ESHTA 10:1 - Jinghpaw Hanson Version Bible

¹ Ya hkawhkam Ahasuru gaw, hkarang na lamu ga hta mung nammukdara zunlawng ni hta mung, hkanse hta wu ai.

Jinghpaw Common Language Bible 2009

¹ Hkawhkam Ahasuru gaw shi a hkawseng mungdan na hkin-gau mayan ginwang ni hkan nga ai masha ni hpe mung, mungdan kata de nga ai ni hpe mung bungli laja lana galaw na hkang da nga wu ai.

ESHTA 10:1 ပူးပေါင်းရင်းမြစ်များ

NINGPAWT NINGHPANG 10:5

Shanhte hta nna zunlawng amyu ni gaw tinang nang a mungdan hte ran wa ma ai; dai ni gaw tinang a amyu ni hta shaga ai ga hte abaw asang kaga ga rai wa ma ai.

ESHTA 1:1

India mung kaw nna, Hkusha mung du hkra, mungdaw latsa e hkun sanit a ntsa e up ai hkawhkam Ahasuru a lakhtak e,

ESHTA 8:9

Shaloi shata masum ngu na, Siwan shata nhtoi hkun masum ya e, hkawhkam wa a chyare ni hpe shaga la nhtawm, Mordehkai hpa lam hkang dat mayu ai hte maren, India mung kaw nna, Hkusha mung du hkra rai nga ai, mungdaw latsa e hkun sanit hta de nga ai Yuda masha ni, hpyen du ni, munggyi ni hte du salang ni mahkra hpang de, mungdaw langai hte langai a laika ka ai hku, amyu langai hte langai a ga tsun ai hku, Yuda masha ni a laika ka ai hku hte ga tsun ai hku hkan nna, ga shabra dat mu ai.

SHAKAWN KUNGDAWN 72:10

Tarshi hte zunlawng ni a hkawhkam ni kumhpa sak nna, Sheba hte Seba hkawhkam ni kang bang nga mu ga.

ESAIA 11:11

Dai aten e, Madu gaw, lahkawng lang ngu na, shi a lata bai ladawn nna, naw ngam nga ai, shi a amyu masha ni hpe, Asuri mung, Egutu mung, Pahtru mung, Hkusha mung, Elam mung, Shina mung, Hamat mung hte nammukdara zunlawng ni hta na, mawai la na ra ai.

ESAIA 24:15

Dai re ai majaw, jan pru maga de na ni, Yehowa hpe, nammukdara zunlawng ni, Israela Karai Kasang Yehowa amying nsang hpe, shagrau sha-a mu.

Daniela 11:18

Dai rai nna shi gaw zunlawng ni a maga de myi man yawng nna, law law hpe gasat dang la lu ai; rai timung, hpyen du langai mi gaw, shi kaw na pru ai arawng jahpoi ai lam, jahtum kau na ra ai: gaja wa, shi kaw na pru ai arawng jahpoi ai lam, shi hkum ntsa e nhtang shangun na ra ai.

LUKA 2:1

Dai nhtoi hte hta e, mungkan ting hpe jahpan la na, Kehta hkawhkam Agustu kaw nna mungga pru ai.