ESHTA 9:4 - Jinghpaw Hanson Version Bible

⁴ Kaning rai nme law Mordehkai gaw hkawhkam htingnu hta kaba wa nna, shi a kajai gumhkawng ai gaw, mungdaw ni hta pri rai wa sai; dai la wa Mordehkai gaw lani hte lani grau nna kaba wa sai.

Jinghpaw Common Language Bible 2009

⁴ Mordehkai gaw hkawhkam htingnu hta daru magam n-gun rawng wa ai hte grau grau nna jat kaba wa nga ai gaw hkawseng mungdan ting hta kajai gumhkawng nga sai.

ESHTA 9:4 ပူးပေါင်းရင်းမြစ်များ

2 SAMUELA 3:1

Shing rai Shawlu a amyu hte Dawi a amyu gaw, na na wa majan gasat nga nna, Dawi mahtang n-gun ja wa nna, Shawlu amyu gaw le le yawm mat ma ai.

1 HKAWHKAM LABAU 11:9

Dawi chyawm gaw grau nna galu kaba jat wa nga ai; kaning rai nme law, Zaw nawng Zaw wa up ai Yehowa gaw shi hte rau rai nga ai.

1 HKAWHKAM LABAU 14:17

Shing rai Dawi a kajai gumhkawng ai lam mung shagu hta dan hkung wa nna, amyu shagu shi hpe hkrit mu ga nga, Yehowa shabyin wu ai.

ESHTA 10:2

Mordehkai galaw ai daru magam amu bungli mahkra hte, shi a hpung shingkang, hkawhkam wa shi hpe shagrau shatsaw ai majaw, shi galu kaba dan hkung ai lam, Medi yan Persi hkawhkam ni a labau laika ni hta azin ayang ka da nga ai, n rai ni?

SHAKAWN KUNGDAWN 1:3

Dai wa gaw hka kau e hkai ai, Shi a aten hta asi si nna, Alap mung n nyip ai hpun hte bung nga ai: Shi galaw ai yawng mayawng mung tai na ra ai.

SHAKAWN KUNGDAWN 18:43

Dai amyu a ru hka hta na, nang ngai hpe shalawt la nna, Masha amyu ni a bawmung tai u ga, nang ngai hpe tawn da ni ai. Ngai n chye ai amyu gaw, nye a amu galaw nga ai.

SHAKAWN KUNGDAWN 92:13

Yehowa a nta e hkai tawn da ai ni, Anhte a Karai Kasang a wang e, kaba wa na mara ai.

PRU MAT 11:3

Shaloi Yehowa gaw dai amyu hpe Egutu masha ni a man e myi man pa shangun wu ai: dai wa Mawshe gaw, Egutu mung e, Hpara-u a agyi salang ni a man e mung, mung masha ni a man e mung, nachying galu kaba wa lu ai.

GA SHAGAWP 4:18

Dinghpring ai ni a lam chyawm gaw, jahpawt nhtoi hte bung nga ai; Dai gaw nhtoi leng hkra ahtoi ahkung wa nga ai.

ESAIA 9:7

Madu gaw Yaku hpang de mungga shangun dat nna, dai gaw Israela ntsa e di hkrat nga ai.

ZEHPANI 3:19

Yu u, nang hpe zingri zingrat ai ni nlang hte hpe, ndai aten e ngai dawdan na nngai: lagaw hten ai ni hpe ngai hkye hkrang la nna, shabra kau hkrum ai ni hpe jahpawng da na nngai: ga ntsa ting hta kaya hkrum ai ni hpe, shakawn kungdawn shara hte amying shingteng lu ai amyu, ngai shatai na nngai.

MAHTE 4:24

Dai majaw, shi a kajai gumhkawng ai shiga gaw, Suri mung ting hta e pri rai wa sai rai nna, shanhte gaw, hkum n pyaw ai, machyi makaw amyu myu hte kawa machyi hkrum ai ni hte, nat kap ai, mamu mu ai hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya wu ai.

YAWSHU 6:27

Shing rai Yehowa Yawshu hte rau nga nga ai rai nna, shi a lam mung ting kajai gumhkawng wa ai.

1 SAMUELA 2:30

Dai hku galaw myit dai majaw, Israela Karai Kasang Yehowa tsun ai gaw, ‘Na amyu, nanhte lakung gaw nye a man e tut tut hkawm sa lu na ra ai,’ ngu nna ngai tsun kau rai timung, Yehowa bai tsun u ga: ‘ngai e shagrau ai ni hpe sha ngai shagrau na we ai; ngai hpe n gawn n sawn re ai ni gaw arawng hpoi mat na mara ai.