ESAIA 7:19 - Jinghpaw Hanson Version Bible

¹⁹ shanhte nlang sa du nna, mahkra gaw shingran katsi ai kadit ni hta mung, lungbra shara ni hta mung, ju hpun nhpan ni yawng hta mung, udat shara ni yawng hta mung, shanu nga na mara ai.

Jinghpaw Common Language Bible 2009

¹⁹ Shanhte gaw lunghkrung lungma, kabawng kachyawng re ai kadit, lungpu ginlawng hku hkan hte lungbra ntsa hkan e gamawng kahpoi jawng nga na mara ai, shanhte gaw ju sumwum shagu hte udat shara shagu hkan pri rai na mara ai.

ESAIA 7:19 ပူးပေါင်းရင်းမြစ်များ

2 HKAWHKAM LABAU 33:11

Dai rai nna Yehowa gaw shanhte a ntsa e Asuri hkawhkam a hpyen luksuk ni a bu ni hpe shangun dat nna, Manashe hpe hpri chyinghkyi hte magri sin-yu hte gyit nhtawm, Babelon mare de woi wa mu ai.

ESAIA 2:19

Yehowa gaw ginding aga hpe ashun awam dat na nga, shi rawt wa yang, shi a hkrithpa hte dan hkung nga ai hpung shingkang majaw, masha ni gaw lungpu ni hte ginlawng hku ni hta shang na mara ai.

ESAIA 2:21

gaja wa, ginding aga hpe ashun awam dat na nga, Yehowa rawt wa yang, shi a hkrithpa hte dan hkung nga ai hpung shingkang majaw, masha ni gaw sharut n-gam hte lungbra re ai shara de shang na mara ai.

ESAIA 5:6

Ngai dai hpe shakrin kau na we ai; kadai mung lakung ni hpe n krum kau ai hte, aga hpe htu kapun na n rai: ju hpun amyu myu tu pru na ra ai; de a ntsa e marang n htu u ga, ngai sumwi ni hpe hkang da na we ai.

ESAIA 55:13

Ju hpun a malai marau hpun, ju singwum a malai jangnai hpun tu na ra ai: dai gaw Yehowa man e n hten n run ai, htani htana amying shingteng hte sakse kumla tai na ra ai.

ESAIA 7:24

Mungdan ting hta ju hpun hte tsing hkrai ka-up nga ai majaw, ndan hte pala lang let, dai de sa na mara ai.

ESAIA 7:25

Shanghkawp hte chye kapun ai hkai bang mahkra hta, ju hpun hte tsing hkrai tu ai majaw, kadai n shang lu nna, dai yang dumsu ni a udat shara, sagu ni a kabye shara, tai na ra ai,” nga nna tsun ai.

YEREMIA 16:16

Yehowa ning nga ai, Yu u; ngai gaw nga hkwi ai ni law law hpe shaga la nna, shanhte hpe hkwi shangun na nngai; dai hpang jaugawng law law hpe ngai shaga la nna, shanhte hpe bum shagu, kawng shagu hte bum ga na lungpu ni hta tam shangun na nngai.

MIHKA 7:17

Shanhte gaw lapu zawn ga nhpu mata na mara ai: ga ntsa gumrawt hkawm ai baw zawn, tinang a nhkun de na hkrit gari let pru na mara ai: shanhte gaw anhte a Karai Kasang Yehowa hpang de hkrit gari let du nna, na a majaw hkrit kamyin nga na mara ai.

ZEHKARIA 10:8

“Ngai shanhte hpe lahpyaw shaga nna, jahpawng na nngai; kaning rai nme law, ngai shanhte hpe hkye hkrang la ni ai: shawng e law htam ai zawn, shanhte law htam na mara ai.

MAHTE 7:16

Shanhte a asi hte shanhte hpe chye lu na rai mu ai. Ju hpun hta na tsabyi si, salau hpun hta na maihpang si di la lu a ni?