ESHTA 8:9 - Jinghpaw Hanson Version Bible

⁹ Shaloi shata masum ngu na, Siwan shata nhtoi hkun masum ya e, hkawhkam wa a chyare ni hpe shaga la nhtawm, Mordehkai hpa lam hkang dat mayu ai hte maren, India mung kaw nna, Hkusha mung du hkra rai nga ai, mungdaw latsa e hkun sanit hta de nga ai Yuda masha ni, hpyen du ni, munggyi ni hte du salang ni mahkra hpang de, mungdaw langai hte langai a laika ka ai hku, amyu langai hte langai a ga tsun ai hku, Yuda masha ni a laika ka ai hku hte ga tsun ai hku hkan nna, ga shabra dat mu ai.

Jinghpaw Common Language Bible 2009

⁹ Ndai lam gaw shata masum ngu na Siwan shata hkun masum ya shani e byin nga sai. Mordehkai gaw hkawhkam wa a amu madu ni hpe shaga la nhtawm laika ni ka la ai hte India mungdan kaw nna Hkusha mung du hkra rai nga ai mungdaw latsa e hkun sanit hta de nga ai Yuda masha ni, munggyi ni, up hkang ai ni hte du salang ni yawng hpang de, mungdaw langai hte langai tinang a ga hte laika ka ai hku Yuda masha ni hpang de mung, shanhte shaga ai ga hte laika ka ai hku hkan nna shabra dat ma ai.

ESHTA 8:9 ပူးပေါင်းရင်းမြစ်များ

2 HKAWHKAM 18:26

Shaloi Hilkia kasha Eliakim hte Shebna yan Yoa gaw Rabshake hpe, “Na a mayam ni hpe Suri ga hte tsun dan mi; dai ga anhte chye na ga ai: mare bunghku hta dung nga ai yu maya ni chye na lu hkra, Yuda ga hte hkum tsun mi,” ngu nna hpyi mu ai.

2 HKAWHKAM LABAU 15:10

Dai rai nna shanhte gaw Asa hkaw dung ai shi manga ning, shata masum hta Yerusalem mare hta sa hpawng ma ai.

ESHTA 1:1

India mung kaw nna, Hkusha mung du hkra, mungdaw latsa e hkun sanit a ntsa e up ai hkawhkam Ahasuru a lakhtak e,

ESHTA 1:22

Shi gaw, masha langai hte langai tinang a nta up na hte, tinang a amyu ga hku tsun nga na matu, amyu langai hte langai a tsun ai ga hku hkan nna, hkawhkam mungdaw ni hproi hkra, mungga laika shabra dat wu ai.

ESHTA 10:1

Ya hkawhkam Ahasuru gaw, hkarang na lamu ga hta mung nammukdara zunlawng ni hta mung, hkanse hta wu ai.

Daniela 4:1

Ngai hkawhkam Nebuhkadneza gaw, ga ntsa ting hta shanu nga ai amyu baw ni hte, ga amyu myu tsun ai masha amyu ni hpe, htet shana dat nngai: Nanhte hta ngwipyaw ai gaw law htam wa u ga law.

Daniela 6:1

Ya Dari gaw, mungdan amu mahkra hpe gun hpai na matu, munggyi latsa e hkun tawn da na, myit hkut nga ai;

Daniela 6:25

Dai hpang Dari hkawhkam gaw, ga ntsa ting hta e shanu nga ai amyu baw ni hte, ga amyu myu tsun ai masha yawng hte hpe laika ka nna, “Nanhte hta ngwipyaw ai gaw, law htam wa u ga law: