ESHTA 4:1 - Jinghpaw Hanson Version Bible

¹ Dai byin wa ai lam mahkra hpe Mordehkai chye jang, shi a hpun nba gang je kau nhtawm, wan dap hta galu ai lachyit nba bu hpun let, mare ka-ang de sa du nna, nsen kaba hte hkrap ngu hkrap ngoi wu nga ai:

Jinghpaw Common Language Bible 2009

¹ Shing rai byin ai lam yawng hpe Mordehkai chye ai shaloi, dai nni nkri a majaw shi a hpun palawng ni hpe gang je kau wu ai. Dai hpang lachyit sumpan hpe bu hpun nhtawm shi a baw hpe dap hte bun nna mare hku lai wa nhtawm nsen kaba hte ahkup ahka ngu hkam sha let,

ESHTA 4:1 ပူးပေါင်းရင်းမြစ်များ

NINGPAWT NINGHPANG 27:34

Kawa tsun ai ga na jang Esaw gaw nsen shaja nna jahtau hkrap let, “Wa e, ngai e mung shaman ya e,” nga nna kawa hpe hpyi wu ai.

NINGPAWT NINGHPANG 37:34

Shaloi Yaku shi a palawng gang je kau nna, lachyit nba lawai let nhtoi law law wa shi kasha a majaw sharung shayawt nga ai.

2 SAMUELA 1:11

Shaloi Dawi shi a palawng gang je kau wu ai rai nna, shi a masha ni mahkra dai hte maren galaw ma ai:

2 SAMUELA 13:19

Tama mung, shi a baw hta wan dap hte bun let, shi a ka sawm ai hpun palawng gang je kau nhtawm, baw e lata mara nna hkrap let wa ai.

ESHTA 4:2

Lachyit nba bu hpun ai hte, hkawhkam chyinghka de kadai n mai shang timung, shi gaw hkawhkam chyinghka ndaw e nan, sa tsap nga ai.

ESHTA 4:3

Hkawhkam a hkang dat ai tara laika du ai mungdaw shagu hta e, Yuda masha ni gaw, lusha gam let, hkrap ngu hkrap ngoi, sharung shayawt ai hte myit yawn hkyen nga ma ai: law law wa mung, wan dap hta galu ai lachyit nba hta, kaleng taw nga ma ai.

YOBA 1:20

Shaloi Yoba gaw rawt nna, shi a hpun nba gang je kau ai hte, shi a kara shangun kau nhtawm, ga de gum dagup let nawku nna,

YOBA 2:8

Shi hkum hpe ahkut kau na matu, di chyen shi la nna, wan dap hta dung nga ai.

YOBA 42:6

Dai re ai majaw, nye hkum dai hpe ngai matsat kau nna, ga nhpu hte wan dap hta myit nem nga nngai law,” nga ai.

ESAIA 15:4

Heshbon hte Eleale gaw jahtau hkrap nna, de a nsen gaw Yahaza mare du hkra na lu ma ai: dai re ai majaw Moba share ninghkrin ni a aja awa marawn ma ai: shi a myit masin gaw shi a kraw lawang e gari nga ai.

ESAIA 22:4

Dai re ai majaw, “Ngai hpe hkum yu et; ngai ja ja hkrap na nngai; nye amyu a shayi sha hten byak hkrum nga yang me, ngai hpe shalan shabran na hkum tin myit,” nga nna ngai tsun nngai.

ESAIA 37:1

Ya hkawhkam Hezekia gaw dai ga na jang, shi a hpun nba gang je kau nna, lachyit nba bu hpun let, Yehowa nta de shang wa ai.

ESAIA 37:2

Bai shi gaw kunhting wa Eliakim yan chyare wa Shebna hte hkinjawng salang ni hpe, lachyit nba bu hpun let, Amot a kasha myihtoi Esaia hpang de shangun dat mu ai.

ESAIA 58:5

Ngai ra ai lusha gam ai gaw dai lam rai ni? masha wa shi myit masin hpe shagrit kau ai shani, dai zawn rai ni? mai-aw zawn tinang baw hpe gum nna, lachyit nba hte wan dap nep ai gaw, Yehowa man e lusha gam ai hte, sharawng awng ai shani rai ni?

EZEKELA 21:11

Dai rai nna, Masha kasha e, madai nga u: na a hkum kawa machyi hkra, shanhte a man e aja awa madai u.

EZEKELA 21:6

“Bai Yehowa a mungga ngai kaw du nna,

Daniela 9:3

Dai rai nna ngai gaw, lusha gam nna, lachyit nba bu hpun ai hte, wan dap galu let, Madu Karai Kasang hpe akyu hpyi nna, tawngban ai hte tam nngai.

MIHKA 1:8

Ndai lam majaw, ngai sharung shayawt nna, hkrap shabam na nngai; hpun palawng raw kau nna, singgu krin hkawm na nngai; nam gwi zawn ngai gaw du nna, u gawla-uk zawn ngoi shaga na nngai.

ZEHPANI 1:14

“Yehowa a galu kaba ai nhtoi ni nga ai; dai gaw ni wa nna, grai lawan nga ai: Yehowa a nhtoi a nsen wu ngoi nga ai: dai nhtoi hta e, share wa pyi, grai gahtau na ra ai.

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Kaning rai nme law, nan hta dan ai magam bungli ni hpe, Turu hte Sidun mare yan hta dan yu taw gaw, dai yan gaw moi moi e nan lachyit nba hte dap hta e, myit malai lu boi na masai.

KASA 14:14

Rai timung, kasa Barnaba yan Pawlu gaw dai na jang tinang a hpun palawng gang je kau let, shawa hpawng ka-ang de gat shang nhtawm,

YAWSHU 7:6

Shaloi Yawshu gaw shi a palawng gang je kau nna, shi hte Israela agyi salang ni gaw tinang a baw hta ga nhpu hte bun let, Yehowa a sumpu man e shana de du hkra dingnyawm dagup nga ma ai.

SHINGRAN 11:3

Bai, nye a sakse yan lahkawng hpe ngai ahkang jaw na mawe ai rai nna, shan gaw lachyit nba bu hpun let, nhtoi hkying mi ni tsa e kru shi ya tup, myihtoi htoi na mara ai.”