ESHTA 1:10 - Jinghpaw Hanson Version Bible

¹⁰ Sanit ya ngu ai nhtoi hta e, hkawhkam wa gaw tsabyi lu ai hte myit pyaw nga ai shaloi jang, mung masha ni hte du ni hpe, hkawhkam jan Washti a hpraw tsawm ai hpe madun dan na matu,

Jinghpaw Common Language Bible 2009

¹⁰ Hkawhkam wa a lusha poi galaw ai sanit ya shani hta, hkawhkam wa sabyi lu nhtawm kabu gara myit pyaw nga ai rai nna shi a shangun ma ni rai nga ai Mehuman, Bizhta, Harabona, Bighta, Abaghta, Zehtara hte Hkarahka ngu ai unuk marai sanit hte hpe shaga jashawn la wu ai.

ESHTA 1:10 ပူးပေါင်းရင်းမြစ်များ

NINGPAWT NINGHPANG 43:34

Shi kaw nna langai hte langai hpe shat lusha shalai jaw dat wu ai; Ben-yamin hpe jaw ai gaw kahpu ni hpe jaw ai hta htam manga law nga lu ai: shaloi shanhte lu sha nna shi hte rau pyaw nga ma ai.

2 SAMUELA 13:28

Absalom chyawm gaw shi a ali ama ni hpe, “Amnon tsabyi lu nna, myit pyaw nga yang, hkyen nga mu: ‘Amnon hpe sat kau manu,’ ngu nna ngai tsun jang, shi hpe sat kau mu; hkum hkrit myit; ngai nanhte hpe hkang masade ai, n rai ni? nden shaja nna dakan mu,” ngu nna hkang da ngut nu ai.

ESHTA 1:9

Ya hkawhkam jan Washti mung, hkawhkam Ahasuru a htingnu na numsha ni a matu, poi galaw nga ai.

ESHTA 3:15

Dai hkang dat ai ga gaw Shushan htingnu hta chye ai shaloi jang, hkawhkam wa hkang dat ai hte maren, laika sa ai ni alawan sa wa ma ai. Shaloi hkawhkam wa hte Haman gaw tsabyi rau lu ma ai. Shushan mare chyawm gaw myit ung ang hkrum nga ai.

ESHTA 7:9

Harabona mying ai hkawhkam wa unuk langai mi gaw, “Yu u, hkawhkam wa a lam, ga kaja tsun ai Mordehkai a matu, Haman sharawt jung ai, dawng manga shi tsaw ai wudang gaw, Haman a nta e jung nga ai,” ngu wu ai rai nna, hkawhkam wa gaw, “Dai hta e shi hpe shadau sat kau mu,” ngu mu ai.

GA SHAGAWP 20:1

Tsabyi jahku hkalem chye nga ai; chyaru gaw kabring kabrawng shabyin nga ai. Dai hte nang pa hkawm ai wa gaw, hpaji rawng nga ai, n rai.

GA SHAGAWP 31:4

Lemuela e, hkawhkam ni gaw tsabyi lu na hte, Du ni gaw, Chyaru kanang nga a ta? Nga nna tsun ai gaw n htuk nga ai.

HPAJI NINGLI 10:19

Kabu gara nga na matu, poi galaw nga nna, tsabyi jahku ngwipyaw shangun nga ai: gumhpraw mung, lam shagu hpe dang nga ai.

TARA AGYI 16:25

Ya shanhte myit pyaw bu nga ma ai rai nna, “Samson hpe woi wa marit; anhte a man e ginsup dan lu ga,” nga ma ai. Shing rai, Samson hpe htawng na woi wa mu ai rai nna, shi shanhte a man e ginsup nga ai: shi hpe dai jawng shadaw lapran e tawn da mu ai.

TARA AGYI 19:6

Shing rai shan lahkawng dung nna, rau lu rau sha ma ai; bai katsa wa gaw, “Dai na sha naw hkring nna, pyaw pyaw naw nga u,” ngu nna kahkri hpe tsun wu ai.

RUHTA 3:7

Ya Bua gaw lusha ngut nna myit pyaw let, mam sumpum makau e sa yup nga ai: shaloi Ruhta mung, atsin sha sit sa nhtawm, shi a lagaw magap ai nba kawaw nna taw lawm nga ai.