ESHTA 8:16 - Jinghpaw Hanson Version Bible

¹⁶ Yuda masha ni gaw, htoi leng ai hte kabu gara ai, sharawng awng ai hte arawng sadang hkrum masai.

Jinghpaw Common Language Bible 2009

¹⁶ Yuda masha ni a matu chyawm gaw kabu gara ai, hkyamsa lam, kabu gara sharawng awng ai hte awng padang hkrai rai nga ai.

ESHTA 8:16 ပူးပေါင်းရင်းမြစ်များ

SHAKAWN KUNGDAWN 97:11

Dingman ai ni a matu, nhtoi htoi nga ai, Myit malang ai ni a matu kabu shara rai nga ai.

GA SHAGAWP 11:10

Dinghpring ai ni ngamu ngamai yang, mare ting kabu nga ai; Tara n lang ai wa, hten byak hkrum yang chyawm gaw, garu jahtau nga ma ai.

SHAKAWN KUNGDAWN 18:28

Gaja wa, nang nye a pyengdin shatu ya ndai: Nye a Karai Kasang Yehowa, nye a nsin hpe jahtoi ya ai.

ESAIA 35:10

Yehowa majaw hkye hkrang la hkrum ai ni gaw nhtang wa nna, mahkawn mangoi let Ziun bum de du na mara ai: shanhte a baw ntsa e htani htana kabu gara gup na ra ai: shanhte awng sharawng let kabu gara nga nna, yawn hkyen ai hte madai ai gaw sim mat na ra ai.

SHAKAWN KUNGDAWN 112:4

Matsan dum chye ai, n-gaw nwai ai hte dinghpring ai nhtoi, Myit malang ai ni a matu mara nsin hta e dan pru na ra ai.

ESHTA 9:17

Dai gaw Adara shata a shi masum ya e byin nga ai; dai rai nna shanhte gaw dai shata a shi mali ya e ban sa nna, dai shani hpe poi sha ai hte kabu gara ai shani shatai mu ai.

ESHTA 4:16

“Sa wa su, Shushan e nga ai Yuda masha nlang hte hpe jahpawng da u; nye a matu lusha gam ya nna, shani shana masum ya tup hkum lu hkum sha myit; ngai hte nye a shingnan num ni mung, dai hte maren lusha gam na ga ai; dai hpang, tara tawt lai timung, hkawhkam hpang de ngai shang na nngai: si yang si hkam na nngai,” ngu nna ga htang dat mu ai.

SHAKAWN KUNGDAWN 118:27

Yehowa gaw Karai Wa rai nga ai rai nna, anhte hpe jahtoi ya nga ai. Hkungri a nrung hta e, poi hkungga hpe, sumri hte gyit da mu.

SHAKAWN KUNGDAWN 30:12

Dai majaw galoi mung n sim n sa hkra, Nye a arawng nang hpe mahkawn mangoi na ra ai; Nye a Karai Kasang Yehowa e, Ngai nang hpe htani htana e shakawn kungdawn na nngai.

GA SHAGAWP 28:12

Dinghpring ai ni nlaw nga yang, arawng sadang kaba nga ai; Tara n lang ai ni rawt jang, masha ni makoi mat ma ai.