ESHTA 7:2 - Jinghpaw Hanson Version Bible

² Ya ni ni shani na tsabyi lu ai poi hta hkawhkam wa gaw Eshta hpe, “Hkawhkam jan Eshta e, nang hpa hpyi n ta? nang hpe jaw na de ai; nang hpa tam n ta? mungdan chyen mi du hkra ap ya na de ai,” ngu nna bai tsun wu ai.

Jinghpaw Common Language Bible 2009

² lahkawng lang ngu na rau lu rau sha nga ma ai. Sabyi lu poi ngut jang, hkawhkam wa gaw Eshta hpe, “Hkawhkam jan Eshta e, ya nang hpa ra n ta? Dai hpe nang hkam la lu na rai nga ndai majaw ngai hpe tsun dan rit. Mungdan chyen mi hpe pyi nang hpe ngai jaw ya lu na nngai,” ngu nna bai tsun wu ai.

ESHTA 7:2 ပူးပေါင်းရင်းမြစ်များ

ESHTA 5:3

Shaloi hkawhkam wa gaw, “Hkawhkam jan Eshta e, nang hpa ra n ta? hpa hpyi mayu n ta? nye a mungdan chyen mi du hkra jaw na de ai,” ngu nna shi hpe tsun wu ai.

ESHTA 5:6

Ya hkawhkam wa gaw poi tsabyi lu nga yang, Eshta hpe, “Nang hpa hpyi n ta? nang hpe jaw na de ai: nang hpa tam n ta? mungdan chyen mi du hkra, ap ya na de ai,” ngu wu ai.

ESHTA 7:1

Shing rai hkawhkam wa yan Haman gaw, hkawhkam jan Eshta a poi hta lawm nga ma ai.

ESHTA 9:12

Bai hkawhkam wa gaw hkawhkam jan Eshta hpe, “Yuda masha ni gaw Shushan mare htingnu hta e, Haman a shadang sha marai shi hte rau, marai manga tsa tup sat shagrawm kau manu ai: dai rai yang, hkawhkam a mungdaw kaga ni hta, hpa naw galaw masai kun? Nang hpa hpyi n ta? nang hpe jaw na de ai; nang hpa naw tam n ta? lam shagu shabyin ya na de ai,” ngu wu ai.

MARKU 6:23

Dai hta n-ga, “Nang ngai hpe hpyi mahpyi, nye a mungdan ka-ang hkup du hkra, ngai nang hpe jaw na de ai,” ngu nna shi hpe dagam wu ai.

YAWHAN 16:24

Ya du hkra nye a amying hta gang nna, nanhte hpa mung n hpyi yu myit dai: nanhte a kabu gara ai hpring tup wa hkra, lu la na matu, hpyi nga mu.

KASA 23:19

Shaloi hpyen du kaba gaw shi a lata dun nna, shim ai shara de shi e woi bang nhtawm, “Nang ngai hpe hpa tsun mayu n ta?” ngu nna lagyim san yu wu ai.