ESHTA 4:3 - Jinghpaw Hanson Version Bible

³ Hkawhkam a hkang dat ai tara laika du ai mungdaw shagu hta e, Yuda masha ni gaw, lusha gam let, hkrap ngu hkrap ngoi, sharung shayawt ai hte myit yawn hkyen nga ma ai: law law wa mung, wan dap hta galu ai lachyit nba hta, kaleng taw nga ma ai.

Jinghpaw Common Language Bible 2009

³ Hkawhkam wa a ndau shabra ai Tara Laika du sai mungdaw shagu hta Yuda masha ni ja ja sharung shayawt nga ma ai. Shanhte gaw lusha gam, hkrap ngu hkrap ngoi ai hte yawn hkyen hkrum ma ai; shanhte law malawng hte gaw lachyit sumpan bu hpun nna dap shingmun hta kaleng taw ma ai.

ESHTA 4:3 ပူးပေါင်းရင်းမြစ်များ

ESHTA 1:1

India mung kaw nna, Hkusha mung du hkra, mungdaw latsa e hkun sanit a ntsa e up ai hkawhkam Ahasuru a lakhtak e,

ESHTA 3:12

Shaloi jang, shawng shata na shi masum ya e, hkawhkam wa a chyare ni hpe shaga la nna, Haman hkang dat ai hte maren, hkawhkam a du ni hpe, mungdaw shagu a munggyi ni hte amyu masha ni a agyi ni hpe, mungdaw langai hte langai a laika ka ai hku hte, amyu langai hte langai a ga ga ai hku hkan nna, laika ka shabra dat mu ai: hkawhkam Ahasuru amying gang let ka nhtawm, hkawhkam a lachyawp hte dazik shakap wu ai.

ESHTA 4:16

“Sa wa su, Shushan e nga ai Yuda masha nlang hte hpe jahpawng da u; nye a matu lusha gam ya nna, shani shana masum ya tup hkum lu hkum sha myit; ngai hte nye a shingnan num ni mung, dai hte maren lusha gam na ga ai; dai hpang, tara tawt lai timung, hkawhkam hpang de ngai shang na nngai: si yang si hkam na nngai,” ngu nna ga htang dat mu ai.

ESHTA 4:2

Lachyit nba bu hpun ai hte, hkawhkam chyinghka de kadai n mai shang timung, shi gaw hkawhkam chyinghka ndaw e nan, sa tsap nga ai.

ESHTA 4:4

Eshta a shingnan num ni hte shi a gawk sin ai ni gaw dai lam shi hpe sa tsun dan ai majaw, hkawhkam jan gaw nachying myit yawn ai hte, Mordehkai a lachyit nba galai kau na matu, shi hpang de hpun palawng shagun dat timung, shi hkap la ai, n rai.

ESHTA 9:31

Ahasuru a mungdan hta lawm ai mungdaw latsa e hkun sanit hta nga ai, Yuda masha ni nlang hte hpang de, ngwipyaw ai hte tengman ga rawng ai laika ni shagun dat wu ai.

YOBA 2:8

Shi hkum hpe ahkut kau na matu, di chyen shi la nna, wan dap hta dung nga ai.

ESAIA 22:12

Dai shani e Zaw nawng zaw wa up ai Madu Yehowa gaw, hkrap ngu hkrap ngoi ai, sharung shayawt ai, kara doi ai hte lachyit nba lawai na lam htet da timung,

ESAIA 22:4

Dai re ai majaw, “Ngai hpe hkum yu et; ngai ja ja hkrap na nngai; nye amyu a shayi sha hten byak hkrum nga yang me, ngai hpe shalan shabran na hkum tin myit,” nga nna ngai tsun nngai.

ESAIA 58:5

Ngai ra ai lusha gam ai gaw dai lam rai ni? masha wa shi myit masin hpe shagrit kau ai shani, dai zawn rai ni? mai-aw zawn tinang baw hpe gum nna, lachyit nba hte wan dap nep ai gaw, Yehowa man e lusha gam ai hte, sharawng awng ai shani rai ni?

EZEKELA 27:30

hkarang e tsap let, na a matu shabam nna, ja ja hkrap na mara ai; shanhte gaw tinang baw hta nhpu htè bun nna, wan dap hta galu na mara ai:

Daniela 9:3

Dai rai nna ngai gaw, lusha gam nna, lachyit nba bu hpun ai hte, wan dap galu let, Madu Karai Kasang hpe akyu hpyi nna, tawngban ai hte tam nngai.

YONA 3:6

Dai ga gaw Ninewe hkawhkam kaw mung du nna, shi gaw shi a tingnyang hta na rawt nhtawm, hkawhkam yangwat raw kau wu ai hte, lachyit nba lawai let, wan dap hta dung nga ai.

MAHTE 13:42

dai yang e hkrap ngu hkrap ngoi ai hte wa udik ai gaw, rai nga ai.

MAHTE 22:13

Shaloi dai hkawhkam wa gaw shi a ali ama ni hpe, “Shi a lagaw lata hpe gyit hkang nna, shinggan de na nsin de jahkrat bang kau mu,” ngu wu ai: dai yang e hkrap ngu hkrap ngoi ai hte wa udik ai rai nga ai.

MAHTE 25:30

Dai n hkaw ai mayam hpe gaw shinggan na nsin sin ai de shaden kau mu: dai shara e hkrap ngu hkrap ngoi ai hte wa udik ai rai na ra ai,’ ngu nna jeyang nu ai.

YAWSHU 7:6

Shaloi Yawshu gaw shi a palawng gang je kau nna, shi hte Israela agyi salang ni gaw tinang a baw hta ga nhpu hte bun let, Yehowa a sumpu man e shana de du hkra dingnyawm dagup nga ma ai.

1 SAMUELA 11:4

Shing rai kasa ni Shawlu nga ai Gibea mare e du nna, dai shi masha ni hpe shana ya mu ai: dai masha ni nlang jahtau hkrap ma ai.