ESAIA 8:14 - Jinghpaw Hanson Version Bible

¹⁴ Dai rai yang shi gaw chyoi pra ai shingbyi shara tai na ra ai: rai timung, Israela dap lahkawng a matu, ahtu kataw na nlung hte, myit kataw shangun ai lunghkrung, Yerusalem masha ni a matu, mahkam hte ndaw, shi tai na ra ai:

Jinghpaw Common Language Bible 2009

¹⁴ Hkrit hkungga na zawn re ai nye a chyoi pra ai hpung shingkang a majaw, ngai gaw amyu masha ni hpe ahtu kataw shangun ai nlung zawn rai nga nngai; ngai gaw Yuda hte Israela a mungdan amyu masha ni hte Yerusalem mare masha ni hpe hkam ai mahkam zawn rai nga nngai.

ESAIA 8:14 ပူးပေါင်းရင်းမြစ်များ

SHAKAWN KUNGDAWN 11:6

Tara n lang ai ni a ntsa e wan n-ga htu u ga, Shanhte a hkambum kan hte kahtet ai nbung, rai nga malu ga.

SHAKAWN KUNGDAWN 140:5

Gumrawng ai ni nye a matu mahkam hte sumri up da nna, Nye a lam e, sumgawn nep da mu ai: Nye a matu ndaw mung jun da mu ai. [Selah.]

SHAKAWN KUNGDAWN 69:22

Shanhte a sha ku tinang a matu sumgawn zawn, Hkrit na n dum ai shaloi, mahkam zawn, tai malu ga.

GA SHAGAWP 18:10

Yehowa a amying ningsang gaw ngang ai langchyi rai nga ai; Dinghpring ai wa gaw, dai de hprawng shang nna, shim nga ai.

ESAIA 25:4

Kaning rai nme law, nang gaw matsan mayan ni a shingbyi shara, nni nkri hkrum ai ni a shingwung shara, nbung laru ru yang makoi magap shara, gumshem ai ni gaw, shakum hpe adawt ai nbung laru zawn pawt kahtet bu yang, jan n-gang hte shingnip nang rai nga ndai.

ESAIA 26:20

Nye a amyu masha ni e, sa marit; kata gawk de shang nna, chyinghka la da u: pawt sindawng ai lai mat ai du hkra, na hkum hpe chyahkring mi makoi da u.

ESAIA 28:16

yu mu, Madu Yehowa gaw, Ziun bum ntsa e kangka re ai, hpu la ai hte ngang ai njut nlung hpe, ngai npawt gaw da nna, kamsham ai wa gaw hprawng ra ai n rai.

ESAIA 4:6

Shani e jan kahtet yang, nbung laru hte marang htu yang, shingbyi shinggang na matu, sum langai mi kaap na ra ai.

ESAIA 59:10

Myi hten ai wa zawn, anhte shakum hpe tam masawp nga ga ai; myi n tu ai ni zawn, lamawm hkawm nga ga ai; shana e zawn, jan pungding e pyi, anhte ahtu kataw ga ai; ngamu ngamai ai ni hta anhte chyasi ni zawn rai nga ga ai.

ESAIA 7:16

kaning rai nme law, dai ma gaw n kaja ai hpe gang kau na, kaja ai hpe lata la na, garai n chye ai laman e, nang hkrit gari ai hkawhkam yan a mungdan gaw, gram mat na ra ai.

YEREMIA 6:21

Dai re ai majaw Yehowa ning nga ai: “Ndai amyu masha ni a man e ahtu kataw shara ngai tawn da na nngai: kawa hte kasha ni rau ahtu kataw na mara ai: htingbu ni hte jinghku ni rau, hten byak hkrum na mara ai.”

EZEKELA 11:16

“Dai re ai majaw, Madu Yehowa ning nga ai, ‘Ngai shanhte hpe sumtsan mung na amyu ni hpang de htawt kau nna, mungdan ni hta ayai kau timung, shanhte sa nga ai mung ni hta, ngai shanhte a matu, tawng marang mi, nawku shara tai na nngai:'

EZEKELA 3:20

Bai, dinghpring ai wa gaw htak mat nna, dinghpring ai lam yit kau ai hte shut hpyit nga yang, ngai gaw shi a man e ahtu kataw shara tawn da nna, shi si na ra ai; nang shi hpe n shadum ai majaw, dai wa gaw tinang a yubak hta si na ra ai; shi galaw yu ai dinghpring ai amu hpe nawn na n rai: shi a asai hpe chyawm gaw, na a lata na ngai hpyi la na nngai.

MAHTE 13:57

Yesu mahtang “Myihtoi gaw tinang a buga hte nta hta n rai jang she, arawng lu nga ai,” ngu nna shanhte hpe tsun mu ai.

MAHTE 21:44

[Dai nlung hta hkrat ai wa gaw, daw hten na ra ai; gade a ntsa e mung dai nlung hkrat bun yang gaw dai wa ayun ayaw mani mat na ra ai,] ngu wu ai.

LUKA 2:34

Simun gaw shanhte hpe shaman ya nna, kanu Mari hpe, “Yu u, ndai ma gaw, Israela masha ni hta, law law a matu kataw shara hte, law law a matu rawt wa na lam mung, ndang kalang rai hkat na kumla matu mung, san da ai wa rai nga ai:

LUKA 21:35

kaning rai nme law, dai nhtoi gaw ga ntsa ting e nga nga ai ni nlang hte a ntsa e, shing rai du na ra ai.

ROMA 11:35

Chyeju htang ai hkrum lu hkra, kadai wa shi hpe shawng e sak ya sata?

YAWSHU 10:7

Dai re ai majaw Yawshu gaw, hpyen masha ni nlang hte hte wa-ngan share nlang hte rau Gilgala dap na lung wa ma ai.

1 PETRU 2:8

“Ahtu kataw shara hte myit kataw shangun na lunghkrung mung tai wa sai.” N madat n mara nga ma ai majaw, dai mungga hta shanhte kataw wa masai: shing rai hkrum mu ga mung, shanhte hpe san da ngut sai rai.