ESHTA 4:4 - Jinghpaw Hanson Version Bible

⁴ Eshta a shingnan num ni hte shi a gawk sin ai ni gaw dai lam shi hpe sa tsun dan ai majaw, hkawhkam jan gaw nachying myit yawn ai hte, Mordehkai a lachyit nba galai kau na matu, shi hpang de hpun palawng shagun dat timung, shi hkap la ai, n rai.

Jinghpaw Common Language Bible 2009

⁴ Eshta a shangun ma numsha ni hte unuk ni gaw Mordehkai hpa galaw nga ai lam shi hpe tsun dan ma ai shaloi, shi nachying myit yawn nga ai. Lachyit sumpan a malai bu hpun palawng nkau mi galai hpun na matu Eshta shi hpe shagun ya wu ti mung, dai ni hpe shi n hkap la nga ai.

ESHTA 4:4 ပူးပေါင်းရင်းမြစ်များ

NINGPAWT NINGHPANG 37:35

Shi a shadang sha ni hte shayi sha ni mahkra gaw shi hpe shalan shabran na nga rawt sa ma ai; shi chyawm gaw shalan shabran ga n kam madat ai hte, Ngai gaw ngai sha hpang de yawn hkyen ai hte katsan ga de yu wa na ni ai, nga ai: shing rai kawa gaw shi a majaw hkrap ngu hkrap ngoi rai nga ai.

2 HKAWHKAM 9:32

Yehu gaw hkuwawt hku de dawng yu nhtawm, “Nye a hpang maga de kadai wa rai nga a ta? kadai?” Ngu nna san wu yang, Htingnu sin ai ma lahkawng masum shi hpe mada yu ma ai.

ESHTA 1:12

Rai timung, hkawhkam jan Washti gaw, unuk ni a n-gup hta hkawhkam hkang da ai ga hpe lale kau nna, n sa ai nga nga ai; dai re ai majaw hkawhkam wa grai pawt bu nna sindawng kahtet nga ai.

ESHTA 4:3

Hkawhkam a hkang dat ai tara laika du ai mungdaw shagu hta e, Yuda masha ni gaw, lusha gam let, hkrap ngu hkrap ngoi, sharung shayawt ai hte myit yawn hkyen nga ma ai: law law wa mung, wan dap hta galu ai lachyit nba hta, kaleng taw nga ma ai.

ESHTA 4:5

Dai rai nna Eshta gaw, hkawhkam san da ai hte shi hpe bau sin ai hkawhkam a unuk Hahtak hpe shaga nna, dai lam hpa re ai kun, hpa majaw rai kun, sa san yu na nga, shi hpe Mordehkai hpang de shangun dat wu ai.

SHAKAWN KUNGDAWN 77:2

Ngai ru tsang ai nhtoi hta e, dai Madu hpe ngai tam nga nngai. Shana e pyi nye a lata hpe ngai a ladawn da nga nngai; Nye a myit masin ngwipyaw ai hpe kau da nu ai.

ESAIA 56:3

Yehowa hta manoi manat ai tsasam wa gaw, “Teng teng gaja wa, Yehowa ngai hpe shi a amyu masha ni hte jahka kau ni ai,” nga nna mung, unuk wa gaw, “Ngai hkum hpun chyahkraw rai nga nngai,” nga nna mung, hkum tsun mu ga.

YEREMIA 31:15

Yehowa ning nga ai: Rama shara hta e ngoi ai nsen, sharung shayawt ai hte hkrap ngu hkrap ngoi ai nsen, na lu ai; Rahkela, shi a kasha ni hpe hkrap nga ai rai nna, shanhte n nga ai majaw, shalan shabran n rai lu sai.

KASA 8:27

Shaloi shi rawt nna sa wa ai; ya yu mu, Ehtiopi mung up ai hkawhkam jan Kandake a man e ahkang kaba lu nna, shi a sutgan yawng sin ai, unuk re ai, Ehtiopi masha langai mi, nawku na nga, Yerusalem de sa wa sai:

1 SAMUELA 8:15

Nanhte a nsi naisi hte tsabyi htamshi na htammi shi la nna, shi a bu hkringmang ni hte shangun ma ni hpe jaw na mu ai.