ESAIA 8:4 - Jinghpaw Hanson Version Bible

⁴ Kaning rai nme law, dai ma gaw, “Nu e, wa e, nga nna garai n chye shaga yang, Damasku mare na sutgan hte, Samari mung na kashun la ai lanep hpe, Asuri hkawhkam magawn la kau na ra ai,” nga ai.

Jinghpaw Common Language Bible 2009

⁴ Dai ma gaw Nu e, Wa e, nga nna garai n chye shaga yang, Asuri hkawhkam gaw Damasku mare a sut gan ni hte Samari mung a lanep ni yawng hpe magawn la kau na ra ai,” ngu nna tsun wu ai.

ESAIA 8:4 ပူးပေါင်းရင်းမြစ်များ

2 HKAWHKAM 15:29

Israela hkawhkam Peka aprat e, Asuri hkawhkam Tiglat-pilese sa du nna, Iyon, Abela-bet-mahka, Yanoa, Kedesha, Hazora mare ni mung, Gilead mung hte Naphtali ngu ai Galile mung ting hpe mung gasat nna, mung masha ni hpe Asuri mung de bawng rim wa mu ai.

2 HKAWHKAM 16:9

Asuri hkawhkam mung shi a ga madat nna, Damasku mare hpe lung gasat la nhtawm, mung masha ni hpe Kira shara de bawng rim wa nna, Rezin hpe sat kau wu ai.

2 HKAWHKAM 17:3

Shi hpe gasat na matu Asuri hkawhkam Shalmanese sa du nna, Hoshea gaw shi a shangun ma tai wa ai hte shi hpe hkanse bang da wu ai.

ESAIA 17:1

Damasku mare hta ang ai myihtoi ga: “Yu u, Damasku shara gaw, mare n tai hkra, marawng marang sumpum tai na ra ai.

ESAIA 17:3

Ehprim mung na hpyen dap n nga na sai; Damasku a mungdan hte Suri mung hta matu mara n nga na sai: shanhte gaw Israela kashu kasha ni a arawng sadang zawn tai na mara ai,” nga nna Zaw nawng zaw wa up ai Yehowa tsun nga ai.

ESAIA 28:4

sau hpum ai kadit mahka e nga ai nyui magang ai arawng sadang a nampan gaw, nlum ta garai n du yang, myin ai lakum si hte bung na ra ai: dai hpe mu hkrup ai wa gaw, lata e di lang let, kamaw kau na ra ai.

ESAIA 8:5

Bai Yehowa ngai hpe tsun ai gaw,

AMO LAIKA (AMOS) 1:3

Yehowa ning nga ai: Damasku mare a yubak masum hta n-ga, yubak mali majaw, ngai ari n jaw ai, nga na n rai; kaning rai nme law, shanhte gaw, mam dup ai hpri rai hte, Geliad mung hpe dup manu ai.

AMO LAIKA (AMOS) 1:5

Damasku a chyinghka htinggrang hpe ngai agrawp kau nna, Awen kadit e shanu nga ai ni hte, Eden nta na du sumdoi lang ai wa hpe, shamyit kau na nngai: Suri masha ni gaw, Kira mung de bawng dung sa wa na mara ai, nga nna Yehowa tsun ai.

YONA 4:11

dai re ai mi, tinang a hkra lata hte pai lata hpe pyi n chye ginhka ai, masha sen me mun lahkawng rawng ai, mare kaba Ninewe hpe, ngai lahpawt dum mai nga ai n rai ni? dai hta kaga yamnga law law mung rawng nga ai,” ngu nna tsun wu ai.

ROMA 9:11

Karai Kasang shakyet da nhtawm, lata la ai lam gaw, magam bungli hte n re ai sha, shaga la ai wa a majaw she grin wa u ga, kasha yan garai n shangai ai rai nna, kaja ai hte n kaja ai hpa garai n galaw ti pyi,

TARA JAHPRANG 1:39

Dai hta n-ga, hpyen ni rim la na matu sha rai nga ma ai, nga nna nanhte tsun ai ma chyangai ni hte dai shani e kaja n kaja pyi garai n chye ginhka ai, nanhte a ma ni gaw, dai mung hta e shang lu nna, dai mung ngai shanhte hpe ap ya na mawe ai rai nna, shanhte dai hpe madu lu na mara ai.