ESHTA 5:3 - Jinghpaw Hanson Version Bible

³ Shaloi hkawhkam wa gaw, “Hkawhkam jan Eshta e, nang hpa ra n ta? hpa hpyi mayu n ta? nye a mungdan chyen mi du hkra jaw na de ai,” ngu nna shi hpe tsun wu ai.

Jinghpaw Common Language Bible 2009

³ Hkawhkam wa gaw, “Hkawhkam Eshta e, kaning ngu mayu n ta? Nang hpa ra ai lam ngai hpe tsun dan rit, nye a mungdan chyen mi hpe pyi nang lu la lu na rai ndai,” ngu nna san wu ai.

ESHTA 5:3 ပူးပေါင်းရင်းမြစ်များ

1 HKAWHKAM 2:20

shaloi kanu gaw, “Lam kaji sha mi ngai nang hpe hpyi de ga; hkum ndang kau ya et,” ngu wu yang, hkawhkam wa gaw, “Nu e, hpyi e, ngai ndang kau na nngai n rai,” ngu wu ai.

1 HKAWHKAM 3:5

Gibeon shara e Yehowa gaw shana e yup mang hta Shawlumon kaw dan pru ai rai nna, Karai Kasang gaw, “Ngai nang hpe hpa jaw na hpyi e,” ngu wu ai.

NEHEMIA 2:4

Shaloi hkawhkam wa gaw, “nang hpa tam nga n ta?” ngu wu yang, ngai gaw, “Sumsing lamu na Karai Kasang hpe hpyi nngai.

ESHTA 5:4

Eshta chyawm gaw, “Hkawhkam wa hkraw n yang gaw, hkawhkam a matu ngai hkyen tawn ai poi de, Haman hte rau dai ni sa marit,” ngu wu ai.

ESHTA 5:6

Ya hkawhkam wa gaw poi tsabyi lu nga yang, Eshta hpe, “Nang hpa hpyi n ta? nang hpe jaw na de ai: nang hpa tam n ta? mungdan chyen mi du hkra, ap ya na de ai,” ngu wu ai.

ESHTA 7:2

Ya ni ni shani na tsabyi lu ai poi hta hkawhkam wa gaw Eshta hpe, “Hkawhkam jan Eshta e, nang hpa hpyi n ta? nang hpe jaw na de ai; nang hpa tam n ta? mungdan chyen mi du hkra ap ya na de ai,” ngu nna bai tsun wu ai.

ESHTA 9:12

Bai hkawhkam wa gaw hkawhkam jan Eshta hpe, “Yuda masha ni gaw Shushan mare htingnu hta e, Haman a shadang sha marai shi hte rau, marai manga tsa tup sat shagrawm kau manu ai: dai rai yang, hkawhkam a mungdaw kaga ni hta, hpa naw galaw masai kun? Nang hpa hpyi n ta? nang hpe jaw na de ai; nang hpa naw tam n ta? lam shagu shabyin ya na de ai,” ngu wu ai.

MARKU 6:23

Dai hta n-ga, “Nang ngai hpe hpyi mahpyi, nye a mungdan ka-ang hkup du hkra, ngai nang hpe jaw na de ai,” ngu nna shi hpe dagam wu ai.

LUKA 18:41

Ngai nang e hpa di ya na, nang ra n ta? ngu nna shi hpe san wu yang, dai wa gaw, “Madu e, nye myi mu li ga law,” ngu wu ai.

KASA 23:19

Shaloi hpyen du kaba gaw shi a lata dun nna, shim ai shara de shi e woi bang nhtawm, “Nang ngai hpe hpa tsun mayu n ta?” ngu nna lagyim san yu wu ai.