ESHTA 4:16 - Jinghpaw Hanson Version Bible

¹⁶ “Sa wa su, Shushan e nga ai Yuda masha nlang hte hpe jahpawng da u; nye a matu lusha gam ya nna, shani shana masum ya tup hkum lu hkum sha myit; ngai hte nye a shingnan num ni mung, dai hte maren lusha gam na ga ai; dai hpang, tara tawt lai timung, hkawhkam hpang de ngai shang na nngai: si yang si hkam na nngai,” ngu nna ga htang dat mu ai.

Jinghpaw Common Language Bible 2009

¹⁶ “Sa nna Susa mare hta nga ai Yuda masha ni yawng hpe jahpawng tawn u; lusha gam let nye a matu akyu hpyi ya mi. Masum ya tup shani shana hpa mung hkum lu hkum sha nga myit. Nye a shangun ma numsha ni hte ngai mung dai hte maren galaw na ga ai. Dai hpang tara tawt lai ti mung hkawhkam wa hpang de ngai shang na nngai. Ndai amu galaw ai a majaw ngai si lu na rai yang mung si na nngai.”

ESHTA 4:16 ပူးပေါင်းရင်းမြစ်များ

NINGPAWT NINGHPANG 18:19

kaning rai nme law, Abraham a lam Yehowa tsun da ai ga ndat hte maren shi hta shadik lu hkra, Yehowa a lam hkan nga nna, dinghpring ai lam hte tara tengman ai lam hpe shatsup lu na matu, Abraham gaw shi a kashu kasha ni hte shi a dinghku na ni hpe, shi hpang hkan nang nga mu ga nga, shi hkang na ra ai gaw ngai chye da we ai,” nga ai.

NINGPAWT NINGHPANG 43:14

nanhte a hpunau wa langai mi hte, Ben-yamin hpe dai wa nanhte hpe dat ya myit ga, Karai Kasang gaw dai wa a man e nanhte hpe myi man shapa ya myit ga law: ngai wa chyawm gaw kasha htum mat ai rai yang mung htum mat dam u ga, ngu nna shanhte hpe tsun mu ai.

2 SAMUELA 10:12

Nden ja da ting u; anhte a amyu hte, anhte Karai Kasang a mare ninghtawn ni a matu n-gun marai dat gasat ga: Yehowa gaw shi ra ai hku hte maren galaw u ga,” ngu wu ai.

2 HKAWHKAM 7:4

Mare kata de shang ngu yang, dai yang e hku wa kaba hkrum nna si na ga ai, bai, nang e dung nga yang mung si ai hkrai hkrum na ga ai. Dai re ai majaw, sa marit; Suri luksuk ni hpang de shang bang wa saga, shanhte anhte hpe jahkrung da ni yang, hkrung nga na ga ai, sat kau mi yang, si na sha rai nga ai, nga nna shada da tsun hkat na ai.

2 HKAWHKAM LABAU 20:3

Dai rai nna Yehosahpat hkrit nga ai hte, Yehowa hpe hkan tam shana nna, Yuda mung ting hta lusha gam shangun mu ai.

EZRA 8:21

Shaloi e, anhte a Karai Kasang man e anhte myit nem lu nna, anhte a matu mung, anhte a ma kaji ni hte anhte lu ai arung arai mahkra a matu mung, malang pyaw ai lam shi hpe akyu hpyi na matu, Ahawa hka kau e lusha gam na aten, ngai hkang da nngai,

ESHTA 4:15

Shaloi Eshta gaw Mordehkai hpe,

ESHTA 4:17

Shing rai Eshta hkang dat ai ga mahkra hte maren, Mordehkai wa galaw wu ai.

ESHTA 4:3

Hkawhkam a hkang dat ai tara laika du ai mungdaw shagu hta e, Yuda masha ni gaw, lusha gam let, hkrap ngu hkrap ngoi, sharung shayawt ai hte myit yawn hkyen nga ma ai: law law wa mung, wan dap hta galu ai lachyit nba hta, kaleng taw nga ma ai.

ESHTA 5:1

Ya, masum ya e rai yang, Eshta gaw, shi a hkawhkam jan hpun palawng sumraw nna, hkawhkam htingnu tawtap, hkawhkam htingnu a kata wang e tsap nga ai; hkawhkam wa gaw, htingnu a chyinghka lam tawtap na, hkawhkam htingnu kata e, shi a hkawhkam tingnyang hta dung nga ai.

ESHTA 9:31

Ahasuru a mungdan hta lawm ai mungdaw latsa e hkun sanit hta nga ai, Yuda masha ni nlang hte hpang de, ngwipyaw ai hte tengman ga rawng ai laika ni shagun dat wu ai.

ESAIA 22:12

Dai shani e Zaw nawng zaw wa up ai Madu Yehowa gaw, hkrap ngu hkrap ngoi ai, sharung shayawt ai, kara doi ai hte lachyit nba lawai na lam htet da timung,

YEREMIA 36:9

Ya Yuda hkawhkam Yoshia kasha Yehoiakim hkaw dung ai manga ning na shata jahku hta e, Yerusalem masha ni mahkra hte, Yuda mare kahtawng na Yerusalem mare de lung wa ai masha ni mahkra gaw, Yehowa man e lusha gam na aten tsun shana ma ai.

Daniela 2:18

shanhte gaw, Babelon mare na hpaji rawng ai ni hte rau sat kau ai n hkrum hkra, dai makoi magap da ai lam hta, sumsing lamu na Karai Kasang kaw na, matsan dum ai chyeju lu la na matu, Daniela hte shi a kanawn manang ni akyu hpyi ma ai.

MAHTE 12:40

Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra, ga sung ai kata e rawng nga na ra ai.

LUKA 9:24

Tinang a asak hkye la mayu ai wa kadai mung asak sum na ra ai; nye a jaw e tinang a asak sum ai wa chyawm gaw, asak hkye la lu na wu ai.

YAWHAN 19:22

Pilat gaw, “Ngai ka ai hku ngai ka da se ai,” ngu nna htan mu ai.

KASA 10:7

Shi hte ga tsun ai lamu kasa wa mat jang, shangun ma lahkawng hte, shi kaw tut hkan nga ai ni hta na, tara hkungga ai hpyen ma langai mi hpe shaga nna,

KASA 20:24

Ngai chyawm gaw, nye a gat shadu ra ai lam hpe mung, Karai Kasang a chyeju kabu gara shiga lam sakse hkam na matu, Madu Yesu kaw na ngai lu la ai magam hpe mung, ngut hkra gun hpai lu na rai yang, nye asak hpe pyi lahpawt nngai n rai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna, nye myit hpe gawng run shangun ya nga myit ta? gyit hkang ai sha n-ga, Madu Yesu a amying ningsang majaw, Yerusalem e sa si hkam na pyi ngai jin jin rai nga nngai,” ngu nna htan shangap wu ai.

KASA 27:33

Ya nhtoi htoi wa jang, Pawlu gaw, shanhte mahkra hpe shat sha na lam woi awn let, “Nanhte lusha hpa mung n sha ai gaw, dai ni shi mali ya na wa manit dai:

KASA 9:9

Ya shi gaw masum ya tup myi n mu nna, n lu n sha ai nga nga ai.

ROMA 16:4

shan gaw nye a asak a matu tinang du baw shatawng kau manu ai rai nna, ngai hkrai sha n rai, maigan na Hpung ni yawng hte mung, shan hpe shakawn ga ai: shan a nta e shanu ai Hpung hpe mung shakram ya mi.

HPILIPI 2:30

Kaning rai nme law, nanhte ngai hpe daw jau ai lam hta naw ngam nga ai hpe shatup shatsup lu na matu, shi a asak hpe pyi shi shanaw kau nna, dai Madu a magam bungli majaw, si ai ganoi noi hkrum nga ai.

YAWSHU 24:15

Shing n rai, Yehowa hpe jaw jau na nanhte n ra myit yang gaw, Hka wora hkran na nanhte a nji nwa ni jaw jau ai Hpara ni hte ya nanhte nga ai mung na Amori masha ni a Hpara ni hta, gara hpe mahtang jaw jau na gaw, dai ni jang lata la mu: ngai hte nye a nta masha ni chyawm gaw Yehowa hpe jaw jau na ga ai law,” ngu nna tsun wu ai.

1 SAMUELA 19:5

shi a asak pyi n lahpawt hkra, Hpilisti wa hpe sat kau nna Yehowa Israela amyu ting a matu hkye hkrang la ai lam kaba Hpaw ya ma ni ai: nang mu nna kabu nit dai: dai rai yang, mara kata ai, Dawi hpe sat nna, mara n rawng ai sai hpa majaw hkaw kau na rai ta?” ngu nna kawa Shawlu hpe tsun wu ai.