ESHTA 3:7 - Jinghpaw Hanson Version Bible

⁷ Dai re majaw, Ahasuru hkaw dung ai shi lahkawng ning hta e, Nisan ngu ai, shawng shata kaw nna, Adara ngu ai, shata shi lahkawng du hkra, lani hte lani shata mi hte shata mi, Haman a man e Pura ngu ai hpaida, da nga ma ai.

Jinghpaw Common Language Bible 2009

⁷ Hkawhkam Ahasuru hkaw dung ai shi lahkawng ning a shawng na shata ngu na Nisan shata hta shi a maw mawn ai amu galaw shapraw dat na jaw hkrak ai nhtoi shata, tam shapraw na matu (“Purim mying ai,”) hpaida da na hkang dat wu ai. Shing rai shata shi lahkawng ngu ai Adara shata shi masum ya shani hpe daw dan shagrin da nga ai.

ESHTA 3:7 ပူးပေါင်းရင်းမြစ်များ

EZRA 4:6

Bai shanhte gaw, Ahasuru hkaw dung hpang ai aten e, Yuda mung hte Yerusalem masha ni a lam mara shagun ai laika ka dat mu ai.

EZRA 6:15

Dai nta gaw, hkawhkam Dari hkaw dung ai kru ning na Ada shata masum ya shani e ngut wa sai.

NEHEMIA 2:1

Ya hkawhkam Artahkere a hkaw dung ai hkun ning na, Nisan shata hta, tsabyi jahku hpe shi man e tawn da jang, dai tsabyi jahku hpe ngai la nna, hkawhkam wa hpe jau we ai. Ngai shawng de shi a man e myi man sum ai n madun yu nna,

ESHTA 1:3

shi hkaw dung ai masum ning hta e, shi a du salang ni hte ali ama ni mahkra a matu poi galaw nga ai Persi, Medi hpyen du ni, mungdaw ni a agyi salang ni hte du ni gaw, shi a man e nga nga ma ai:

ESHTA 2:16

Shing rai hkawhkam Ahasuru hkaw dung ai sanit ning na, Tebet ngu ai shata shi hta, Eshta hpe shi a hkawhkam htingnu hta shi hpang de jashawn la wu ai;

ESHTA 9:1

Ya hkawhkam wa hkang dat ai hte maren, dawdan ai aten ni wa nna, Yuda masha ni hpe hpyen ai ni gaw, shanhte hpe dang kau nna myit mada nga ai shani, Adara ngu ai shata shi lahkawng a shi masum ya shani du jang, ginwan gale mat nna, Yuda masha ni gaw shanhte hpe n dawng n yawt ai ni a ntsa e up nga lu ma ai:

ESHTA 9:21

Adara shata shi mali ya hte shi manga ya hpe, shaning shagu hkan matsing da nna, dai shani lahkawng hpe kabu gara nga let, poi sha na hte shada da kumhpa karan jaw nna, matsan mayan ni hpe gam jaw gam ya na shani shatai na matu,

ESHTA 9:5

Yuda masha ni gaw shanhte e hpyen ai ni hpe nhtu hte sat shagrawm shamyit kau nna, shanhte e n dawng n yawt ai ni hpe di mayu ai hte maren di mu ai.

GA SHAGAWP 16:33

Hpaida hpe lahpyen e ru dagup bang timung, Yehowa gaw de a lam mahkra hpe up nga ai.

MAHTE 27:35

Shi hpe wudang hta e jen da ngut jang, shanhte hpaida da ai hte shi a hpun palawng hpe jawm karan la mu ai: