ESAIA 9:3 - Jinghpaw Hanson Version Bible

³ Kaning rai nme law, shi shanhte hpe hpai shangun ai kandang, shanhte hpe adup ai hkawn hte, hpareng wa a ri hpe, Midian lakhtak e byin ai zawn, nang agrawp kau nu ai.

Jinghpaw Common Language Bible 2009

³ Madu e, nang gaw shanhte hpe kabu gara lam kaba jaw ya nit dai; nang gaw shanhte hpe kabu gara shangun nga nit dai. Shanhte gaw nang galaw dan sai amu a majaw, amyu masha ni nsi shu la lu ai shaloi hte shanhte sut gan lanep karan la lu ai shaloi kabu ai zawn kabu gara ma ai.

ESAIA 9:3 ပူးပေါင်းရင်းမြစ်များ

NEHEMIA 9:23

Shanhte a kashu kasha ni hpe mung, lamu shagan ni zawn nang law htam wa shangun nna, shanhte a kaji kawa ni hpe ndat da ai mung de woi jashawn nhtawm, madu nga shangun mu ai.

YOBA 12:23

Masha amyu ni hpe shi shagrau nhtawm, shanhte hpe shamyit kau mu ai; mungdan ni hpe dam lada shangun nna, bai shagying kau mu ai.

SHAKAWN KUNGDAWN 107:38

Shi shanhte hpe shaman ya nna, shanhte nachying mayat maya ma ai: shanhte a yamnga ni mung jat wa malu ai.

SHAKAWN KUNGDAWN 119:162

Lanep law law lu ai wa zawn, Na a ga hta ngai kabu gara nga nngai.

SHAKAWN KUNGDAWN 4:7

Shanhte a mam hte tsabyi ngai ai aten e kabu gara ai hta, Nang nye a myit hpe grau nna kabu shangun ya ndai.

ESAIA 10:26

Shing rai, Oreb lunghkrung makau e Midian masha ni hpe sat kau ai zawn, ndai wa hpe zingri zingrat na matu, Zaw nawng zaw wa up ai Yehowa gaw, gumlau sharawt na ra ai: shi a dawhkrawng gaw nawng ntsa e ladawn nga ai hte maren, Egutu mung e di ai zawn, dai hpe bai ladawn na ra ai.

ESAIA 12:1

Dai shani e nang gaw, “Yehowa e, ngai nang hpe shakawn na de ai; nang ngai hpe pawt bu timung, myit bai kawp wa nna, ngai hpe shangwi shapyaw ya ndai.

ESAIA 14:5

Yehowa gaw tara n lang ai ni a dawhkrawng hpe mung, up hkang ai ni a sumdoi hpe mung, gang daw kau nu ai:

ESAIA 25:9

Dai shani e, Yu u, ndai gaw anhte a Karai Kasang rai nga ai: anhte shi hpe myit mada nna, shi anhte hpe hkye hkrang la na ra ai; ndai gaw Yehowa nan rai nga ai; anhte shi hpe myit mada nna, shi a hkye hkrang la ai lam majaw anhte kabu gara awng sharawng nga na ra ga ai, nga nna tsun shajang na mara ai.

ESAIA 26:15

Yehowa e, nang anhte a amyu hpe shalaw jahtam nu ai, gaja wa shalaw jahtam nu ai; nang hpung shingkang dan hkung ndai; na mung a lamu ga jarit grup, nang maden jat nu ai.

ESAIA 35:10

Yehowa majaw hkye hkrang la hkrum ai ni gaw nhtang wa nna, mahkawn mangoi let Ziun bum de du na mara ai: shanhte a baw ntsa e htani htana kabu gara gup na ra ai: shanhte awng sharawng let kabu gara nga nna, yawn hkyen ai hte madai ai gaw sim mat na ra ai.

ESAIA 35:2

Dai gaw grai wa pu an nna, sharawng let kabu gara ai hte mahkawn mangoi na ra ai: Lebanon a arawng sadang, Hkarmela hte Sharun a hpung shingkang, lu la na ra ai: shanhte gaw Yehowa a arawng sadang, anhte a Karai Kasang a hpung shingkang, mu lu na mara ai.

ESAIA 54:1

“Kasha n shaprat ai maudung num e, mahkawn mangoi u; shinggyim machyi n hkrum ai num e, mahkawn mangoi let kabu jahtau u: kaning rai nme law, gram nga ai num gaw, madu wa lu ai num hta kashu kasha grau lu nga ai,” nga nna Yehowa tsun ai.

ESAIA 55:12

Nanhte gaw kabu gara let pru wa nna, ngwipyaw ai hte woi wa ai hkrum na myit dai; bum ni hte kawng ni, nanhte a man e, mahkawn mangoi ai nsen hte garu nna, nam mali na hpun ni yawng, lahpawk dum na mara ai.

ESAIA 61:10

Ngai gaw Yehowa hta aja awa kabu gara nga nna, nye a myit masin gaw, nye a Karai Kasang hta sharawng awng na ra ai; kaning rai nme law, la ningnan gaw nampan shanghkawng gup ai zawn mung, num ningnan gaw shi a lungseng ni hte shi a hkum hpe mawn sumli ai zawn mung, shi ngai hpe hkye hkrang la ai hpun palawng jahpun ya nna, dinghpring ai nba lawai ya ni ai.

ESAIA 61:7

Nanhte kaya kahpa hkrum ai a malai, akyu htam lahkawng lu la nna, arawng hpoi hkrum ai a malai, shanhte a kumhtaw hta kabu gara lu na myit dai: dai rai nna shanhte gaw tinang a mung hta akyu htam lahkawng lu la nna, htani htana kabu gara ai hkrum na mara ai.

ESAIA 65:14

yu mu, nye a shangun ma ni gaw kabu gara ai myit hte mahkawn mangoi na mara ai, nanhte chyawm gaw myit yawn ai hte jahtau hkrap nna, myit htum ai hte sharung shayawt na myit dai.

ESAIA 65:18

Ngai hpan da ai lam hta nanhte tutnawng kabu gara sharawng awng nga mu: kaning rai nme law, yu mu, Yerusalem hpe kabu gara ai shara, de a amyu masha ni hpe sharawng awng ai lam tai na, ngai hpan da nga nngai.

ESAIA 66:10

“Yerusalem hpe tsawra ai ni e, shi hte rau kabu gara ai hte myit pyaw nga mu; shi a lam sharung shayawt ai ni, yawng hte e, shi hte rau kabu gara ai myit hte awng sharawng nga mu:

YEREMIA 31:7

Bai Yehowa ning nga ai: Yaku a lam kabu gara ai hte mahkawn mangoi mu; masha amyu ni a agyi wa a lam garu mu: Yehowa e, na amyu ngu ai, naw ngam nga ai Israela hpe hkye hkrang la u, nga nna kajai gumhkawng let, shakawn kungdawn mu.

HOSEA 4:7

Shanhte law htam wa ai hte maren, ngai hpe yubak galaw masai: ngai shanhte a arawng sadang hpe, kaya kahpa hte shayu kau na nngai.

JAW JAU 26:13

Egutu masha ni a mayam tai nga ai kaw na lawt lu hkra, Egutu mung na nanhte hpe woi shapraw ai, nanhte a Karai Kasang Yehowa ngai rai nga nngai: nanhte a hkapgan ngai daw kau ya nna, nanhte hpe jan rai tsap shangun masade ai.

ZEHKARIA 10:8

“Ngai shanhte hpe lahpyaw shaga nna, jahpawng na nngai; kaning rai nme law, ngai shanhte hpe hkye hkrang la ni ai: shawng e law htam ai zawn, shanhte law htam na mara ai.

ZEHKARIA 2:11

“Dai shani e, maigan amyu ni law law wa, Yehowa hte matut manoi nna, nye a amyu tai na mara ai: ngai gaw na a ka-ang e shanu nga nna, Zaw nawng zaw wa up ai Yehowa gaw, ngai hpe nang hpang de shangun dat ai, nang chye lu na ndai.

ZEHKARIA 8:23

Zaw nawng zaw wa up ai Yehowa ning nga ai: “Dai aten hta ga amyu baw kaga ga tsun ai marai shi gaw, Yuda masha wa a nba lawai matu jum let, ‘Karai Kasang nanhte hte rau rai nga ai, anhte na yu saga ai majaw, anhte nanhte hte rau sa na ga ai,’ nga nna tsun na mara ai,” nga ai.

LUKA 11:22

shi hta n-gun grau ja ai wa sa nna, dai wa hpe gasat dang kau ngut jang she, shi kam ai ri nhtu hpe magawn la kau ya nhtawm, shi a arai ni hpe karan kachyan di la kau ya wu ai.

KASA 8:8

Dai rai nna, dai mare hta kabu gara lam kaba rai nga ai.

HPILIPI 4:4

Dai Madu hta tutnawng e kabu gara nga mu; bai ngai tsun nngai, kabu gara nga mu.

1 PETRU 1:8

Dai Yesu hpe nanhte n mu yu timung, tsawra nga manit dai; shi hpe garai n mada mu mu timung, shi hpe kamsham nga ai a gawp e, n dang tsun hkra dan hkung ai kabu gara ai hte nanhte kabu gara nga myit dai rai nna,

TARA AGYI 5:3

Hkawhkam ni e, na la mu; du sha ni e, madat mu; Ngai nan, Yehowa hpe ngai shakawn na we ai, Israela Karai Kasang Yehowa hpe, kungdawn na nngai.

TARA AGYI 7:22

Dai pahtau masum tsa dum dat jang, Yehowa gaw dai dap na hpyen laba ni nlang hte hpe shada da sat hkat shagun mu ai rai nna, shanhte gaw, Zerera shara na Bet-shita mare hte Tabat makau na Abel-me-hola du hkra hprawng wa ma ai.

TARA AGYI 8:12

Zeba yan Zalmuna rawt hprawng ma yang, Gidon mung shan hpe hkan shachyut nna, Midian hkawhkam Zeba yan Zalmuna hpe rim la ai hte, shan a hpyen laba ni yawng shabra kau wu ai.

1 SAMUELA 30:16

Shing rai dai wa gaw shi hpe lam madun nna sa du yang, yu u, Hpilisti mung hte Yuda mung na magawn wa ai lanep rai ni nlang a majaw, Amalek masha ni lu let sha let, ka manau let, dai pa ting pri rai nga nga mala ai.