ESHTA 5:2 - Jinghpaw Hanson Version Bible

² Hkawhkam jan Eshta gaw wang kata e tsap nga ai hpe, hkawhkam wa mu wu yang, Eshta gaw shi a man e myi man pa nga ai rai nna, hkawhkam wa gaw shi a lata hta lang ai aja sumdoi Eshta hpang de ladawn dat wu ai. Shing rai Eshta sit sa nna, sumdoi a matu a htawk ya wu ai.

Jinghpaw Common Language Bible 2009

² Hkawhkam jan Eshta shinggan e tsap nga ai hpe hkawhkam wa mu ai shaloi shi a man e myi man pa nga ai rai nna hkawhkam wa mung shi hpang de ja sumdoi ladawn dat wu ai. Shaloi shi sit sa nna sumdoi matu sa hkra ya wu ai.

ESHTA 5:2 ပူးပေါင်းရင်းမြစ်များ

NINGPAWT NINGHPANG 32:28

Bai dai wa gaw, Na a amying hpa rai lit ta? ngu nna san wu yang, Yaku ngu ai rai li ai, ngu nna tsun dan wu ai.

NEHEMIA 1:11

Madu e, na a mying nsang hpe hkrit hkungga ai, na a mayam wa hte, na a mayam kaga ni a akyu hpyi ai ga hpe madat mara nga u law; na a mayam wa hpe dai ni shaman ya nna, ndai hkawhkam wa a man e, myi man pa shangun e law, ngu nna hpyi wu ai. Ngai chyawm gaw hkawhkam wa a tsabyi jau ai wa rai nga nngai.

ESHTA 2:9

Dai mahkawn gaw shi a myit hte htuk nna, myi man pa ai hkrum wu ai; shi hkum mawn sumli na matu, lang ra ai baw amyu ni, jarit hte hkawhkam nta na san da ai, shi kaw hkan mai ai shingnan num marai sanit alawan jaw wu ai; bai shi gaw, numsha nta na grau kaja ai shara hta, shingnan num ni hte rau shi hpe htawt tawn da mu ai.

ESHTA 4:11

“Numsha, lasha, kadai rai timung, hkawhkam n shaga ai, kata wang e hkawhkam hpang de shang yang, hkawhkam wa gaw, dai wa hpe jahkrung da na matu, shi a ja sumdoi n ladawn ya yang, teng teng si ai hkrum na lam langai sha nga ai gaw, hkawhkam a ali ama ni hte, mungdaw amyu masha ni mahkra chye shajang ma ai: ngai mung, ya sumshi ya tup hkawhkam hpang de shang na, shaga hkrum ai n rai,” ngu nna ga htang dat wu ai.

ESHTA 8:4

Shaloi hkawhkam wa gaw Eshta hpang de shi a ja sumdoi ladawn dat wu ai. Shing rai Eshta gaw rawt nna hkawhkam wa a man e tsap nga let,

SHAKAWN KUNGDAWN 116:1

Yehowa gaw nye a akyu hpyi ai nsen, Madat ya nga ai majaw, ngai awng nga nngai.

GA SHAGAWP 21:1

Hkawhkam a myit masin gaw, hka shi hka gai zawn, Yehowa a lata hta rawng nga nna, Shi myit ra ai hte maren shalen dat wu ai.

KASA 10:4

Shi gaw dai wa hpe azi yu nna, “Madu e, hpa lam rai ta?” ngu nna hkrit let shi hpe san wu ai. Dai wa chyawm gaw, “Na a akyu hpyi ai hte alu jaw ai lam, Karai Kasang a man e, masat dingsat matu hkrang salit dai.

KASA 7:10

Rai timung, Karai Kasang shi hte rau nga nga ai rai nna, tsin-yam tsindam yawng na shi hpe shaw la ai hte, Egutu hkawhkam Hpara-u a man e chyeju hte hpaji byeng-ya jaw wu ai majaw, dai hkawhkam gaw Egutu mung ting hte hpawn, shi a htingnu madu shangun wu ai.