai na hkrup ai shawng na nsen gaw, hpahtau zawn ngoi nga ai hte, Nang de lung rit, htawm hpang e byin na ra ai lam hte hpe ngai nang hpe madun dan de ga, nga nna ngai hte ga tsun nga ai.