ESHTA 7:8 - Jinghpaw Hanson Version Bible

⁸ Shaloi hkawhkam wa gaw, htingnu sun kaw na tsabyi poi gawk de bai wa ai; Haman gaw Eshta taw nga ai yup ku hta gum dagup nga ai majaw, hkawhkam wa gaw, “Nye nta kata e, nye a man e nan, hkawhkam jan hpe kamu la na rai kun?” nga nna ga naw tsun nga yang, shanhte gaw Haman a myi man magap ya mu ai.

Jinghpaw Common Language Bible 2009

⁸ Hkawhkam wa sun kaw nna gawk de bai nhtang shang wa yang, shi gaw Eshta a yup ku ntsa e gum dagup let matsan dum la na matu hpyi nem nga ai hpe wa mu nna, hkawhkam wa gaw, “Ndai wa gaw nye a hkawhkam htingnu kata nye a man ndai yang e nan hkawhkam jan hpe roi na hkyen nga a hka i?,” ngu nna jahtau tsun wu ai. Hkawhkam wa ga naw shaga nga yang pyi unuk ni Haman a baw hpe sa magap da rau nga masai.

ESHTA 7:8 ပူးပေါင်းရင်းမြစ်များ

ESHTA 1:5

Dai aten lai jang hkawhkam wa gaw, Shushan htingnu e hpawng nga ai masha kaji kaba mahkra a matu, hkawhkam htingnu na sun wang kata e sanit ya tup poi galaw nga ai.

ESHTA 1:6

Dai yang e, lunghpraw shadaw hta gumhpraw shanghkawng noi nna, mani ai lachyit ri, hkyeng sawm ai sumri ni hte grang ai, ahpraw, atsit, amut nsan ai nba grang ni grang nga ai; yup ku ni gaw, aja gumhpraw rai nna, hkyeng ai, hpraw ai, tsit ai, chyang ai lung nep ntsa e tawn da nga ai.

ESHTA 6:12

Dai hpang Mordehkai gaw hkawhkam chyinghka de bai nhtang wa ai. Haman chyawm gaw, yawn nna baw magap let, shi a nta de alawan nhtang wa ai.

ESHTA 7:10

Shing rai Mordehkai a matu jung da ai wudang hta, Haman hpe noi da mu ai. Shaloi hkawhkam wa a myit kawp wa sai.

YOBA 9:24

Lamu ga gaw tara n lang ai ni a lata e rawng nga ai; shi gaw de a tara agyi ni a myi man hpe tau ya mu ai: ataw, shi n rai yang, kadai wa rai ta?

ESAIA 22:17

Yu u, Yehowa gaw, n-gun ja ai wa zawn, nang hpe gumpye kau na ra ai; gaja wa, nang hpe magra la nhtawm,

ESAIA 49:23

Hkawhkam ni gaw na a kawa malai, hkawhkam jan ni na a chyu jaw kanu malai tai na mara ai: shanhte a man e gum dagup nna, na a lagaw na ga nhpu mata na mara ai: ngai gaw Yehowa rai nga nngai, nang chye na rin dai; ngai hpe ala nga ai ni kaya kahpa hkrum na n rai.

AMO LAIKA (AMOS) 3:12

Yehowa ning nga ai: Sagu rem wa gaw hkanghkyi a n-gup na lagaw lahkawng, shing n rai, na daw mi sha gare la lu ai zawn, Samari mare hta yup ku jut e dung nna, Damasku panep ntsa e hkrawn taw nga ai Israela kashu kasha ni gaw, gare la ai hkrum na mara ai.

MARKU 14:65

Dai hta kaga nkau mi gaw, shi hpe mayen mahtaw bun ai hte, shi a myi man hpe magap kau ya nhtawm, shi hpe htwi nna, “Myihtoi ga tsun u,” ngu nna shi hpe tsun wu ai: ali ama ni mung lata hte shi hpe bye kahpret mu ai.