ESHTA 2:23 - Jinghpaw Hanson Version Bible

²³ Dai amu hpe sagawn yu nna, dan leng nga ai hpe chye jang, dai yan hpe hpun hta shadau sat kau nhtawm, hkawhkam a man e labau laika hta ka matsing da mu ai.

Jinghpaw Common Language Bible 2009

²³ Dai lam hpe jep yu nna dai shiga teng nga ai hpe mu tam jang, dai masha lahkawng yan hpe masha noi sat ai shara hta noi sat kau ma ai. Hkawhkam wa gaw ndai lam hpe hkawseng mungdan a labau gawn ai laika hta ka matsing da na lam hkang dat wu ai.

ESHTA 2:23 ပူးပေါင်းရင်းမြစ်များ

NINGPAWT NINGHPANG 40:19

ya masum ya rai jang Hpara-u gaw na a baw hpe nang hte jahka nna, hpun hta nang hpe noi kau na rin dai; shaloi u ni na a shan shaw sha ya na mara ai, ngu nna htai ya wu ai.

EZRA 4:15

Ji wa ni a jahpan laika hpe sawk yu yang, ndai mare gaw gumlau chye ai hte hkawhkam ni hte mungdan ni a akyu hpe jahten chye ai mare; moi shawng e shanhte gaw gumlau lau nna, dai mare gaw shaza kau hkrum yu ai lam nang chye lu hkra, anhte ndai lam nang hkawhkam hpe ka dat ga ai.

ESHTA 10:2

Mordehkai galaw ai daru magam amu bungli mahkra hte, shi a hpung shingkang, hkawhkam wa shi hpe shagrau shatsaw ai majaw, shi galu kaba dan hkung ai lam, Medi yan Persi hkawhkam ni a labau laika ni hta azin ayang ka da nga ai, n rai ni?

ESHTA 5:14

Dai rai nna madu jan Zeresha hte jinghku jing-yu ni mahkra gaw, “Dawng manga shi tsaw ai wudang sharawt jung da u; dai hta Mordehkai hpe shadau sat na matu, hpawt ni e hkawhkam wa hpe ahkang hpyi u; dai hpang kabu gara ai myit hte hkawhkam wa hte rau, poi sa lawm u,” ngu nna shi hpe tsun mu ai. Haman mung dai ga hpe na ra nna, wudang sharawt jung shangun mu ai.

ESHTA 6:1

Dai shana e hkawhkam wa gaw n yup lu nna, jahpan labau laika ni hpe shapraw na, hkawhkam wa hkang da ai hte, dai laika ni hpe shi a man e hti dan mu ai.

ESHTA 7:10

Shing rai Mordehkai a matu jung da ai wudang hta, Haman hpe noi da mu ai. Shaloi hkawhkam wa a myit kawp wa sai.

MALAHKI 3:16

Shaloi Yehowa hpe hkrit hkungga ai ni gaw, shada da tsun nga ma ai; Yehowa mung madat nna, na la nga ai: shing rai Yehowa hpe hkrit hkungga nna, shi a amying hpe dum ai ni matsing na matu, shi a man e jahpan laika ka da nga ai.

YAWSHU 8:29

Ai mare a hkawhkam hpe shana de du hkra hpun hta noi da nna, jan du jang Yawshu hkang da ai hte maren, si mang hpe hpun hta na jahkrat nhtawm, mare chyinghka lam e kabai tawn nna de a ntsa e, dai ni du hkra nga ai, nlung sumpum kaba sumpum da mu ai.