ESAIA 9:1 - Jinghpaw Hanson Version Bible

¹ Nsin hta hkawm nga ai amyu gaw, nhtoi kaba mu lu ma ai; si hkrung si htan mung na shingnip kata e shanu nga ai ni a ntsa e, nhtoi dawng pru wa sai.

Jinghpaw Common Language Bible 2009

¹ Ndai ru yak tsin-yam tsindam hkrum ai aten kaw nna lawt lu na lam shanhte a matu nga na ra ai n rai. Zebulun hte Naphtali yan a amyu bawsang ni a lamu ga gaw shawng de kalang mi myi man sum yu nga sai, rai ti mung du na ra ai aten hta gaw Ka-ang Panglai a sinpraw maga kaw nna Yawdan hka a wora hkran na lamu ga du hkra, maigan masha ni shanu nga ai Galile ginwang du hkra na dai lamu ga hta arawng sadang lu wa na ra ai.

ESAIA 9:1 ပူးပေါင်းရင်းမြစ်များ

2 HKAWHKAM 15:29

Israela hkawhkam Peka aprat e, Asuri hkawhkam Tiglat-pilese sa du nna, Iyon, Abela-bet-mahka, Yanoa, Kedesha, Hazora mare ni mung, Gilead mung hte Naphtali ngu ai Galile mung ting hpe mung gasat nna, mung masha ni hpe Asuri mung de bawng rim wa mu ai.

1 HKAWHKAM LABAU 5:26

Dai rai nna Israela Karai Kasang gaw Asuri hkawhkam Pula hte Tilgat-pilnese yan a myit hpe sharawt ya wu ai rai nna, Tilgat-pilnese gaw Rubin amyu Gad amyu, Manashe amyu chyen mi hpe bawng rim wa nna, shanhte hpe dai ni du hkra, Hala, Habora, Hara hte Gozan hka kau e bawng dung shangun mu ai.

2 HKAWHKAM LABAU 16:4

Ya Benhada gaw hkawhkam Asa a ga hpe madat nna, shi a hpyen du ni hpe Israela mare ni hpang de shangun dat nna, shanhte gaw Ion mare, Dan mare, Abela-miam kaw nna Naphtali mung na sut rai tawn da ai mare ni hpe shaza kau mu ai,

ESAIA 8:22

ga de mada yu yang, yu mu, ru tsang ai, nsin sin ai hte myit htum ai sin mang hkrai rai nga ai: shanhte gaw nsin htat ai shara de gawt kau ai hkrum na mara ai.

JAW JAU 26:24

ngai mung nanhte hte nhtan jashai nna, nanhte a mara majaw ari htam sanit naw jaw na made ai.

JAW JAU 26:28

ngai nanhte hpe pawt ai hte nhtan shai ai hku galaw nna, nanhte a mara majaw ari htam sanit naw jaw na made ai.

LUKA 24:27

Shing nga tsun sharawt nhtawm, Mawshe ka da ai kaw nna, myihtoi ni yawng ka da ai Chyum laika ni hta na, shi hta ang ai ga yawng a ga lachyum, shan hpe tsun hpaw dan mu ai.