ESAIA 9:20 - Jinghpaw Hanson Version Bible

²⁰ Manashe amyu gaw Ehprim amyu hpe, Ehprim amyu gaw Manashe amyu hpe kawa sha na mara ai; shan lahkawng gaw rau, Yuda amyu hpe gumlau na mara ai: rai timung, shi a pawt sindawng ai gaw sim wa sai n rai; shi a lata naw a ladawn nga ai.

Jinghpaw Common Language Bible 2009

²⁰ Mungdan kata shara shagu hkan shanu nga ai amyu masha ni gaw, shanhte tam la lu ai ahkyep alep re ai lusha kaji kajaw hpe gare sha ma ai, rai ti mung shanhte a kawsi kyet ai gaw galoi mung myit dik lu ai n rai. Shanhte gaw shanhte a kashu kasha ni hpe pyi sha nga ma ai!

ESAIA 9:20 ပူးပေါင်းရင်းမြစ်များ

HPAJI NINGLI 4:5

Angawk ai wa gaw shi a lata hkintum da nna, shi a hkum shan hpe sha nga ai.

ESAIA 10:4

Ngai n lawm yang, bawng dung ai ni npu e shanhte gum dagup nna, sat kau hkrum ai ni a npu e taw na mara ai; rai timung, shi a pawt sindawng ai gaw sim wa sai n rai; shi a lata naw a ladawn nga ai.

ESAIA 14:30

Matsan mayan ni a kasha alat ni gaw shat lusha nna, sut n su ai ni gaw, a pyaw sha yup lu na mara ai; ngai gaw na a aru hpe jahkraw sat kau nna, na a matu mara ni sat kau hkrum na mara ai.

ESAIA 3:1

Kaning rai nme law, yu mu, Zaw nawng zaw wa up ai Madu Yehowa gaw, Yerusalem mare hte Yuda mung na, myit manoi shara hte shamyet shanat shara hpe dawm kau na ra ai: lusha jarit yawng hpe mung, hka lu yawng hpe mung,

ESAIA 49:26

Nang hpe adip arip ai ni hpe, tinang a hkum shan ngai sha shangun na nngai: dwi ai tsabyi jahku zawn tinang a asai hpe nang hkra lu shangun na nngai; shing rai, ngai Yehowa gaw, nang hpe Hkye hkrang la ai Madu, Yaku a Daru Magam rawng ai wa gaw, nang hpe Shaw Mawai la ai wa rai nga ai hpe, hkrung mahkrung chye lu na mara ai,” nga ai.

ESAIA 5:25

Dai re ai majaw Yehowa gaw shi a amyu hpe pawt bu let, shi a lata ladawn nna, shanhte hpe adup kau mu ai; bum ni mung gari wa nna, amyu masha ni a si mang ni mare lam hkan e shanut shanaw zawn jawng nga ai: rai timung, shi a pawt sindawng ai gaw sim wa sai n rai; shi a lata naw a ladawn nga ai.

ESAIA 51:19

Katsi katsang hte marawng marang, hku wa hte ri nhtu, ndai lam lahkawng nang hkrum sha nna, na a matu sharung shayawt na kadai? Ngai nang hpe kaning rai shalan shabran lu na rai ta?

ESAIA 8:21

Shanhte gaw hki ba ai hte kawsi hkrum let lai mat wa na mara ai: kawsi hkrum yang, shanhte myit kahtet nna, ntsa de dap mada yu let, tinang a hkawhkam wa hte, tinang a Karai Kasang hpe dagam kau na mara ai:

ESAIA 8:22

ga de mada yu yang, yu mu, ru tsang ai, nsin sin ai hte myit htum ai sin mang hkrai rai nga ai: shanhte gaw nsin htat ai shara de gawt kau ai hkrum na mara ai.

YEREMIA 13:14

shaloi kahpu kanau shada mung, kawa hte kasha ni hpe mung, shada ahkawk hkat shangun na nngai: ngai matsan dum na n rai, lahpawt lama na n rai, karum la na n rai; shanhte yawng hpe shamyit kau na nngai, ngu u, nga nna Yehowa tsun ai.

YEREMIA 19:9

Hpyen ni hte shanhte a asak tam ai ni wang tawn nna, shanhte hpe kyin dut jahkrum ai majaw, shanhte gaw tinang a shayi shadang sha ni a hkum shan hpe pyi sha nna, langai hte langai tinang manang wa a hkum shan sha na mara ai, ngu nna tsun nhtawm, nang hte rau sa wa ai ni a man e, dai namtau hpe ga kau nna, Zaw nawng zaw wa up ai Yehowa ning nga ai, Di bu sama a namtau hpe, bai n lajang lu hkra, ga kau ai hte maren, ndai mare masha ni hte, ndai mare hpe, ngai ga kau na nngai: shanhte gaw, Tohpet shara hta man ai ga n nga hkra, mang lup kau na mara ai.

SHARUNG SHAYAWT 4:10

Matsan grai chye dum ai num ni a lata gaw, tinang a kasha ni hpe pyi shadu ma ai; Nye amyu shayi sha hten byak hkrum ai shani e, tinang kasha ni hpe pyi sha ma ai.

MIHKA 6:14

Nang shat sha timung, hkru kat lu na n rai; tut kawsi kyet na ndai: nang makoi da lu timung, lu su na n rai; nang la wa ai rai ni hpe, ngai lanep shatai na nngai.

ZEHKARIA 11:9

Shaloi ngai gaw, “Ngai nanhte hpe rem na n rai: si ai wa gaw, si u ga; shamyit kau hkrum ai wa gaw, hkrum u ga; naw ngam nga ai ni gaw, langai wa mi langai wa hpe sha u ga,” nga nna tsun let,

MARKU 3:24

Mungdan langai mi dinghku brun mat wa yang, dai mungdan gaw grin nga lu na n rai;