ESAIA 7:13 - Jinghpaw Hanson Version Bible

¹³ Shaloi shi gaw, “Dawi a dap ni e, madat mu: nanhte gaw masha hpe n kaw n law di na, hpa n nawn ai hta n-ga, nye a Karai Kasang hpe mung, n kaw n law di na myit ni?

Jinghpaw Common Language Bible 2009

¹³ Dai lam hpe Esaia gaw, “Ya chyawm gaw Hkawhkam Dawi a matu mara ni e, madat mu. Masha a hkam sharang ai hpe myit shadaw ya ai gaw n kaja nga ai-nanhte gaw Karai Kasang a hkam sharang ai hpe mung myit shadaw ya mayu nga myit ni?

ESAIA 7:13 ပူးပေါင်းရင်းမြစ်များ

NINGPAWT NINGHPANG 30:15

Dai rai nna Lea gaw Nye madu wa la kau ya da nhtawm, hpa n re ai zawn nawn wu ni? ya ngai sha a dudim si mung nang naw la mayu n hka i? Ngu wu ai. Rahkela gaw, Dai rai taw, ning sha a dudim si matu, dai na nang kaw shi yup u ga, ngu wu ai.

2 HKAWHKAM LABAU 21:7

Rai timung, Yehowa gaw Dawi hte tawn da ai ga shaka hte, shi a kashu kasha ni a man e tutnawng pyengdin htoi tu nga u ga, nga nna ga ndat tawn da ai majaw, Dawi a nta hpe jahten kau mayu ai n rai.

SHAKAWN KUNGDAWN 45:5

Na a pala ni masen nga ma ai rai nna, Hkawhkam a gumlau ni a salum hta jung nga ai: Masha amyu ni, na a lagaw nhpang e kataw nga ma ai.

ESAIA 1:14

Nanhte a shata praw shani ni hte ladaw da ai poi ni hpe, ngai n dawng nngai: dai gaw ngai hpe sharu shayak ai sha rai nga ai; hkam sharang ai hte hki ba la nngai.

ESAIA 1:24

Dai re ai majaw, Israela amyu hta Daru Magam rawng ai, Zaw nawng zaw wa up ai, Madu Yehowa gaw, Gaja wa, ngai e hpyen ai ni hpe ngai yeng kau nna, ngai e n dawng ai ni hpe, matai dawp na nngai.

ESAIA 22:22

Dawi dap nta a sumsaw hpe ngai shi a lahpa ntsa e mara da nna, shi gaw, kadai n la da lu hkra hpaw da na ra ai, kadai n hpaw lu hkra la da na ra ai.

ESAIA 25:1

Yehowa e, nang gaw nye a Karai Kasang rai nga ndai; ngai nang hpe shagrau na nngai, na a mying nsang hpe shakawn na nngai; nang gaw mauhpa amu galaw nit dai; moi kaw nna nang hpaji daw ai lam ni, kangka ai hte tengman ai rai nga ai.

ESAIA 43:24

Nang gaw nye a matu gumhpraw hte manam pyaw ai baw mari ai n rai; shagu hkungga sau man hte ngai hpe jaw jahkru ai n rai; nang chyawm gaw, na a yubak hte ngai hpe lit shali nna, na a mara hte hki ba shangun nga n hka.

ESAIA 63:10

Shanhte chyawm gaw gumlau nna, shi a Chyoi pra ai Wenyi hpe shayawn mu ai: dai re ai majaw, shi shanhte hpe hpyen ai wa tai nna, shi nan shanhte hpe hpyen gasat mu ai.

ESAIA 7:12

Ahaza chyawm gaw, “Ngai n hpyi na nngai; Yehowa hpe n chyam yu na nngai,” nga ai.

ESAIA 7:2

Shing rai, Suri mung gaw Ehprim mung hte matut nga ai, ngu nna Dawi dap na wa hpe tsun shana mu yang, nam maling na hpun lap gaw nbung e shamu shamawt ai zawn, shi a myit masin hte mung masha ni a myit masin gari nga malu ai.

YEREMIA 21:12

Dawi a dap e, Yehowa ning nga ai: jahpawt shagu dinghpring ai hku tara dara mu; kashun kashe hkrum ai wa hpe, zingri ai wa a lata na mawai la mu; shing n rai, nanhte a n hkru ai amu majaw, nye a pawt kahtet ai myit, kadai n sat lu ai wan zawn, hkru na ra ai.

YEREMIA 44:22

Ndai nanhte galaw ai n hkru la ai matsat shabat amu ni hpe, Yehowa naw n sharang lu ai majaw, nanhte mungdan gaw dai ni rai nga ai hte maren, masha kata ai, shingran katsi ai, mauhpa shara hte dagam dala shara tai wa sahka.

YEREMIA 6:11

Dai re ai majaw, Yehowa a myit kahtet ai hte ngai hpring nga nngai; naw sharang nga lu ai n rai; “Mare lam e nga ai ma ni a ntsa e mung, zuphpawng nga ai shabrang ni a ntsa e mung, dai hpe ru dat u: madu wa hte madu jan mung, aprat kaba ai hte dingla ugut gu ai ni mung, rim la ai hkrum na mara ai.

EZEKELA 16:20

“Dai hta n-ga, nye a matu nang shangai ai, na a shayi shadang sha ni hpe nang la nna, sha kau hkrum na matu, sumla ni hpe nawng ya kau mu ai: nang hkan ai shawa num amu gaw, amu kaja rai nga a ni?

EZEKELA 16:47

Rai timung, nang gaw, shanhte a htung hking hte matsat shabat lam sha hkan ai n rai; dai hpe kaji sha zawn nawn nna, lam shagu hta shanhte hta grau n se nga ndai.

EZEKELA 34:18

Nanhte gaw kaja ai udat shara hta ushat sha ai hta n-ga, naw ngam nga ai tsingdu hpe nanhte a lagaw hte kabye kau nna, san ai ntsin hpe lu lu ai hta n-ga, naw ngam nga ai hka hpe kabye hkanu kau na gaw, nanhte a matu amu kaji zawn nawn nga myit ni?

EZEKELA 6:9

Shing rai, ngai hpe kau da nna, n se ai myit masin hpe mung, hpara sumla ni hte shut mayu nna, hkan yu ai myi ni hpe mung, ngai kaning rai agrawp kau ai hpe, nhtu lawt lu ai ni gaw, bawng dung ai mung hta matsing nga ma yang, shanhte ngai hpe maigan amyu ni hta dum lu nna, tinang galaw hkrup ai matsat shabat amu mahkra a majaw, tinang myi man hpe pyi, matsat kau na mara ai.

AMO LAIKA (AMOS) 3:13

Madat mara mu; Yaku a nta a lam sakse hkam nna mara shagun mu, nga nna Zaw nawng zaw wa up ai, Madu Yehowa tsun ai.

MALAHKI 2:17

Nanhte gaw Yehowa hpe na jin hkra, nanhte a ga hte shatsang myit dai. Rai timung nanhte gaw, Shi hpe kaning rai shatsang ga ta? nga nna san myit dai. Nanhte gaw, Yubak galaw ai ni yawng, Yehowa man e mai kaja nga ma ai; shi gaw shanhte hta sharawng awng nga ai: tara malang ai hku hkan ai Karai Kasang gaw, kanang nga a ta? nga nna tsun ai gaw, shi hpe shatsang ai, rai nga ai.

BU HKAWM 16:13

ndai nam mali hta nang anhte hpe sat kau lu hkra, nga chyu hte lagat jahku lwi ai mung nna nang anhte hpe shapraw kau ai wa pyi n ram dum ai; ya mung anhte a ntsa e du agyi naw tai mayu n hka i?

BU HKAWM 16:9

Nanhte gaw Yehowa a sumpan sum a amu gun hpai lu nna, shawa hpung a man e tsap let shanhte a malai jaw jau ya lu hkra, Israela Karai Kasang gaw nanhte hpe shi hpang de shani la na nga, Israela shawa hpung hta na nanhte hpe jahka la nhtawm;

LUKA 1:69

Chyaloi nhkoi nna shi a chyoi pra ai myihtoi ni a n-gup hte tsun da ai hte maren, Gumlau ni hte n dawng ai ni yawng a lata na hkye hkrang la ai lam hpaw na hte,

KASA 7:51

Du ja nna, masin hte ana hpe matu n gadoi ai ni e, nanhte galoi mung Chyoi pra ai Wenyi hpe hkap daw myit dai; nanhte a nji nwa ni galaw ai zawn, nanhte mung a galaw nga myit dai.

HEBRE 3:10

Dai re ai majaw, dai amyu hpe ngai n dawng nna, Shanhte galoi mung myit shut nga ma ai hte, Nye a lam, gaja wa, n chye nga ma ai, ngu let,