ESHTA 6:3 - Jinghpaw Hanson Version Bible

³ Dai rai nna hkawhkam wa gaw, “Mordehkai dai lam shabrawng dan ai majaw, kaning re arawng sadang hte shagrau sha-a ai hkrum sata?” ngu nna san mu yang, hkawhkam wa hpe daw jau ai ali ama ni gaw, “shi a matu hpa mung n galaw yu ai,” ngu mu ai.

Jinghpaw Common Language Bible 2009

³ Hkawhkam wa gaw, “Mordehkai dai lam shabrawng dat ai majaw shi hpe kaning rai shagrau sha-a ai hte kumhpa jaw shagrau saga ta?,” ngu nna san wu ai. Shi a shangun ma ni mahtang, “Shi a matu hpa mung n galaw yu ga ai,” ngu nna htan mu ai.

ESHTA 6:3 ပူးပေါင်းရင်းမြစ်များ

NINGPAWT NINGHPANG 40:23

Rai timung tsabyi jau agyi wa gaw Yawsep hpe n dum ai sha, malap nna nga nga ai.

1 HKAWHKAM LABAU 11:6

Bai Dawi gaw, Yebusi masha ni hpe shawng dep gasat lu ai wa, agyi hte hpyen du tai na ra ai, nga nna tsun ai majaw, Zeruia kasha Yoab gaw shawng lung wa nna, agyi tai wa sai,

ESHTA 6:2

Dai laika ni hta, hkawhkam Ahasuru hpe sat na nga, chyinghka sin ai ni hta na, hkawhkam wa unuk Bightana yan Tere gaw, tam dakat ai lam, Mordehkai shabrawng dan ai hpe, mu hkrup mu ai.

ESHTA 6:4

Bai hkawhkam wa gaw, “wang kata e kadai nga nga a ta?” ngu nna san mu yang, Haman gaw, shi hkyen da ai wudang hta Mordehkai hpe shadau sat na matu, hkawhkam hpe ahkang hpyi na nga, htingnu na shinggan wang kata de shang ai majaw,

HPAJI NINGLI 9:15

Ya dai mare hta e matsan mayan timung hpaji rawng ai wa langai mi nga nna, shi gaw shi a hpaji hte dai mare hpe hkye la lu timung, dai matsan mayan wa hpe kadai mung n dum ma ai.

Daniela 5:16

Nang mahtang htai dan lu nna, gumwai ga malan lu ai hpe, na a lam ngai na ni ai: ya, ndai ka da ai ga hpe nang hti lu nna, de a lachyum ngai hpe shapraw dan lu yang, hkyeng sawm ai hpun palawng nang bu hpun nna, ja hkachyi gali let, ndai mungdan hta masum ngu na du tai na rin dai,” ngu nna Daniela hpe tsun wu ai.

Daniela 5:29

Shaloi Belashaza hkang da ai hte maren, shanhte gaw Daniela hpe hkyeng sawm ai hpun palawng jahpun nna, ja hkachyi gali nhtawm, mungdan hta masum ngu na du shi tai sai, nga nna shi a lam mungga shabra dat mu ai.

Daniela 5:7

Bai hkawhkam wa gaw, “mandan bau ai ni, Hkalde sara ni, gumhpan hpan ai ni hpe shaga mu,” ngu nna shabam dat wu ai: shing rai hkawhkam wa gaw, “Ndai ka da ai lam hte, de a ga lachyum ngai hpe htai dan lu ai wa kadai mung, hkyeng sawm ai hpun palawng bu hpun nna, ja hkachyi gali let ndai mungdan hta masum ngu na du tai na ra ai,” ngu nna Babelon hpaji rawng ai ni hpe tsun wu ai.