ESAIA 7:20 - Jinghpaw Hanson Version Bible

²⁰ Dai shani e, hka kaba wora hkran e nga ai, Asuri hkawhkam ngu ai, shap la ai kara nhkyi hte; Madu gaw baw kara hte lagaw mun hpe shangun kau nna, n-gup mun hpe pyi shakrin kau na ra ai.

Jinghpaw Common Language Bible 2009

²⁰ “Dai aten du ai shaloi, Madu gaw Uhprat hka nu a wora hkran e nga ai kara shangun ai wa ngu ai Asuri hkawseng wa hpe saw shaga dat na ra ai! Shi gaw nanhte a nhka mun, nanhte a baw ntsa e tu ai kara ni hte nanhte a hkum hkan tu nga ai mun ni hpe shangun kau ya na ra ai.

ESAIA 7:20 ပူးပေါင်းရင်းမြစ်များ

ESAIA 1:5

Nanhte ari naw hkrum hkra, hpa majaw gumlau shanang nga myit ta? baw ting hpye nga ai, kraw lawang mung, gawng kya nga ai.

ESAIA 10:15

Nwa gaw, lang ai wa hpe gumrawng lu a ni? zingret gaw ret ai wa hta, grau a ni? dawhkrawng gaw tinang madu hpe shadaw mai ai hte, ri tawng gaw lang ai wa hpe shamawt lu a ni?

ESAIA 11:15

Yehowa mung, Egutu panglai a shinglet hpe atsai awai dawm kau nna, shi a kahtet la ai nbung hte rau, dai Hkanu ntsa e shi a lata nwat ai hte, dai hpe hkaraw sanit kayat shatai kau nhtawm, masha ni hpe hkarang ntsa hku rap wa shangun na ra ai.

ESAIA 36:1

Ya hkawhkam Hezekia hkaw dung ai shi mali ning hta e, Asuri hkawhkam Senahkerib gaw, Yuda mung na bunghku kum ai mare ni mahkra hpe lung gasat nna lu la wu ai.

ESAIA 8:7

yu mu, Madu gaw, Asuri hkawhkam hte shi a hpung shingkang ting ngu ai, galu kaba ai hte hpungla ja la ai hkanu hpe, shanhte a ntsa e lwi shangun nna, dai gaw hka hkin-gau hte daru ni hpe lim kau ai hte,

ESAIA 9:13

Dai re ai majaw Yehowa gaw Israela amyu hta na, baw hte nmai hpe mung, ma-un lakung hte mai-aw hpun hpe mung, lani mi hta sha kran kau na ra ai.

YEREMIA 2:18

Ya chyawm, nang gaw Sihora hka lu na matu, Egutu lam de hpa majaw sa n ta? Uhprat hka lu na matu, Asuri lam de hpa majaw sa n ta?

EZEKELA 29:18

“Masha kasha e, Babelon hkawhkam Nebuhkadneza gaw, Turu mare hpe hkap gasat let, shi a hpyen luksuk ni hpe amu kaba galaw shangun mu ai; baw yawng krin wa sai, lahpa shagu hpye wa sai: rai timung Turu mare hpe hkap gasat shakut ai amu matu, hkawhkam wa hte hpyen masha ni gaw, dai mare kaw na hpa shabrai n lu la ma ai.

EZEKELA 29:20

Shanhte gaw nye a amu gun hpai nna, Turu mare hta shakut sharang ai majaw, ngai shi hpe Egutu mung ap ya ni ai,” nga nna Madu Yehowa tsun ai.