ESAIA 7:23 - Jinghpaw Hanson Version Bible

²³ Dai shani e, gumhpraw lap hkying mi ging ai, tsabyi ru hkying mi tu ai sun shagu hta e, ju hpun hte tsing hkrai tu na ra ai.

Jinghpaw Common Language Bible 2009

²³ “Dai aten du ai shaloi, gumhpraw hkying mi hte ging ai sabyi ru hkying mi tu ai ja kat ai sabyi sun ni gaw ju sumwum hte ju hpun ni hte tu ka-up kau na ra ai.

ESAIA 7:23 ပူးပေါင်းရင်းမြစ်များ

NINGPAWT NINGHPANG 3:18

aju hte atsing mung na a matu shi shatut na ra ai; ga na nsi naisi namlaw namlap nang sha nga lu na ndai:

ESAIA 32:10

N dum shami nga ai num ni e, laning mi daram lai yang, nanhte myit ru na marin dai; kaning rai nme law, tsabyi si shu ai aten htum mat na ra ai; nmut ta shang lu na n rai.

ESAIA 5:10

Kaning rai nme law, tsabyi sun lawk shi gaw, lawk mi daram sha shapraw lu nna, nli htamshi hta na, htammi sha pru na ra ai.

ESAIA 5:6

Ngai dai hpe shakrin kau na we ai; kadai mung lakung ni hpe n krum kau ai hte, aga hpe htu kapun na n rai: ju hpun amyu myu tu pru na ra ai; de a ntsa e marang n htu u ga, ngai sumwi ni hpe hkang da na we ai.

ESAIA 7:24

Mungdan ting hta ju hpun hte tsing hkrai ka-up nga ai majaw, ndan hte pala lang let, dai de sa na mara ai.

YEREMIA 4:26

Ngai mada yu yang, yu u, ngamu ngamai ai mung gaw, nam mali tai mat sai; de a mare ni yawng, Yehowa hte shi a pawt kahtet ai man e, marawng marang rai nga ai.

EZEKELA 12:20

asha rawng ai mare ni gaw, marawng marang tai mat nna, mungdan gaw shingran katsi ai shara tai na ra ai; shing rai ngai Yehowa rai nga ai hpe nanhte chye lu na marin dai,” nga ai.

HOSEA 2:12

Ya e pyi, shi a sumtsaw sumra ni a man e, shi a hpun palawng ngai raw kau nna, kaya jahkrum na nngai; nye a lata na shi hpe mawai la ai wa gaw, kadai n nga ai.

HOSEA 9:6

Kaning rai nme law, yu mu, hten byak ai kata na, shanhte pru wa masai; rai timung, Egutu mung hta shanhte hpawng nga nna, Memhpi mare hta lup kau ai hkrum na mara ai: gumhpraw hte shatsawm ai arai ni hpe, tsamat tu lim kau na ra ai: shanhte a janghpang ni hta ju hpun tu na ra ai.

MAHTE 21:33

Ga shadawn kaga hpe naw madat la mu; Nta madu langai mi tsabyi sun hkai sharam da nna, de a grup yin e nhpan kum da ai hte, dai hta e tsabyi htung htu da nna, langchyi gap da nhtawm, sun galaw ai masha hpe shap ya nna, kaga mung de sa nga mat ai.

HEBRE 6:8

ju hpun hte atsing sha shatut yang chyawm gaw, kau da ai hkrum nna, dagam hkrum magang nga ai hte, de a jahtum gaw, wan nat kau hkrum na, rai nga ai.