ESAIA 8:8 - Jinghpaw Hanson Version Bible

⁸ Yuda mung du hkra dep nhtawm, dai hpe mung lwi ka-up nna, adu du hkra dep na ra ai: Emanuela e, de a singkaw ni kahpyen dat nna, na a mung ting ka-up nga na ra ai law,” nga ai.

Jinghpaw Common Language Bible 2009

⁸ Shanhte gaw lahpa du hkra tsaw lung wa ai hka hpungla hte arai yawng mayawng hpe ka-up mat wa nna, Yuda mung hkren hkra ye magawn mat wa na mara ai,” nga nna tsun ai. Karai Kasang gaw anhte hte rau rai nga ai! Shi a kahpyan da ai singkaw ni hte dai mungdan hpe makawp maga nga ai.

ESAIA 8:8 ပူးပေါင်းရင်းမြစ်များ

2 HKAWHKAM 17:3

Shi hpe gasat na matu Asuri hkawhkam Shalmanese sa du nna, Hoshea gaw shi a shangun ma tai wa ai hte shi hpe hkanse bang da wu ai.

2 HKAWHKAM LABAU 12:4

Shi gaw Yuda mung na bunghku kum ai mare ni hpe gasat dang kau nna, Yerusalem mare de du ai.

ESAIA 10:6

Awu asin re ai amyu hpang de ngai shi hpe shangun dat nna, ngai n dawng ai amyu hpe, kashun kashe hpya kau nhtawm, lanep la na hte, mare lam hkumpup zawn shanhte hpe kabye kau na lam, hkang da na we ai.

ESAIA 30:28

shi a nsoi nsa gaw du du hkra lim ai hka hpungla hte bung nna, shi gaw masha amyu ni hpe hten byak ngu ai hking hte hking kau na ra ai: masha amyu ni a n-gup hta mung, shanhte hpe lam shadam ai runghtung htung ya na ra ai.

ESAIA 43:2

Nang hka rap wa yang, ngai nang hte rau rai nga nngai; hka nu hka shi ni hpe rap wa yang, lim wa na n rai; wan hpe kabye yang, hkru na n rai, wan shinglet mung galip na n rai.

ESAIA 7:14

Dai re ai majaw Madu shi nan nanhte hpe lamik kumla madun dan na ra ai: yu mu, shayi hkawnsek gaw gawng li nga nna, shadang sha shangai na ra ai; shi a amying hpe, Emanuela shamying ya na ru ai.

ESAIA 7:17

Ehprim amyu gaw Yuda amyu hte hka wa ai shani kaw nna, ya du hkra n byin yu ai shani nhtoi ni, Yehowa gaw na a ntsa e mung, na a amyu baw a ntsa e mung, na nwa a nta ntsa e mung, shapraw na ra ai: dai gaw Asuri hkawhkam nan rai nga ai.

ESAIA 8:10

Hpaji daw mu, dai gaw byak mat na ra ai; hpajang da mu, dai gaw grin lu na n rai: kaning rai nme law, Karai Kasang anhte hte rau rai nga ai.

YEREMIA 47:2

Yehowa ning nga ai: Yu mu, dingdung maga de na hka rawt nna, mungdan hpe lim kau ai hka nu tai na ra ai: dai gaw mungdan hte rawng marawng hpe mung, mare hte nga manga hpe mung lim kau nna, masha ni shabam na mara ai; mungdan masha ni yawng sharung shayawt na mara ai.

YEREMIA 48:40

Kaning rai nme law, Yehowa ning nga ai: Yu u, hpyen wa gaw langda zawn pyen sa nna, shi a singkaw Moba mung ntsa e ka-up na ra ai.

YEREMIA 51:42

Nammukdara gaw Babelon mare de lung wa nna, law la ai hka leng ni dai mung hpe lim ka-up nga ai.

EZEKELA 17:3

‘Madu Yehowa ning nga ai: Lak lai ai ahpraw asam hte, mun law law tu nna, singkaw galu kaba ai langda kaba gaw, Lebanon bum de du nna, arit hpun ndung makrang let,

EZEKELA 26:19

“Kaning rai nme law, Madu Yehowa ning nga ai: Masha n rawng ai mare ni zawn, ngai nang hpe shingran katsi ai mare shatai kau nna, nang hpe lim kau na matu, sung ai hka kaba ni hpe na ntsa e shatung yang,

Daniela 11:10

“Dai hpang shi a shadang sha yan hpyen sharawt nna, luksuk laba law law jahpawng tawn nhtawm, dai ni gaw mung hpe ga lim kabye kau nna, shi a hpyen dap du hkra gasat hpang na mara ai.

MIHKA 1:9

Kaning rai nme law, shi hkrum ai hkala nba mai wa lu na, n rai; dai gaw, Yuda mung de pyi du rap nna, nye a amyu masha ni a chyinghka ngu ai, Yerusalem mare de, dep ra ai.

MIHKA 5:5

Dai wa gaw anhte a ngwipyaw madu tai na ra ai. Asuri wa gaw anhte a mung hta shang nna, anhte a htingnu ni hpe kabye yang, shi hpe hkap daw na matu, sagu rem sanit hte agyi matsat, anhte kaw na pru na ra ai.

MAHTE 1:23

Shi gaw, “Yu u, dai hkawnsek gaw na-um nasin rai wa na rai nna, shadang sha shangai na ra ai, Shi a amying, Emanuela shamying ya na maru ai,” nga ai: de a ga lachyum, “Karai Kasang anhte hte rau rai nga ai,” nga ai re ai.