ESHTA 8:3 - Jinghpaw Hanson Version Bible

³ Bai Eshta gaw, hkawhkam wa man e gum dagup nna, Agag masha Haman gaw Yuda masha ni hpe hkalem maw ai lam hkawhkam wa shabai kau u ga, nga nna hkrap ngu hkrap ngoi let, hkawhkam wa man e hpyi tawngban wu ai.

Jinghpaw Common Language Bible 2009

³ Shaloi Eshta gaw hkawhkam wa hpe bai shaga na nga, shi a lagaw nhpang e gum dagup let hkrap nga wu ai. Yuda masha ni hpe hkap daw na nga, Agag amyu matu na Haman a n hkru ai maw mawn lam hpe jahkring kau na matu shi hpe hpyi nem wu ai.

ESHTA 8:3 ပူးပေါင်းရင်းမြစ်များ

2 HKAWHKAM 4:27

Bai shi gaw dai bum ntsa e nga ai Karai Kasang a masha wa kaw du jang, shi a lagaw hpe ginshum ya wu ai. Gehazi mahtang shi hpe hkum da na nga sit sa wa timung, Karai Kasang a masha wa gaw, “Shi anga nga u ga: shi a myit masin kahtet la nga lu ai; Yehowa chyawm gaw dai lam makoi da nna, ngai hpe n madun dan nga ai,” ngu wu ai.

ESHTA 3:1

Dai hpang e hkawhkam Ahasuru gaw, Agag amyu na, Hamedahta kasha Haman hpe shagrau nna, shi hte rau nga ai du salang ni mahkra hta grau tsaw ai aya hta dang da wu ai.

ESHTA 7:4

ngai hpe mung, nye amyu masha ni hpe mung, atsai awai, sat shagrawm shamyit kau na nga, anhte dut kau ai hkrum saga ai. Mayam num mayam la tai na matu, dut kau hkrum ai rai yang, hpyen wa gaw hkawhkam wa sum ai malai, jahpu n jaw lu timung, ngai atsin sha nga na nngai,” ngu nna htan wu ai.

ESHTA 8:2

Hkawhkam wa mung, Haman kaw na dawm la ai lachyawp hpe shi a lata na malaw la nna, Mordehkai hpe ap ya nu ai. Eshta mung Mordehkai hpe, Haman a nta ntsa e up shangun wu ai.

ESHTA 8:4

Shaloi hkawhkam wa gaw Eshta hpang de shi a ja sumdoi ladawn dat wu ai. Shing rai Eshta gaw rawt nna hkawhkam wa a man e tsap nga let,

ESAIA 38:2

Dai rai nna Hezekia gaw shakum de myi man yawng let,

HOSEA 12:4

Yaku gaw kanu a hkritung e, kahpu a lahtin jum nga ai; shi n-gun an wa yang, Karai Kasang hte kamu hkat wu ai:

HEBRE 5:7

Dai hkinjawng wa gaw, dinghta hkum shan hte naw pra nga ai nhtoi hte hta, si ai kaw na shi hpe mawai la lu ai wa kaw, akyu hpyi ai ga hte tawngban ai ga hpe, hkrap ngu hkrap ngoi nna myi prwi law law hte nawng ya ngut yang, shi a hkum tsup ai myit majaw hkap madat la ya ai hkrum nhtawm,

1 SAMUELA 25:24

Shi a lagaw nhpang e hput di let, “Nye a madu e, yubak mara nye a ntsa e rai nga nu ga; na a mayam jan ga hkaw mi tsun lu na ahkang jaw e; na a mayam jan a ga she madat ya rit.