ESHTA 7:4 - Jinghpaw Hanson Version Bible

⁴ ngai hpe mung, nye amyu masha ni hpe mung, atsai awai, sat shagrawm shamyit kau na nga, anhte dut kau ai hkrum saga ai. Mayam num mayam la tai na matu, dut kau hkrum ai rai yang, hpyen wa gaw hkawhkam wa sum ai malai, jahpu n jaw lu timung, ngai atsin sha nga na nngai,” ngu nna htan wu ai.

Jinghpaw Common Language Bible 2009

⁴ Nye a amyu masha ni hte ngai gaw sat shamyit kau hkrum na matu, dut kau ai hkrum nga saga ai. Mayam tai na matu dut kau hkrum ai hta hpa mung grau n sawng ai rai yang, ngai atsin sha nga nna dai hte seng ai lam nang hpe n sharu shatsang na nngai; rai ti mung anhte gaw shamyit kau hkrum na matu ri ri sha rai nga saga ai-atsai awai sat shagrawm kau hkrum na saga ai!,” ngu nna htan wu ai.

ESHTA 7:4 ပူးပေါင်းရင်းမြစ်များ

NEHEMIA 5:5

Ya rai timung anhte a hkum shan, hpunau ni a hkum shan zawn rai nga ai; anhte a kashu kasha ni shanhte a kashu kasha ni zawn rai nga ninglen, anhte gaw, anhte a shayi shadang sha ni hpe dut nna mayam shatai nga ga ai; gaja wa, ya e pyi, anhte a shayi sha nkau mi mayam tai nga ma ai: masha kaga ni anhte a yi hkauna ni hte tsabyi sun ni hpe madu nga ai majaw, anhte hpa mung n galaw lu ga ai,” nga ma ai.

ESHTA 3:13

Shing rai, Adara ngu ai shata shi lahkawng a shi masum ya shani jang, Yuda masha yawng, kaji kaba, ma kaji numsha mahkra hpe, atsai awai sat shagrawm shamyit kau nna, shanhte a arung arai ni hpe lanep shatai na nga, hkang dat ai laika ni hpe, laika sa ai ni a lata hte, hkawhkam a mungdaw shagu de shabra dat mu ai.

ESHTA 3:9

Hkawhkam wa hkraw n yang gaw, shanhte hpe sat shagrawm kau na nga, hkang dat ai laika ka u ga; ngai mahtang, hkawhkam a sutdek ni hta, bang da na matu, hkawhkam a amu galaw ai ni a lata hta, gumhpraw joi sen mi ap ya na nngai,” ngu wu ai.

ESHTA 7:5

Shaloi hkawhkam Ahasuru gaw, “Ndai lam galaw gwi ai wa gaw, kadai wa rai ta? kanang rai nga a ta?” ngu nna hkawhkam jan Eshta hpe san wu ai.

ESHTA 7:6

Eshta gaw, “Gumlau wa hte hpyen wa gaw, ndai n hkru ai Haman nan rai nga ai,” ngu wu ai. Dai rai nna Haman gaw, hkawhkam wa hte hkawhkam jan a man e hkrit gari nga ai.

ESHTA 8:11

Dai laika hta ka da ai gaw, Adara ngu ai shata shi lahkawng a shi masum ya shani jang, hkawhkam Ahasuru a mungdaw ni nlang hte hta,

ESHTA 8:6

Nye amyu a ntsa e du ai tsin-yam tsindam hpe mung, nye a kahpu kanau ni hten byak hkrum nga ai hpe mung, ngai kaning rai yu nga lu na rai ta?” ngu wu ai.

ESHTA 9:25

hkawhkam wa dai lam chye jang, Yuda masha ni hpe, shi n hkru ai hpaji daw ai lam, shi a baw ntsa e nhtang dat nna, shi hte shi a shadang sha ni gaw, wudang hta noi da ai hkrum na ma ai, nga nna laika hte hkang dat wu ai.

Daniela 6:2

hkawhkam wa akyu n yawm hkra, dai munggyi ni gaw jahpan dan na matu, shanhte a ntsa e munggyi kaba masum shi tawn da nna, dai masum hta langai mi gaw Daniela rai nga ai.

YOELA 3:6

Yuda hte Yerusalem a kashu kasha ni hpe, tinang a buga na tsan tsan de htawt kau na matu, Heleni masha ni hpang de dut kau ai majaw mung,

AMO LAIKA (AMOS) 2:6

Yehowa ning nga ai: Israela a yubak masum hta n-ga, yubak mali majaw, ngai ari n jaw ai, nga na n rai: kaning rai nme law, shanhte gaw, dinghpring ai wa hpe gumhpraw hte, matsan mayan wa hpe kyepdin man mi hte, dut kau ma ai;

LUKA 12:45

Shing n rai, dai mayam gaw, “Nye a madu du wa na naw na la nga ai, nga nna shi a kraw kata e myit nga let, mayam la, mayam num manang ni hpe anu ajin di ai hte, lu nga, sha nga nna chyaru nang nga ai rai yang gaw,

TARA JAHPRANG 28:68

Lam ndai nang galoi mung bai mu lu sa na n rai, nga nna tsun kau sai lam hku, Yehowa gaw nang hpe Egutu mung de sanghpaw li hte bai woi sa wa nna, dai yang e mayam num mayam la sa tai nna, hpyen ni hpe tinang hkum dai sa dut timung, mari na kadai n nga ai.”

YAWSHU 9:23

Ya chyawm gaw nanhte dagam hkrum ai ni tai manit dai rai nna, mayam tai nna nye a Karai Kasang a nta matu hpun hta hka ja amu hte langai mi muk lawt na myit dai n rai,” ngu wu ai.

1 SAMUELA 22:23

ngai hte rau nga ga; hkum tsang et; ngai e sat gyam ai wa gaw, nang hpe mung gyam ai rai nga ai: ngai hte rau rai yang nang lawt lu na rin dai,” ngu nna Abiahta hpe hkap tsun wu ai.