ESAIA 9:18 - Jinghpaw Hanson Version Bible

¹⁸ Zaw nawng zaw wa up ai Yehowa a pawt sindawng ai a majaw, mungdan gaw hkat mat wa nna, mung masha ni gaw wan shat zawn rai nga ma ai: kadai mung tinang kahpu kanau wa hpe pyi n lahpawt ma ai.

Jinghpaw Common Language Bible 2009

¹⁸ Amyu masha ni a tara n lang ai amu gaw ju sumwum hte ju hpun ni hpe hkru kau ai wan hte bung nga ai. Dai gaw wan hkut shadaw shalun dat ai maling htinggram wan zawn jahkru kau nga ai.

ESAIA 9:18 ပူးပေါင်းရင်းမြစ်များ

1 HKAWHKAM 16:21

Dai shaloi e Israela masha ni gaw hpung lahakwng bra wa nna, hpung mi gaw Ginat a kasha Tibni hpe hkan nna hkawhkam shatai mayu ma ai: hpung mi chyawm gaw Omri kaw hkan nang ma ai.

SHAKAWN KUNGDAWN 37:20

Tara n lang ai ni hten byak mat ai hkrum na mara ai; Yehowa hpe gumlau ai ni, prang na nampan zawn rai nga ma ai: Wan nhkut zawn shanhte hkoi mat na ma ai.

SHAKAWN KUNGDAWN 68:2

Wan nhkut mawng mat wa ai zawn, Shanhte hpe kamawng kau mu; Wan hta gitbaw byawng mat ai hte maren, Karai Kasang a man e, tara n lang ai ni hten byak mat mu ga.

SHAKAWN KUNGDAWN 83:14

Maling dinggram hpe hkru kau ai wan hte, Bum ni hpe jahkat kau ai sharaw zawn,

ESAIA 1:31

Wa-ngan wa gaw lachyit zawn, shi a amu gaw wan n-yang zawn tai mat nna, dai yan rau hkru mat na ra ai; dai wan hpe kadai mung n sat lu ai,” nga ai.

ESAIA 1:7

Nanhte a mungdan gaw katsi katsang rai nga ai; nanhte a mare ni hkru mat sai; maigan masha ni, nanhte a ga dachyawk ni hpe nanhte a man e sha kau nga ma ai: tsasam masha ni hpya kau ai ga zawn, dai de katsi katsang rai nga ai.

ESAIA 26:11

Yehowa e, nang lata sharawt timung, shanhte n matsing ma ai; rai timung, na a amyu a matu nang rawng ai nja nhpra myit hpe, shanhte mada mu nna, kaya hkrum na mara ai: nang hpe hpyen ai ni hkru mat na mara ai.

ESAIA 27:4

Ngai pawt ni ai, n rai; tsing hte ju hpun ni ngai hpe daw n ga lè; ngai dai ni hpe alawan htim nna, rau nat kau na we ai.

ESAIA 3:5

Mung masha ni langai hte langai, htingbu ni langai hte langai shada da adip arip na mara ai: ma kaji gaw dingla wa hpe, hpa n hkaw ai wa gaw, arawng lu ai wa hpe, gumrawng gumtawng di na ra ai.

ESAIA 30:30

Yehowa mung shi a daru magam nsen dat dat nna, pawt sindawng ai, wan hkru ai, nbung bung ai, laru ru ai, sin marang hte shi a lahpum shada na ra ai.

ESAIA 30:33

Kaning rai nme law, moi chyaloi nhkoi kaw nna, Tohpet shara hpajang da sai; gaja wa, hkawhkam wa a matu lajang da sai; dai shara hpe sung ai hte dam lada di nu ai; de a sumpum gaw wan hte hpun law law rai nga ai: Yehowa a nsoi nsa gaw, byawng mat ai kan zawn, dai hpe shachyi na ra ai.

ESAIA 33:12

Masha amyu ni gaw ju ai namhtun lung hte, hkyen nat kau ai ju hpun zawn, rai na mara ai.

ESAIA 33:14

Yubak kap ai Ziun masha ni, hkrit nga ma ai; tara n hkungga ai ni, hkrit gari ma ai: Anhte hta na kadai wa hkru ai wan hta nga lu na ga ta? htani htana wan mang hta kadai shanu lu na ga ta?

ESAIA 5:24

Dai rai nna shanhte gaw Zaw nawng zaw wa up ai Yehowa a tara hpe gang kau nna, Israela a Chyoi pra ai Wa a mungga hpe n kaw n law di kau ma ai majaw, wan shinglet gaw yi hku hpe hkru kau ai hte, tsingdu chyahkraw gaw wan mang hta hkat mat wa ai zawn, shanhte a ru ni tsam mat wa nna, shanhte a pu ni, ga nhpu zawn kamawng mat na ra ai.

ESAIA 50:11

Wan shachyi nna, tinang hkum hpe wan n-yang hte shinggrup ai ni mahkra e, nanhte a wan shinglet hta mung, nanhte wut ai wan n-yang ni hta mung, hkawm nga mu. Nye a lata na nanhte hkam la ai lam chyawm gaw, da ndai rai nga ai: nanhte yawn hkyen let, yup kaleng wa na marin dai.

YEREMIA 9:3

“Shanhte gaw masu ai ga tsun lu hkra, tinang shinglet hpe ndan zawn shachyen ma ai; dai mungdan hta shanhte galu kaba wa timung, kangka lam hta galu kaba wa ai, n rai; gaja wa, shanhte je je n hkru wa nna, ngai hpe n chye ma ai,” nga nna Yehowa tsun ai.

HOSEA 13:3

Dai re ai majaw shanhte gaw, jahpawt manap na sumwi, jau jau e hkoi mat ai mari, bungsha hte hkoi mat ai mam chyarang na nbun, wan htung na pru ai wan hkut zawn, tai mat na mara ai.”

YOELA 2:20

dingdung maga na luksuk laba ni hpe, ngai nanhte kaw na tsan tsan de jahtaw kau nna, akrin akraw hte katsi katsang re ai mung de, shachyut kau na nngai: dai ni a man maga sinpraw nawng de, shingdu maga sinna nawng de dep nna, de a manam ai hte hpu hkying ai gaw mawng pru na ra ai: kaning rai nme law, Yehowa amu kaba galaw nu ai.

YOELA 2:3

Shanhte a shawng e wan hkru nga ai, shanhte a hpang e wan shinglet grung nga ai: mungdan gaw, shanhte a man e Eden sun zawn rai nga nna, shanhte lai ai hpang, katsi katsang re ai zaibru jang, tai nga ai: gaja wa, shanhte a lata na lawt lu ai, hpa mung n nga ai.

AMO LAIKA (AMOS) 7:4

Madu Yehowa ndai lam ngai hpe bai madun nngai: yu u, wan hte ari jaw na matu, Madu Yehowa wan shaga nna, dai gaw sung htum ai shara kaba hpe hkru kau nna, mungdaw hpe hkru magang nga ai.

OBEDIA 1:18

Yaku a nta gaw, wan, Yawsep a nta gaw, wan shinglet, Esaw a nta chyawm gaw, yi hku tai na ra ai; dai hta shanhte wan shachyi nna, hkru mat na ra ai; Esaw a nta hta kadai mung ngam nga na n rai: Yehowa shing nga tsun ai.

NAHUM 1:10

Kaning rai nme law, shanhte gaw ju hpun zawn shada gindun nga nna, tinang a lauhki hte nang nga ai majaw, yi hku chyahkraw zawn, shanhte htum hkra hkru mat na mara ai.

NAHUM 1:6

Shi sindawng kahtet yang, kadai tsap nga lu na rai ta? shi masin pawt bu yang, kadai hkap ban lu na rai ta? shi a pawt bu kahtet ai gaw, wan zawn ru bun nga nna, shi a lata hte lunghkrung ni, agrawp mat ai hkrum nga ai.

MALAHKI 4:1

Kaning rai nme law, dai nhtoi du ra ai; dai gaw wan htung zawn grung kahtet nga ai: gumrawng gumtawng ai ni hte, tara n lang ai amu galaw ai ni yawng, yi hku ndu tai na mara ai: du ra ai nhtoi gaw, npawt ndung n ngam hkra, shanhte hpe hkru kau na ra ai, nga nna Zaw nawng zaw wa up ai Yehowa tsun ai.

MAHTE 25:41

Bai, pai maga de nga ai ni hpe, ‘Dagam dala hkrum ai ni e, ngai hte hka wa nna nat gumlau hte shi a salung sala ni a matu lajang da ai n htum n mat ai wan de shang wa mu:

TARA JAHPRANG 32:22

Nye a pawt bu ai hte wan nat dat nna, Sung htum ai katsan ga du hkra hkru wa ra ai: Ga hte de a nsi naisi hpe shakrawp kau nna, Bum ni a npawt pyi hkru mat nga ai.

HEBRE 6:8

ju hpun hte atsing sha shatut yang chyawm gaw, kau da ai hkrum nna, dagam hkrum magang nga ai hte, de a jahtum gaw, wan nat kau hkrum na, rai nga ai.

SHINGRAN 14:11

shanhte hpe nni nkri zingri ai hta na wan hkut gaw, htani htana prat dingsa amawng lung nga ai; dai matse labye hte shi a hkrang sumla hpe nawku ai ni hte, shi a amying a masat dingsat hkam la ai wa gaw, shani shana n ban n sa lu ma ai,” nga nna nsen kaba hte tsun nga ai.