ESHTA 9:2 - Jinghpaw Hanson Version Bible

² Yuda masha ni gaw, hkawhkam Ahasuru a mungdaw ni mahkra hta shanhte e zingri zingrat ai ni hpe hkap daw na matu, sa zup sa hpawng nga ma ai: mung masha ni kadai mung shanhte hpe hkrit mat ma ai majaw, n sa gasat gwi mat ma ai.

Jinghpaw Common Language Bible 2009

² Hkawseng mungdan kata na Yuda ni nga ai mare shagu hta, shanhte hpe machyi hkra shangun nga ai kadai hpe mung hkap gasat lu na matu Yuda masha ni nan hpawng shinggyin nga ma ai. Shara shagu hkan na mung masha ni shanhte hpe hkrit nga ma ai rai nna kadai mung shanhte hpe n rawt gumlau gwi nga ma ai.

ESHTA 9:2 ပူးပေါင်းရင်းမြစ်များ

NINGPAWT NINGHPANG 35:5

Shing rai shanhte htawt mat wa ma ai; grup yin na mare masha ni hta Karai Kasang a jahkrit shama ai nga nga ai majaw, shanhte Yaku a shadang sha ni hpe n hkan shachyut gwi mu ai.

ESHTA 8:11

Dai laika hta ka da ai gaw, Adara ngu ai shata shi lahkawng a shi masum ya shani jang, hkawhkam Ahasuru a mungdaw ni nlang hte hta,

ESHTA 8:17

Dai hta kaga, hkawhkam a dawdan ai ga hte hkang dat ai ga du ai mungdaw shagu hte mare shagu hta, Yuda masha ni gaw kabu gara ai hte sharawng awng nna, poi galaw ai hte nhtoi kaja mu lu masai. Mung masha ni gaw Yuda masha ni a lam hkrit ma ai majaw, mung masha law law wa Yuda masha tai wa masai.

ESHTA 9:10

rai timung, shanhte lanep n la ma ai.

SHAKAWN KUNGDAWN 71:13

Nye a asak hpe gumlau na maw ai ni, Kaya hkrum nna htum mat wa mu ga; Ngai hpe n hkru ai hku galaw na tam ai ni, Shatan nhkan hte arawng hpoi ai ka-up nga mu ga.

SHAKAWN KUNGDAWN 71:24

Nye a shinglet mung, na a dinghpring ai lam hpe, Shani tup shana ya na ra ai; Kaning rai nme law, ngai hpe n hkru ai hku maw ai ni, Kaya kahpa hte myi man sum ai hkrum nga ma ai.

PRU MAT 23:27

Ngai hpe hkrit gari na myit na a shawng e ngai shangun dat nna, nang du dep wa ai shara shagu e masha amyu ni hpe myit mak shangun na mawe ai: na a hpyen ni yawng hpe ngai shingdu hpyin galau shangun na mawe ai.

ESAIA 8:9

Amyu baw ni e, kabring kabrawng nga timung, agrawp kau ai hkrum mu; sumtsan mung na ni e, madat mara nga mu; shingkyit kyit timung, agrawp kau ai hkrum mu;

TARA JAHPRANG 2:30

Hesbon hkawhkam Sihon gaw anhte lai wa na ahkang n jaw mi ai: kaning rai nme law, dai ni mu nga ai hte maren, nanhte a Karai Kasang Yehowa gaw, dai hkawhkam wa hpe nanhte a lata hta ap kau na matu, shi a wenyi hpe shaja ya nna, shi a myit hta nhtan jashai ya nu ai.

YAWSHU 11:20

Kaning rai nme law, Yehowa Mawshe hpe hkang da ai hte maren, dai masha amyu ni hpe kachyi mi muk matsan n dum ai sha, atsai awai sat nna shamyit kau lu na matu, Israela masha ni hpe hkap daw gasat gwi hkra, Yehowa gaw shanhte a myit hpe shaja ya da mu ai.

YAWSHU 2:9

“Yehowa ndai mungdan nanhte hpe jaw kau sai mung, nanhte hpe anhte hkrit mak mat nna, nanhte a majaw mung masha ni nlang minla byaw mat masai mung, ngai chye ni ai.