ESHTA 10:2 - Jinghpaw Hanson Version Bible

² Mordehkai galaw ai daru magam amu bungli mahkra hte, shi a hpung shingkang, hkawhkam wa shi hpe shagrau shatsaw ai majaw, shi galu kaba dan hkung ai lam, Medi yan Persi hkawhkam ni a labau laika ni hta azin ayang ka da nga ai, n rai ni?

Jinghpaw Common Language Bible 2009

² Shi galaw nu ai mauhpa galu kaba ai amu yawng mayawng hpe mung, Mordehkai hpe shi kaning rai arawng aya shatsaw tawn ai maumwi lam ni hpe mung, Persi, Medi hkawhkam ni a labau gawn laika hta tara shang ka matsing da nga ai.

ESHTA 10:2 ပူးပေါင်းရင်းမြစ်များ

1 HKAWHKAM 11:41

Ya Shawlumon a lam tsun shara naw nga nga ai hte, shi a amu bungli yawng, shi a hpaji byeng-ya lam, Shawlumon amu bungli gawn dan ai laika hta ka da nga ai, n rai ni?

1 HKAWHKAM 14:19

Yeroboam a lam naw gawn ra ai hte, shi hpyen gasat ai lam rai timung, mung up ai lam rai timung, Israela hkawhkam ni a Labau laika hta ka da nga ai.

1 HKAWHKAM 22:39

Ya naw gawn ra ai Ahab a amu ni hte shi galaw ai lam mahkra gaw, shi gaw da ai magwi kawng nta hte, shi de da ai mare ni mahkra a lam, Israela hkawhkam ni a Labau gawn ai laika hta ka da nga ai, n rai ni?

ESHTA 2:23

Dai amu hpe sagawn yu nna, dan leng nga ai hpe chye jang, dai yan hpe hpun hta shadau sat kau nhtawm, hkawhkam a man e labau laika hta ka matsing da mu ai.

ESHTA 6:1

Dai shana e hkawhkam wa gaw n yup lu nna, jahpan labau laika ni hpe shapraw na, hkawhkam wa hkang da ai hte, dai laika ni hpe shi a man e hti dan mu ai.

ESHTA 8:15

Ya Mordehkai gaw amut, ahpraw nsan ai, hkawhkam hpun palawng bu hpun nna, ja janmau kaba gup ai hte mani ai lachyit nba ahpraw hte hkyeng sawm ai nba lawai let, hkawhkam wa kaw na pru wa nna, Shushan mare masha ni gaw, kabu gara ai hte jahtau garu nga ma ai.

ESHTA 8:2

Hkawhkam wa mung, Haman kaw na dawm la ai lachyawp hpe shi a lata na malaw la nna, Mordehkai hpe ap ya nu ai. Eshta mung Mordehkai hpe, Haman a nta ntsa e up shangun wu ai.

ESHTA 9:4

Kaning rai nme law Mordehkai gaw hkawhkam htingnu hta kaba wa nna, shi a kajai gumhkawng ai gaw, mungdaw ni hta pri rai wa sai; dai la wa Mordehkai gaw lani hte lani grau nna kaba wa sai.

SHAKAWN KUNGDAWN 18:35

Na a hkye la ai n-gang nang ngai hpe jaw nit dai; Na a hkra lata ngai hpe shadaw ya nna, Na a myit nem ai hku hta, ngai kaba wa nngai.

Daniela 2:48

Dai hta kaga hkawhkam wa gaw Daniela hpe shagrau shatsaw let, kumhpa kaba amyu myu shi hpe jaw nna, Bebelon mungdaw ting ntsa e up shangun ai hte, Babelon mung na hpaji rawng ai ni mahkra a agyi shatai wu ai.