ESHTA 9:1 - Jinghpaw Hanson Version Bible

¹ Ya hkawhkam wa hkang dat ai hte maren, dawdan ai aten ni wa nna, Yuda masha ni hpe hpyen ai ni gaw, shanhte hpe dang kau nna myit mada nga ai shani, Adara ngu ai shata shi lahkawng a shi masum ya shani du jang, ginwan gale mat nna, Yuda masha ni gaw shanhte hpe n dawng n yawt ai ni a ntsa e up nga lu ma ai:

Jinghpaw Common Language Bible 2009

¹ Hkawhkam wa ndau shabra dat ai nhtoi ngu ai Adara shata shi masum ya shani hta, Yuda masha ni a gumlau hpyen ni gaw shanhte a daru magam n-gun hte ka-up dang la na myit mada nga ma ai. Rai ti mung shing rai lu na malai, Yuda masha ni mahtang shanhte hpe padang dip la lu nga ma ai.

ESHTA 9:1 ပူးပေါင်းရင်းမြစ်များ

2 SAMUELA 22:41

Ngai hpe gumlau ai ni a shingdu nang ngai hpe madun ya nna, Ngai e n dawng ai ni hpe tsai tsai shamyit kau lu we ai.

ESHTA 3:13

Shing rai, Adara ngu ai shata shi lahkawng a shi masum ya shani jang, Yuda masha yawng, kaji kaba, ma kaji numsha mahkra hpe, atsai awai sat shagrawm shamyit kau nna, shanhte a arung arai ni hpe lanep shatai na nga, hkang dat ai laika ni hpe, laika sa ai ni a lata hte, hkawhkam a mungdaw shagu de shabra dat mu ai.

ESHTA 3:7

Dai re majaw, Ahasuru hkaw dung ai shi lahkawng ning hta e, Nisan ngu ai, shawng shata kaw nna, Adara ngu ai, shata shi lahkawng du hkra, lani hte lani shata mi hte shata mi, Haman a man e Pura ngu ai hpaida, da nga ma ai.

ESHTA 8:12

mare mi hte mare mi e nga ai Yuda masha ni gaw, zuphpawng nga nna, shanhte hte shanhte a ma kaji ni kanu ni hpe sat kau nna, shanhte a arung arai ni hpe lanep shatai maw ai mung masha ni kadai hpe mung, hkap gasat mai nna tinang a asak hkye la lu hkra, hpyen ni nlang hte hpe atsai awai sat shagrawm shamyit kau lu na ahkang rawng nga ai.

ESHTA 8:6

Nye amyu a ntsa e du ai tsin-yam tsindam hpe mung, nye a kahpu kanau ni hten byak hkrum nga ai hpe mung, ngai kaning rai yu nga lu na rai ta?” ngu wu ai.

ESHTA 9:17

Dai gaw Adara shata a shi masum ya e byin nga ai; dai rai nna shanhte gaw dai shata a shi mali ya e ban sa nna, dai shani hpe poi sha ai hte kabu gara ai shani shatai mu ai.

SHAKAWN KUNGDAWN 18:40

Ngai hpe gumlau ai ni a shingdu de nang ngai hpe madun ya nna, Ngai e n dawng ai ni hpe ngai tsai tsai jahten kau mawe ai.

SHAKAWN KUNGDAWN 30:11

Nye a yawn hkyen ai hpe ka gumlawt ai hte nang galai ya ndai; Nye a lachyit nba hpe nang raw kau ya nna, Kabu gara ai hte ngai hpe shingkyit kyit ya ndai.

KASA 12:11

Ya Petru myit arai la lu jang, Madu gaw shi a lamu kasa shangun dat nna, Herod a lata hte Yuda masha ni myit mada ai lam yawng hta na ngai hpe shaw la sai gaw, ya ngai teng teng chye se ai, nga nna,

TARA JAHPRANG 32:36

Yehowa gaw shi a amyu hpe tara dara na wu ai; Shi a masha ni n-gun htum mat ai hte, Bawng dung ai mi n nga, bawng lawt ai mi n pra ai hpe shi mu jang, Shanhte a matu myit malai lu ya na wu ai.

SHINGRAN 11:18

masha amyu ni n-yun bu nna, na a sindawng pawt ai dan pru ra ai; si ai ni hpe tara dara nna, na a shangun ma myihtoi ni hpe mung, na a chyoi pra ai ni hpe mung, na a mying nsang hpe hkrit hkungga ai kaji kaba ni hpe mung, shabrai htang jaw na hte, lamu ga jahten shabyak kau ai ni hpe bai jahten shabyak kau na nhtoi du ra ai law,” nga nna shakawn nga ma ai.