ESHTA 7:10 - Jinghpaw Hanson Version Bible

¹⁰ Shing rai Mordehkai a matu jung da ai wudang hta, Haman hpe noi da mu ai. Shaloi hkawhkam wa a myit kawp wa sai.

Jinghpaw Common Language Bible 2009

¹⁰ Dai re ai majaw Mordehkai a matu Haman galaw da ai masha sat shara hta noi sat kau hkrum nga wu ai. Shaloi hkawhkam wa a masin kahtet ai gaw kawp mat wu ai.

ESHTA 7:10 ပူးပေါင်းရင်းမြစ်များ

ESHTA 2:1

Dai hpang hkawhkam Ahasuru gaw myit kawp yang, Washti hte, shi galaw ai lam mung, shi hpe dawdan ai lam mung, shi dum wu ai.

ESHTA 5:14

Dai rai nna madu jan Zeresha hte jinghku jing-yu ni mahkra gaw, “Dawng manga shi tsaw ai wudang sharawt jung da u; dai hta Mordehkai hpe shadau sat na matu, hpawt ni e hkawhkam wa hpe ahkang hpyi u; dai hpang kabu gara ai myit hte hkawhkam wa hte rau, poi sa lawm u,” ngu nna shi hpe tsun mu ai. Haman mung dai ga hpe na ra nna, wudang sharawt jung shangun mu ai.

ESHTA 7:7

Hkawhkam wa mung pawt bu ai hte, tsabyi poi na rawt nna, htingnu na sun de shang mat wa ai: Haman gaw shi a asak jahkrung da na lam, hkawhkam jan Eshta hpe hpyi nem na matu rawt tsap nga ai; kaning rai nme law, hkawhkam wa shi hpe ari jaw na, maw nga ai lam, shi chye da wu ai.

ESHTA 7:8

Shaloi hkawhkam wa gaw, htingnu sun kaw na tsabyi poi gawk de bai wa ai; Haman gaw Eshta taw nga ai yup ku hta gum dagup nga ai majaw, hkawhkam wa gaw, “Nye nta kata e, nye a man e nan, hkawhkam jan hpe kamu la na rai kun?” nga nna ga naw tsun nga yang, shanhte gaw Haman a myi man magap ya mu ai.

ESHTA 8:7

Shaloi hkawhkam Ahasuru gaw, “Haman gaw Yuda masha ni hpe sat kau mayu ai majaw, ngai shi a nta hkawhkam jan Eshta hpe ap kau ya se ai; dai wa hpe mung, wudang hta noi sat kau sai:

ESHTA 9:14

Dai lam galaw na nga hkawhkam wa hkang dat ai hte, Shushan mare hta dawdan laika shapraw nhtawm, shanhte gaw Haman a shadang sha marai shi hpe noi da mu ai.

ESHTA 9:25

hkawhkam wa dai lam chye jang, Yuda masha ni hpe, shi n hkru ai hpaji daw ai lam, shi a baw ntsa e nhtang dat nna, shi hte shi a shadang sha ni gaw, wudang hta noi da ai hkrum na ma ai, nga nna laika hte hkang dat wu ai.

YOBA 18:8

Shi a lagaw sumgawn hta ahkang mat nna, nbyeng ntsa e shi hkawm mat nga ai.

YOBA 20:8

Yup mang zawn shi wai mat nna, shi hpe n mu na ra ai; shana na shingran zawn, mat mat na ra ai.

SHAKAWN KUNGDAWN 37:15

Shanhte a nhtu tinang a salum hta htinggrang wa nna, shanhte a ndan ni mung agrawp mat na malu ai.

SHAKAWN KUNGDAWN 7:16

Shi n hkru ai amu shi a baw hta bai wa lu ai. Shi a baw pungding hta shi a kashun kashe bai hkrat sa lu ai.

SHAKAWN KUNGDAWN 94:23

Shi gaw shanhte a mara hpe, bai nhtang ya na mu ai, Yubak majaw shanhte hpe jahtum kau na mu ai: Anhte a Karai Kasang Yehowa, shanhte hpe jahtum kau na mu ai law.

GA SHAGAWP 11:27

Mai kaja ai hpe tam shakut ai wa gaw, akyu hkam la na ra ai; N hkru ai hpe hkan shachyut ai wa gaw, dai hpe hkrum na ra ai.

GA SHAGAWP 11:8

Dinghpring ai wa gaw, nni nkri kaw na lawt wa nna, Tara n lang ai wa, shi a malai hkrum sha na ra ai.

GA SHAGAWP 26:27

Nhkun htu ai wa gaw, dai hta hkrat na ra ai; Nlung galau ai wa ntsa e, dai nlung bai kamyet na ra ai.

YEREMIA 34:17

Dai re ai majaw Yehowa ning nga ai: Nanhte gaw langai hte langai, tinang hpunau shada, htingbu shada, dat dat na lam shapraw dan hkra, nye a ga n madat ai majaw, yu mu, Yehowa ning nga ai: Ngai gaw nanhte a matu ri nhtu, ana zinli hte kawsi hpang gara ai tsin-yam dat dat na lam htet da nna, nanhte hpe ga ntsa mungdan ni mahkra hta kahkrang hkawm shangun na nngai.

EZEKELA 5:13

Shing rai ngai pawt bu ai myit dik na ra ai: shanhte a majaw, nye myit kahtet ai, ngai jasim nna, ngai myit pyaw lu na nngai; shanhte a ntsa e nye pawt bu ai myit shadik yang, ngai Yehowa gaw sindawng kahtet nna, tsun ai hpe, shanhte chye lu na mara ai.

Daniela 6:24

Dai hpang Daniela hta mara shagun ai ni hpe, hkawhkam wa hkang dat ai ga hte, shanhte shaga nhtawm, kashu kasha madu jan ni hte hpawn, hkanghkyi nhkun de jahkrat bang kau nna, hkanghkyi ni shanhte hpe kawa amya kau ai hte, htumpa de garai n du yang, shanhte a nrut nra yawng hpe, agrawp daw kau ya mu ai.

Daniela 6:25

Dai hpang Dari hkawhkam gaw, ga ntsa ting hta e shanu nga ai amyu baw ni hte, ga amyu myu tsun ai masha yawng hte hpe laika ka nna, “Nanhte hta ngwipyaw ai gaw, law htam wa u ga law:

ZEHKARIA 6:8

Bai dai lamu kasa gaw, “Yu u, dingdung mung de sa wa ai ni gaw, dingdung mung hta e nye a myit shakawp manu ai,” nga nna ngai hpe jahtau tsun ai.

TARA AGYI 15:7

Dai majaw Samson gaw, “Nanhte dai hku galaw myit yang gaw, ngai mung masin si hkra naw tai na made ai; masin si yang she da na we ai,” ngu nna, shanhte hpe tsun ai hte rau, shanhte hpe a mani ndi sat kau mu ai: dai hpang shi yu wa nna, Etam e nga ai lungpu hta sa rawng nga ai.