ESAIA 8:18 - Jinghpaw Hanson Version Bible

¹⁸ Yu u, ngai mung, Yehowa jaw ai ngai sha ni mung, Ziun bum e shanu nga ai Zaw nawng zaw wa up ai Yehowa kaw na, Israela amyu hta, lamik kumla hte mauhpa lam tai nga ga ai.

Jinghpaw Common Language Bible 2009

¹⁸ Ngai gaw ndai yang e dai Madu ngai hpe jaw da sai kashu kasha ni hte rau nga nga nngai. Chyahtum Chyalai N-gun rawng ai dai Madu a tingnyang gaw Ziun Bum ntsa e nga nga ai rai nna anhte hpe Israela amyu masha ni hpang de ahkrung nga ai mungga ni hku shangun dat mi ai.

ESAIA 8:18 ပူးပေါင်းရင်းမြစ်များ

NINGPAWT NINGHPANG 33:5

Bai shi mada yu nna, numsha ni hte kasha ni hpe mu wu yang, Nang kaw nang ai ndai ni gaw, kadai ni rai nga ma ta? ngu wu ai. Yaku gaw, Karai Kasang na a mayam hpe jaw ai ma ni rai nga ma ai, ngu nna htan wu ai.

1 HKAWHKAM LABAU 23:25

Kaning rai nme law, Dawi gaw, Israela Karai Kasang Yehowa, shi a amyu masha ni hpe ban sa ai jaw ya nna, shi gaw Yerusalem mare hta tutnawng anga nga ai:

SHAKAWN KUNGDAWN 22:30

Shanhte a kashu kasha ni shi hpe daw jau na mara ai: Htawm prat du hkra, dai Madu a lam shanhte shana ya na maru ai.

SHAKAWN KUNGDAWN 71:7

Law law ni a man e, mauhpa zawn ngai rai nga nngai; Rai timung, nang gaw nye a ngang ai shingbyi shara rai nga ndai.

SHAKAWN KUNGDAWN 9:11

Ziun hta nga nga ai Yehowa hpe mahkawn mangoi mu; Amyu baw ni hpe shi a magam bungli shana ya mu.

SHAKAWN KUNGDAWN 9:12

Sai matai dawp ai wa gaw shanhte hpe dum nga nna, Myit gyip ai ni a hpyi jahtau ai hpe malap kau ya mu ai n rai.

ESAIA 12:6

Ziun bum hta shanu ai jan e, na a ka-ang e Israela Chyoi pra ai Wa gaw galu kaba nga ai majaw, garu jahtau u, kabu ninglaw u,” nga nna tsun na ra ai.

ESAIA 14:32

Dai re ai majaw, sumtsan mung na kasa ni hpe, kaning ngu htan na rai ta? Yehowa gaw, Ziun mare hpe gaw da ai rai nna, shi a amyu hta nni nkri hkrum ai ni gaw, dai hta e shingbyi nga na mara ai.

ESAIA 20:3

Bai Yehowa gaw, “Nye a mayam Esaia, Egutu mung hte Hkusha mung hpe sha-ang nna, kumla hte mauhpa lam tai na matu, masum ning tup singgu krin, kyepdin n din ai, hkawm nga ai hte maren,

ESAIA 24:23

Dai shaloi e shata gaw mak mat nna, ajan gaw kaya kahpa hkrum na ra ai; kaning rai nme law, Zaw nawng zaw wa up ai Yehowa gaw Ziun bum ntsa Yerusalem mare hta up nga nna, shi a salang ni a man e arawng sadang dan hkung nga na ra ai.

ESAIA 53:10

Yehowa chyawm gaw shi hpe ahpye a lam di na ra nna, machyi shangun wu ai; nang gaw, shi a myit masin hpe gawng malai hkungga shatai ngut jang she, shi gaw shi a aru arat hpe mu lu na ra ai; shi a nhtoi ni galu wa nna, Yehowa ra ai hku shi a lata hta awng wa na ra ai:

ESAIA 7:16

kaning rai nme law, dai ma gaw n kaja ai hpe gang kau na, kaja ai hpe lata la na, garai n chye ai laman e, nang hkrit gari ai hkawhkam yan a mungdan gaw, gram mat na ra ai.

ESAIA 7:3

Shaloi Yehowa gaw Esaia hpe, “Nang hte rau na nsha Sheara-yashub pru mu; hpun nba jaw ai wa a ga dachyawk lam a lahta singgat baw e Ahaza hpe tau la nhtawm,

ESAIA 8:3

Dai hpang myihtoi jan kaw ngai shang nna, shi na-um nasin re ai hte shadang sha shangai wu ai. Shaloi Yehowa gaw, “Dai ma hpe Mahera-shalala-hash-bat,” ngu nna shamying u.

YEREMIA 44:29

Ndai yang e ngai nanhte hpe sharin ya nna, nanhte hpe yubak jahkrum na, nga nna ngai tsun ai ga teng teng dik wa na lam, nanhte chye lu na matu, ngai madun ai kumla da ndai rai nga ai:

EZEKELA 12:6

Dai arung arai ni hpe shanhte man e hpai la nna, nsin htat ai aten e shapraw u; ga n mu lu hkra, na a myi man hpe htinggrum u: kaning rai nme law, Israela dap a matu ngai nang hpe kumla shatai ni ai,” nga ai.

EZEKELA 14:8

ngai dai wa hpe hkap daw nna, mauhpa shara, kumla hte ga malai shatai let, nye a amyu masha ni hta na shi hpe shapraw kau nna, ngai Yehowa rai nga ai hpe, nanhte chye lu na marin dai.

EZEKELA 4:3

Dai hta kaga hpri pa la nna, nang hte mare a lapran e hpri bunghku tai na matu shadun da u: dai mare maga de nang myi man yawng u; shing rai mare gaw wang da ai hkrum nna, nang dai hpe wang tawn da na ndai. Dai gaw Israela amyu a matu kumla tai na ra ai.

ZEHKARIA 3:8

Hkinjawng agyi Yoshua e, nang hte na a man e dung nga ai manang ni, madat mara mu; shanhte gaw kumla tai ai masha rai nga ma ai: kaning rai nme law, yu mu, nye a shangun ma ngu ai, Makrung hpe, ngai paw pru shangun na nngai.

ZEHKARIA 8:3

Yehowa ning nga ai: “Ziun bum de ngai nhtang wa nna, Yerusalem mare ka-ang e shanu nga na nngai: Yerusalem mare hpe, Tengman ai mare, ngu nna mung, Zaw nawng zaw wa up ai Yehowa a bum hpe, Chyoi pra ai bum, ngu nna mung, shamying na mara ai,” nga ai.

LUKA 2:18

Na mana ni mung, sagu rem ai ni shanhte hpe tsun dan ai ga majaw mau ma ai.

LUKA 2:34

Simun gaw shanhte hpe shaman ya nna, kanu Mari hpe, “Yu u, ndai ma gaw, Israela masha ni hta, law law a matu kataw shara hte, law law a matu rawt wa na lam mung, ndang kalang rai hkat na kumla matu mung, san da ai wa rai nga ai:

TARA JAHPRANG 28:46

dai gaw na a ntsa e mung, na amyu matu ni a ntsa e mung, prat dingsa lamik kumla hte mauhpa amu tai nga na ra ai.”

HEBRE 10:33

Dai shaloi e, asawng asang hte zingri zingrat ai hkrum let, masha ni a man e yu chyai hpa mung, dai zawn hkrum ai ni hte jawm hkam ai manang ni mung, nanhte tai yu manit dai,

HEBRE 12:22

Nanhte chyawm gaw, Ziun bum hte hkrung nga ai Karai Kasang a mare ngu ai sumsing lamu na Yerusalem mare de mung, hti n dang lu ai lamu kasa wunawng wuwa ni hpang de mung,