ESHTA 4:8 - Jinghpaw Hanson Version Bible

⁸ Dai hta kaga, Yuda masha ni hpe sat shagrawm kau na nga, Shushan mare hta shapraw dat ai tara laika, Eshta hpe madun nna shi hpe hti dan na matu mung, Eshta gaw hkawhkam kaw shang nna, shi a amyu masha ni a matu mara hkawhkam wa hpe hpyi nem ya na matu mung, Mordehkai gaw, htawn ka ai laika, Hahtak hpe jaw dat wu ai.

Jinghpaw Common Language Bible 2009

⁸ Shi gaw Yuda masha ni hpe jahten sharun kau na lam hkang da sai dai Susa mare e htuk shapraw da sai ndau shabra laika kanan langai mi hpe Hahtat a lata hta bang dat ya wu ai. Eshta gaw hkawhkam wa kaw shang nna shi a amyu masha ni hpe matsan dum myit madun dan na matu hpyi nem ya na mung, byin nga masa sanglang ya na matu mung, ndai laika Eshta hpang de la wa ya na lam Mordehkai shi hpe tsun dat wu ai.

ESHTA 4:8 ပူးပေါင်းရင်းမြစ်များ

ESHTA 2:20

Eshta chyawm gaw, Mordehkai shi hpe bau maka nga yang, sharin achyin ya ai hte maren, naw a madat nga ai rai nna, shi a kahpu kanau ni hte shi a amyu a lam, hpa mung n tsun shabrawng nga ai.

ESHTA 4:9

Shaloi Hahtak gaw, Mordehkai a ga, Eshta hpe wa tsun dan wu ai.

ESHTA 8:6

Nye amyu a ntsa e du ai tsin-yam tsindam hpe mung, nye a kahpu kanau ni hten byak hkrum nga ai hpe mung, ngai kaning rai yu nga lu na rai ta?” ngu wu ai.

YOBA 9:15

Ngai dinghpring timung, hpa n htan wam nngai; nye tara agyi wa hpe, tawngban ai ga sha, tsun lu nngai.

SHAKAWN KUNGDAWN 122:6

Yerusalem a ngwipyaw na lam matu hpyi nga mu: Nang hpe tsawra ai ni awng wa lu mu ga.

GA SHAGAWP 21:1

Hkawhkam a myit masin gaw, hka shi hka gai zawn, Yehowa a lata hta rawng nga nna, Shi myit ra ai hte maren shalen dat wu ai.

HPAJI NINGLI 10:4

Du wa gaw nang hpe myit kahtet yang, na a aya hpe hkum kau da u; hkam sharang ai myit gaw yubak kaba hpe yeng kau chye ai.

KASA 12:20

Dai hte yang hkawhkam wa gaw Turu hte Sidun masha ni hpe grai pawt bu da wu ai; dai rai nna, shanhte gaw myit langai sha hte shi hpang de sa nna, Blastu ngu ai, shi a kun hkringmang wa kaw sa hpa let, majan htinglu na lam sa hpyi ma ai: kaning rai nme law, shanhte a mung mahtang hkawhkam a mung na, lusha shahpa lu la ma ai.

1 TIMOHTI 6:13

Anhte a Madu Yesu Hkristu a paw pru ai du hkra, agang chyalang n re ai hte mara n kap ai sha, dai hkang da ai ga hpe nang hkan nang nga u ga,

1 TIMOHTI 6:17

Ndai prat e sutgan lu ai ni gaw, gumrawng gumtawng n re ai hte, n grin ai sutgan hpe n shamyet nga ai sha, ngamu ngamai nga na matu, arai yawng mayawng anhte hpe n daw n hta jaw ai Karai Kasang hpe shamyet shanat nga na hte,