ESAIA 8:9 - Jinghpaw Hanson Version Bible

⁹ Amyu baw ni e, kabring kabrawng nga timung, agrawp kau ai hkrum mu; sumtsan mung na ni e, madat mara nga mu; shingkyit kyit timung, agrawp kau ai hkrum mu;

Jinghpaw Common Language Bible 2009

⁹ Amyu baw ni e, hkrit ai myit hte rau hpawng shinggyin nga mu! Mungkan ga a sumtsan shara na masha ni e, madat mara nga mu. Gasat na matu hkyen da mu, rai ti mung hkrit tsang nga myit! Rai sa, jin jin rai nga ti mung, hkrit tsang nga mu!

ESAIA 8:9 ပူးပေါင်းရင်းမြစ်များ

1 HKAWHKAM 20:11

Shaloi Israela hkawhkam htan nna, “Shingkyit kyit la ai wa gaw, shingkyit raw ai wa zawn hkum gumrawng nga u ga,” ngu u, ngu mu ai.

GA SHAGAWP 11:21

N hkru ai ni shada matut timung, mara lawt lu na, n rai; Dinghpring ai ni a aru arat chyawm gaw lawt lu na mara ai.

ESAIA 28:13

Dai re ai majaw, shanhte sa wa yang, nhtang chyaw kadawng ai, agrawp kau ai, mahkam hta lu ai hte rim la ai hkrum lu hkra, Yehowa mungga gaw shanhte a matu, htet da ai ga ntsa e htet da ai ga, htet da ai ga ntsa e htet da ai ga; lam mi a ntsa e lam mi, lam mi a ntsa e lam mi, nang e kaji mi wonang kaji mi rai na ra ai.

ESAIA 37:36

Shing rai Yehowa a lamu kasa pru sa nna, Asuri masha ni a hpyen dap hta marai sen me mun matsat hkying manga hte hpe sat kau wu ai: jahpawt jau jau e rawt yu yang, yu mu, ndai ni nlang si mang rai nga ma ai.

ESAIA 54:15

Yu mu shanhte zuphpawng timung, ngai lawm na n rai; nang hpe hpyen na matu zuphpawng ai ni kadai mung, na a gawp e kataw na mara ai.

YEREMIA 42:11

nanhte hkrit nga ai Babelon hkawhkam hpe hkum hkrit myit; Yehowa ning nga ai, Dai hkawhkam a lata na nanhte hpe hkye la nna mawai la na matu, ngai nanhte hte rau nga nga nngai majaw, shi hpe hkum hkrit myit.

YEREMIA 46:3

N-gang kaling hte n-gang galu hkyen nna, hpyen htim na sit sa wa mu.

YEREMIA 46:4

Gumra hpyen ni e, gumra ni hpe byau nna, hpri gup chyawp chyawp let, jawn pru wa mu: ri nhtu ni hpe arut shatsawm mu, hpri palawng hpun mu.

YEREMIA 51:20

Hpyen sumdu kaba e, nang gaw nye a hpyen gasat rai, rai nga ndai: nang hpe ngai lang nna, amyu baw ni hpe agrawp kau na nngai; nang hpe ngai lang nna, hkawhkam mungdan ni hpe jahten shabyak kau na nngai:

EZEKELA 38:7

Hkyen tawn u, nang kaw hpawng nga ai wunawng wuwa ni hte rau tinang hkum hpe hkyen tawn mu: nang gaw shanhte a sin langa wa tai u.

EZEKELA 38:8

Nhtoi tsawmra na wa yang, nang ahkang aya lu la na ndai: shing rai, nhtu tsin-yam lawt nna, amyu baw ni hta na shaw la hkrum ai hte, nhtoi na na wa katsi katsang rai nga ai, Israela bum ni a ntsa e dè nga ai amyu hpang de, hpang jahtum ai aten e, nang lung gasat na ndai; rai timung, dai mung masha ni gaw maigan amyu ni hta na shaw la ai hkrum nna, yawng hte gaw apyaw sha shanu nga na mara ai.

YAWSHU 11:5

Dai hkawhkam ni mahkra rau hpawng nna, Israela masha ni hpe gasat na matu Meron hka nawng makau e shara hta sha dap jung nga ma ai.