ESAIA 7:14 - Jinghpaw Hanson Version Bible

¹⁴ Dai re ai majaw Madu shi nan nanhte hpe lamik kumla madun dan na ra ai: yu mu, shayi hkawnsek gaw gawng li nga nna, shadang sha shangai na ra ai; shi a amying hpe, Emanuela shamying ya na ru ai.

Jinghpaw Common Language Bible 2009

¹⁴ Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ‘Emanuela’ ngu nna shamying na ra ai.

ESAIA 7:14 ပူးပေါင်းရင်းမြစ်များ

NINGPAWT NINGHPANG 16:11

Dai hta n-ga Yehowa a lamu kasa bai tsun ai gaw, “Yu u, nang na-um nasin rai nga ndai rai nna shadang sha shangai na rin dai; dai wa a amying gaw Ishmaela ngu nna nang shamying ya lu na rai ndai; kaning rai nme law, nang hkrum ai matsan tsin-yam hpe Yehowa na ya nit dai.

NINGPAWT NINGHPANG 29:32

Shaloi Lea na-um nasin rai nna shadang sha shangai wu ai. Shi hpe Rubin ngu nna shamying wu ai: kaning rai nme law, shi gaw, “Ngai nga karen nga ai hpe Yehowa mada yu ni ai; dai rai nna ya nye a madu wa ngai hpe tsawra na ni ai,” nga ai.

NINGPAWT NINGHPANG 3:15

nang hte numsha hpe mung, na a amyu matu hte shi amyu matu hpe mung ngai majan shangun da na made ai: shi gaw na a baw abrep na ra ai, nang mung, shi a lahtin achye na ra ai, ngu wu ai.

NINGPAWT NINGHPANG 30:6

Dai rai nna Rahkela gaw, Karai Kasang nye a lam jeyang ya ni ai; nye a ga mung madat ya ni ai rai nna ngai hpe shadang sha jaw ni ai, nga nna shi hpe Dan ngu shamying wu ai.

NINGPAWT NINGHPANG 30:8

Dai rai nna Rahkela gaw, Ngai na jan hpe ngai aja awa kamu hkat nna dang kau se ai, nga nna shi hpe Naphtali ngu shamying wu ai.

NINGPAWT NINGHPANG 4:25

Ya Adam gaw shi a madu jan hte bai kanawn wu yang, Ewa gaw shadang sha shangai nna, shi hpe Shet ngu nna shamying wu ai; “kaning rai nme law, Ka-in sat kau ai Abela a malai, amyu matu langai mi Karai Kasang gaw ngai hpe tawn da ya ni ai,” nga ai.

1 HKAWHKAM 13:3

Dai shani jang shi kumla mung tawn da nna, Yehowa hkang da ai kumla gaw ndai rai nga ai: “Dai tawn hkungri gaw ga wa nna, dai ntsa e nga ai wan dap ni yun hkrat wa na ra ai,” nga ai.

SHAKAWN KUNGDAWN 46:8

Sa marit, Yehowa a amu hpe mada yu mu; Ga ntsa e shi akrin atsai di kau nu ai.

ESAIA 38:7

Yehowa tsun dan ai hte maren ndai lam shabyin na ra ai, da ndai gaw na a matu Yehowa kaw na sakse kumla tai na ra ai:

ESAIA 8:10

Hpaji daw mu, dai gaw byak mat na ra ai; hpajang da mu, dai gaw grin lu na n rai: kaning rai nme law, Karai Kasang anhte hte rau rai nga ai.

ESAIA 8:8

Yuda mung du hkra dep nhtawm, dai hpe mung lwi ka-up nna, adu du hkra dep na ra ai: Emanuela e, de a singkaw ni kahpyen dat nna, na a mung ting ka-up nga na ra ai law,” nga ai.

ESAIA 9:6

Shi a ahkang aya hte, shi tawn da ai ngwipyaw lam gaw law htam wa nna, htum ngu ai n nga na sai; Dawi a tingnyang ntsa e dung let, dai mungdan hpe shi shagrin tawn da nna, tara hte dinghpring ai hku hkan ai majaw, dai gaw htani htana prat dingsa e grin nga na ra ai. Zaw nawng zaw wa up ai Yehowa a nsu nnawn myit dai lam shabyin nu ai.

YEREMIA 23:6

Shi a prat hta Yuda mung hkye hkrang la ai hkrum nna, Israela gaw asim sha nga lu na ra ai: da ndai gaw, Anhte a dinghpring Madu Yehowa, ngu nna shi hpe shamying ai amying rai nga ai.

YEREMIA 31:22

Htak mat ai shayi sha e, gaten du hkra kahkrang hkawm nga na n ta? Yehowa gaw ga ntsa e htung nnan tawn da nna, numsha gaw la wa hpe makawp lu na ra ai.

YEREMIA 44:29

Ndai yang e ngai nanhte hpe sharin ya nna, nanhte hpe yubak jahkrum na, nga nna ngai tsun ai ga teng teng dik wa na lam, nanhte chye lu na matu, ngai madun ai kumla da ndai rai nga ai:

MIHKA 5:2

Rai timung, nang Betlehem-Ehprat e, Yuda mare mun sen hta nang kaji nga timung, Israela amyu hpe up na madu gaw, nye a matu, nang kaw na pru na ra ai: dai wa gaw, moi chyaloi nhkoi kaw nna paw pru ai wa rai nga ai.

MAHTE 1:23

Shi gaw, “Yu u, dai hkawnsek gaw na-um nasin rai wa na rai nna, shadang sha shangai na ra ai, Shi a amying, Emanuela shamying ya na maru ai,” nga ai: de a ga lachyum, “Karai Kasang anhte hte rau rai nga ai,” nga ai re ai.

LUKA 1:31

yu u, nang na-um nasin rai wa nna shadang sha shangai na rin dai; shi a amying Yesu ngu nna, nang shamying ya na ru ai.

LUKA 1:35

Dai lamu kasa gaw, “Chyoi pra ai Wenyi na ntsa de du nna, Tsaw htum ai wa a atsam nang hpe shingnip ka-up na ra ai; dai re ai majaw shangai na ra ai wa gaw, Chyoi pra ai wa, Karai Kasang a Kasha ngu ai hkam la na ra ai.

LUKA 2:12

nanhte a matu kumla ndai rai na ra ai: ma chyangai langai mi nbat hte kayawp nna ushat wakang hta kaleng taw nga ai gaw, nanhte mu na marin dai,” ngu nna shanhte hpe tsun mu ai

LUKA 20:44

Dai rai nna Dawi gaw, Hkristu hpe, Madu ngu wu ai rai yang gaw, shi a kasha kaning rai nme rai na rai nga a ta? ngu nna tsun mu ai.”

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.

ROMA 9:5

ji wa ni gaw shanhte a ji wa ni rai nga ma ai rai nna, masha labau hku gawn yang, Hkristu gaw shanhte kaw na rai nga ai; shi gaw yawng mayawng a ntsa e htani htana e a nga ai Karai Kasang rai nga ai. Amen.

1 TIMOHTI 3:16

Karai Kasang hpe nawku hkungga ai lam a sung htum ai gaw, kaba la ai lam rai nga ai, nga nna ndang shara n nga ai: “Shi gaw hkum shan hta dan pru wa sai, Wenyi hta e dinghpring ai hkrum nu ai; Lamu kasa ni gaw shi hpe mu lu manu ai; Maigan ni kaw shi a lam hkaw dan manu ai; Mungkan ga gaw shi hpe kamsham masai, Hpung shingkang hta shalun ai shi hkrum nu ai.”

TARA AGYI 6:36

Rai timung, Gidon gaw Karai Kasang hpe, “Nang madu tsun ai hte maren, Israela amyu hpe nye a lata hte hkye la na teng yang gaw; yu u,

1 SAMUELA 1:20

Shing rai Hana na-um nasin rai nna, nhtoi gu jang shadang sha shangai wu ai; dai wa hpe Yehowa kaw hpyi la ai re ai majaw, Samuela ngu nna shamying wu ai.

1 SAMUELA 4:21

Bai shi gaw, dai kasha hpe Ihkabu ngu nna shamying da wu ai: kaning rai nme law, Karai Kasang a sumpu hpyen lata shang mat ai majaw mung, kagu yan madu wa si mat ai majaw mung, Israela hpung shingkang hkoi mat sai, nga ai rai lu ai.