ESAIA 8:16 - Jinghpaw Hanson Version Bible

¹⁶ Nye a sape ni kaw, ndai sakse ga hpe kyem da u, ndai tara hpe dazik shakap da u.

Jinghpaw Common Language Bible 2009

¹⁶ Nye a sape ni e, nanhte gaw Karai Kasang ngai hpe jaw sai mungga ni hpe sin makawp let kyem da mu.

ESAIA 8:16 ပူးပေါင်းရင်းမြစ်များ

2 HKAWHKAM 11:12

Shaloi shi gaw hkawhkam kasha hpe shapraw nhtawm, ja janmau shagup ya let, sakse ga jaw nna, shi hpe hkawhkam shatai ai hte namman chya wu ai rai nna, shanhte gaw lata lahpawk dum let, “Hkawhkam wa gaw asak galu u ga law,” nga nna jahtau ma ai.

SHAKAWN KUNGDAWN 25:14

Yehowa hpe hkrit kamyin ai ni, shi a sung ai lam chye nga nna, shi shanhte hpe shi a ga shaka chye lu shangun mu ai.

ESAIA 50:4

Hki ba hkrum ai wa hpe shalan shabran na chye wa lu hkra, Madu Yehowa gaw, sharin achyin hkam la ai ni a shinglet, ngai hpe jaw ni ai; jahpawt shagu shi ngai hpe jasu nga ai: sharin achyin hkam la ai ni, na la lu ai zawn, shi nye a na hpe jasu ya nga ai.

ESAIA 54:13

Na a kashu kasha ni yawng, Yehowa a sharin achyin ai hkam la nna, shanhte a ngwipyaw ai lam gaw, kaba la nga ai.

ESAIA 8:20

Tara hte sakse ga hpe madat mara mu; shanhte tsun ai lam ndai ga hte nbung yang, gaja wa, shanhte a matu jahpawt manap n nga ai.

Daniela 12:4

Nang chyawm gaw, Daniela e, ndai amu htum ai aten du hkra, ndai mungga hpe ip da nna, laika hpe dazik shakap kau u: masha law law wa tam kahkrang hkawm nna, nyan hpaji jat wa na ra ai,” nga nna tsun ai.

Daniela 9:24

Tawt lai ai amu hpe shangut na hte, yubak hpe jahtum kau na matu mung, shut hpyit ai a matu gawng malai hkungga nawng ya nna, prat dingsa dinghpring ai hpe jashawn na matu mung, shingran hte myihtoi ga hpe dazik shakap nna, chyoi pra htum ai shara hpe namman chya ya na matu mung, na a amyu hte, na a chyoi pra ai mare ntsa e, nhtoi bat sanit shi, san da nga sai.

MAHTE 13:11

Shi htan nna, “Sumsing lamu a mungdan a sung htum ai lam ni hpe chye na shara, nanhte a matu hku nga malit dai; wora ni a matu chye na shara n hku malu ai.

MARKU 10:10

Nta nhku de nga nga ma yang, sape ni ndai lam shi hpe bai san mu ai.

MARKU 4:34

Ga shadawn hte n rai yang gaw, shi shanhte hpe hpa mung n tsun dan yu ai. Rai timung, shanhte hkrai rai nga ma yang, ga nlang shi a sape ni hpe shapraw shadan dan mu ai.

1 KORINHTU 2:14

Myi na ta naw re ai shinggyim masha gaw, Karai Kasang a Wenyi hte seng ai lam hte hpe hkam la lu ai n rai, dai hte gaw shi a matu angawk angak rai nga ai rai nna, Wenyi myit e sha dai hte hpe jeyang lu ai re ai majaw, shi gaw dai hte hpe chye na lu ai n rai.

TARA JAHPRANG 4:45

Egutu mung na shanhte pru wa ma yang, Hesbon e dung ai Amori hkawhkam Sihon a lamu ga, Yawdan hka sinpraw hkran, Bet-peora hte tawtap na kadit e, Mawshe, Israela kashu kasha ni hpe tsun da ai sakse ga, matsun maroi ga hte hkang da ai tara ga rai nga ai:

HEBRE 3:5

Mawshe gaw, htawm hpang e tsun shapraw na ra ai lam ni hpe sakse hkam ya na matu, Karai Kasang a nta ting hta e shangun ma zawn kangka rai nga ai; Hkristu chyawm gaw, Shi a nta up ai Kasha zawn kangka rai nga ai;

SHINGRAN 10:4

Dai mu ngoi ai mahku sanit tinang a nsen shapraw dat ma yang, ngai ka da na maw nga nngai; shaloi, Dai mu ngoi ai mahku sanit shapraw ai lam hpe dazik shakap u, dai hte hpe hkum ka da et, nga nna sumsing lamu de na tsun pru ai nsen ngai na nngai.

SHINGRAN 19:10

Shaloi, ngai shi hpe nawku na nga, shi a lagaw nhpang e dingnyawm dagup nngai. Shi gaw, “Shing hkum rai et: ngai gaw Yesu a sakse ga gun hpai ai na a mung, na a kahpu kanau ni a mung, shangun ma manang shada she rai nngai: Karai Kasang hpe nawku u: kaning rai nme law, Yesu a lam sakse hkam ai gaw, myihtoi htoi ai wenyi a myit hku rai nga ai,” nga nna ngai hpe ginhtim tsun ai.

SHINGRAN 2:17

Wenyi gaw Hpung ni hpe kaning nga tsun ai gaw, na tu ai wa gaw na la u ga. Dang lu ai wa hpe, makoi da ai manna hpe mung, ahpraw nsan ai lungdin hpe mung, ngai jaw na nngai: dai lungdin hta amying ningnan ka da nga ai rai nna, dai hpe lu la ai wa hta kaga, kadai mung dai amying hpe n chye ya lu ai.

SHINGRAN 5:1

Bai, tingnyang hta dung nga ai wa a hkra lata hta, kata e mung ntsa e mung ka da nna, dazik sanit hte shakap da sai laika shabawn hpe ngai mu nngai.

SHINGRAN 5:5

Dai rai nna, salang ni hta na langai mi gaw, Hkum hkrap et; yu u, Yuda amyu hta na hkanghkyi ngu ai Dawi a aru madung gaw, dai laika hte de a dazik sanit hpe hpaw lu hkra dang kau nu ai, nga nna ngai hpe tsun dan nngai.