ESHTA 3:6 - Jinghpaw Hanson Version Bible

⁶ Rai timung, shanhte gaw Mordehkai amyu Haman hpe shapraw dan ai majaw, Mordehkai langai hpe sha sat kau yang, masin n kawp lu ai hte, Mordehkai amyu ngu ai, Ahasura mungdan ting hta nga ai, Yuda masha nlang hte hpe sat shagrawm kau na, maw nga ai.

Jinghpaw Common Language Bible 2009

⁶ Mordehkai gaw Yuda masha langai mi rai nga ai hpe shi chye jang, Mordehkai hpe chyu sha ari jaw ai hta jan nna galaw na matu shi daw dan da wu ai. Persi mungdan ting hta nga ai Yuda amyu masha shagu hte hpe sat sharu kau na shi maw nga ai.

ESHTA 3:6 ပူးပေါင်းရင်းမြစ်များ

EZRA 4:6

Bai shanhte gaw, Ahasuru hkaw dung hpang ai aten e, Yuda mung hte Yerusalem masha ni a lam mara shagun ai laika ka dat mu ai.

ESHTA 9:25

hkawhkam wa dai lam chye jang, Yuda masha ni hpe, shi n hkru ai hpaji daw ai lam, shi a baw ntsa e nhtang dat nna, shi hte shi a shadang sha ni gaw, wudang hta noi da ai hkrum na ma ai, nga nna laika hte hkang dat wu ai.

SHAKAWN KUNGDAWN 83:4

Shanhte gaw, “sa marit, amyu ni hta na, shanhte hpe tsan kau gaw; Israela amying hpe htawm hpang de kadai mung n dum mu ga,” nga nna tsun ma ai.

SHAKAWN KUNGDAWN 83:5

Shanhte myit langai sha hte bawng nna, nang hpe gumlau ai ni a maga e ga shaka tawn da mu ai.

SHINGRAN 12:12

Dai re ai majaw, sumsing lamu ni hte dai hte hta rawng nga ai ni e, kabu gara nga mu: ginding aga hte nammukdara chyawm gaw dingnye lu ma ai: kaning rai nme law, Nat gaw, shi a nhtoi loi mi sha ngam sai chye wu ai majaw, n-yun bu let nanhte hpang de yu wa sai, nga nna tsun ma ai hpe, ngai na nngai.