ESHTA 8:5 - Jinghpaw Hanson Version Bible

⁵ “Hkawhkam wa hkraw nna ngai shi a man e myi man pa ai hte, hkawhkam wa dai lam ra nna, shi ngai hpe yu ra ai rai yang gaw, hkawhkam wa mungdaw shagu hta nga ai Yuda masha ni hpe sat shagrawm kau na nga, Agag amyu masha, Hamedahta a kasha Haman hpaji daw nna, ka shabra dat ai laika ni hpe, hkawhkam wa hkan ka shabai kau u ga.

Jinghpaw Common Language Bible 2009

⁵ “Nye a madu hkawhkam awng sharawng ai hte ngai hpe myit manoi nna na a matu jaw hkrak ai zawn myit nawn la n yang gaw hkawseng mungdan hta nga ai Yuda masha ni yawng hpe sat shagrawm kau na matu Agag amyu matu na Hamedahta a kasha Haman a hkang da ai ga hkan galaw na matu matsun dat ai lam hpe hkan shabai na matu ndau laika hpe chyeju hte ka shapraw ya e.

ESHTA 8:5 ပူးပေါင်းရင်းမြစ်များ

ESHTA 2:17

Hkawhkam wa gaw numsha ni mahkra hta, Eshta hpe grau tsawra wu ai rai nna, shi gaw hkawnsek ni mahkra hta, shi a man e chyeju hte myi man pa nga ai; shing rai, shi hpe hkawhkam janmau shagup ya nna, Washti a malai hkawhkam jan shatai wu ai.

ESHTA 2:4

hkawhkam wa grau ra ai hkawnsek hpe Washti a malai hkawhkam jan shatai u ga,” ngu nna shi hpe tsun mu ai. Hkawhkam wa gaw dai lam na ra nna, dai lam galaw wu ai.

ESHTA 3:1

Dai hpang e hkawhkam Ahasuru gaw, Agag amyu na, Hamedahta kasha Haman hpe shagrau nna, shi hte rau nga ai du salang ni mahkra hta grau tsaw ai aya hta dang da wu ai.

ESHTA 5:8

“Hkawhkam a man e ngai myi man pa ni ai rai nna, hkawhkam wa gaw ngai hpyi ai ga madat mayu ai hte, ngai tam ai lam shabyin na rai yang gaw, ngai bai hkyen tawn ai poi de hkawhkam wa hte Haman naw sa marit; shaloi she hkawhkam wa tsun ai hte maren, hpawt ni e galaw na nngai,” ngu wu ai.

ESHTA 7:3

Dai rai nna hkawhkam jan Eshta gaw, “Hkawhkam wa e, ngai na a man e myi man pa ai hte hkawhkam wa hkraw n yang gaw, ngai hpyi ai hte maren, nye a asak, ngai tam ai hte maren, nye amyu masha ni a asak, jahkrung da ya mi;

PRU MAT 33:13

dai rai nna, na a man e ngai myi man pa ni ai rai yang gaw, ngai myi man pa ai lam ngai chye lu n ga, nang hpe mung ngai chye lu hkra, na a lam ngai hpe madun ya e: ndai amyu, na a masha ni rai nga ma ai hpe myit yu u,” ngu nna hpyi wu ai.

PRU MAT 33:16

Kaning rai nme law, ngai hte ndai amyu, na man e myit man pa lu ai gaw, kaning rai chye na a ta? Ngai hte na a amyu, ga ntsa na amyu nlang hte hte shai na gaw, nang anhte hte rau lung wa jang she chye lu na n rai ni?” ngu wu ai.

1 SAMUELA 20:29

Ngai wa na ahkang jaw dat rit; nye nta dap ni, mare hta hkungga jaw poi de ma ai; nye hpu mung htet dat ai; nang kaw myi man pa nngai rai yang gaw, ngai wa nna hpu ni hpe hkrum lu na ahkang jaw e, nga nna akroi anoi hpyi ai: dai majaw hkawhkam wa a sha ku de shi n du ai rai nga ai,” ngu nna Shawlu hpe htan wu ai.