ESHTA 3:12 - Jinghpaw Hanson Version Bible

¹² Shaloi jang, shawng shata na shi masum ya e, hkawhkam wa a chyare ni hpe shaga la nna, Haman hkang dat ai hte maren, hkawhkam a du ni hpe, mungdaw shagu a munggyi ni hte amyu masha ni a agyi ni hpe, mungdaw langai hte langai a laika ka ai hku hte, amyu langai hte langai a ga ga ai hku hkan nna, laika ka shabra dat mu ai: hkawhkam Ahasuru amying gang let ka nhtawm, hkawhkam a lachyawp hte dazik shakap wu ai.

Jinghpaw Common Language Bible 2009

¹² Dai re ai majaw shawng shata a shi masum ya shani e, Haman gaw hkawhkam wa a amu madu ni hpe shaga la nna ndau shabra laika langai ka let ga amyu shagu hku gale la ai hte ka nna up hkang du ni, munggyi ni hte du salang ni yawng hpang de shabra dat mu ai; dai hpe Hkawhkam Ahasuru a mying hte ka shapraw nna shi a lachyawp hte dazik dawk da nga ai.

ESHTA 3:12 ပူးပေါင်းရင်းမြစ်များ

1 HKAWHKAM 21:8

Shaloi shi gaw Ahab a amying hte laika ka nna, Ahab a dazik dawk da nhtawm, dai laika ni hpe Nabot a mare e nga ai agyi salang ni hpang de shagun dat wu ai.

EZRA 8:36

Bai shanhte gaw, hkawhkam wa hkang dat ai ga hpe, hkawhkam a hkringmang ni hte, Hka sinna hkran na munggyi ni hpe ap ya mu ai rai nna, shanhte gaw dai amyu hpe mung, Karai Kasang a nta hpe mung, awng wa lu hkra, lanu lahku ya mu ai.

ESHTA 1:22

Shi gaw, masha langai hte langai tinang a nta up na hte, tinang a amyu ga hku tsun nga na matu, amyu langai hte langai a tsun ai ga hku hkan nna, hkawhkam mungdaw ni hproi hkra, mungga laika shabra dat wu ai.

ESHTA 3:11

Bai hkawhkam wa gaw, “Dai gumhpraw gaw na a gumhpraw rai nga ai; dai amyu masha ni mung na a lata hta rai nga nna, nang galaw mayu ai hte maren galaw u ga,” ngu nna Haman hpe tsun wu ai.

ESHTA 8:2

Hkawhkam wa mung, Haman kaw na dawm la ai lachyawp hpe shi a lata na malaw la nna, Mordehkai hpe ap ya nu ai. Eshta mung Mordehkai hpe, Haman a nta ntsa e up shangun wu ai.

ESHTA 9:27

Yuda kaji kawa ni, shanhte a kashu kasha ni hte, shanhte hta matut manoi ai ni yawng hte gaw, tutnawng laning hte laning, madat da ai aten gu yang, ndai nhtoi yan hpe, ka da ai hku hte maren, hkan matsing nna,

Daniela 3:10

Nang hkawhkam wa nan, Pahtau, pahke, tingse, sumpyi, chying bau, baja hte dum ai baw amyu myu ngoi ai nsen na ai amyu masha ni yawng, aja sumla man e gum dagup nna nawku mu ga:

Daniela 6:12

Shaloi shanhte sit sa nna, “Hkawhkam wa e, nang hta kaga hpara hpe mung, masha hpe mung, nhtoi sumshi ya laman e akyu hpyi ai wa kadai mung, hkanghkyi nhkun hta jahkrat bang kau ai hkrum u ga, nga nna mungga laika hpe nang amying dazik shakap da nu ai, n rai ni?” nga nna hkawhkam tara laika a lam san mu ai. Hkawhkam wa mung, “N galai mat lu ai Medi hte Persi masha ni a tara hte maren, dai lam teng nga ai,” ngu nna htan wu ai.

Daniela 6:15

Rai timung, ndai masha ni gaw hkawhkam wa man e bai hpawng nna, “Hkawhkam wa e, lang mi shapraw ai hkawhkam mungga hte tara gaw, n galai mat lu ai, nga nna Medi hte Persi masha ni a tara hta rawng nga ai hpe, dum u,” ngu nna hkawhkam wa hpe shadum mu ai.

Daniela 6:25

Dai hpang Dari hkawhkam gaw, ga ntsa ting hta e shanu nga ai amyu baw ni hte, ga amyu myu tsun ai masha yawng hte hpe laika ka nna, “Nanhte hta ngwipyaw ai gaw, law htam wa u ga law:

Daniela 6:8

Ya, hkawhkam wa e, n galai mat lu ai Medi hte Persi masha ni a htung hte maren, ndai tara hpe shagrin da nna, dai laika hpe amying dazik shakap u,” ngu nna, tsun mu ai.