ESAIA 7:1 - Jinghpaw Hanson Version Bible

¹ Yuda hkawhkam, Uzia a kashu, Yohtam a kasha Ahaza a lakhtak e, Suri hkawhkam Rezin hte, Israela hkawhkam Remalia kasha Peka gaw, Yerusalem hpe lung gasat timung, dai hpe dang kau lu mu ai n rai.

Jinghpaw Common Language Bible 2009

¹ Uzia a kashu, Yohtam a kasha Hkawhkam Ahaza Yuda mung hpe up hkang nga ai shaloi, majan byin wa sai. Suri hkawhkam Rezin hte Remalia a kasha Israela Hkawhkam Peka yan gaw Yerusalem hpe gasat ma ai, rai ti mung dai mare hpe n lu gasat la ma ai.

ESAIA 7:1 ပူးပေါင်းရင်းမြစ်များ

2 HKAWHKAM 15:25

Shaloi shi a hpyen du, Remalia kasha Peka gaw shi hpe gumlau nna, Samari mare na hkawhkam htingnu kata e shi hpe mung, Argoba yan Aria hpe mung sat kau mu ai: shi hte rau Gilead masha manga shi rai nga nna, shi gaw hkawhkam wa hpe sat kau nhtawm, shi a malai hkaw dung nga ai.

2 HKAWHKAM 15:27

Yuda hkawhkam Azaria hkaw dung ai manga shi lahkawng ning hta e, Remalia kasha Peka gaw, Samari mare hta hkaw dung hpang nna, Israela ntsa e hkun ning up nga ai.

2 HKAWHKAM 15:37

Ndai aten e Yehowa gaw Suri hkawhkam Rezin hte Remalia kasha Peka hpe Yuda mung de gasat shangun dat mu ai.

2 HKAWHKAM 16:1

Remalia kasha Peka hkaw dung ai shi sanit ning hta e, Yuda hkawhkam Yohtam a kasha Ahaza gaw hkaw dung nga ai.

2 HKAWHKAM 16:5

Dai shaloi e Suri hkawhkam Rezin hte, Israela hkawhkam, Remalia kasha Peka gaw, Yerusalem hpe lung gasat nna, Ahaza hpe wang tawn timung, shi hpe dang kau lu mu ai, n rai.

ESAIA 1:1

Yuda hkawhkam Uzia, Yohtam, Ahaza hte Hezekia aprat e, Amot a kasha Esaia gaw, Yuda mung hte Yerusalem mare a lam, mu ai shingran gaw, da ndai rai nga ai.

ESAIA 8:6

“Ndai amyu gaw angwi sha lwi ai Shilo hkaraw na hka hpe gang kau nna, Rezin hte Remalia kasha hta kabu ma ai majaw,

ESAIA 9:11

Suri masha ni man de, Hpilisti masha ni shingdu de, n-gup mahka nna, Israela amyu hpe araw sha kau na mara ai. Rai timung, shi a pawt sindawng ai gaw sim wa sai n rai; shi a lata naw a ladawn nga ai.

EZEKELA 27:16

Nang galaw ai sut rai law nga ai majaw, Suri mung gaw nang hte hpaga ga nna, na a gun rai hte, lung tsit, hkyeng sawm ai sumpan, maka ka ai sumpan, mani ai lachyit nba, danda hte lungseng hkyeng, galai hkat ma ai.

HOSEA 1:1

Yuda hkawhkam ni Uzia, Yohtam, Ahaza, Hezekia hte Israela hkawhkam, Yosha a kasha Yeroboam a lakhtak e, Beri a kasha Hosea kaw du ai, Yehowa a mungga gaw, da ndai rai nga ai.

MIHKA 1:1

Yuda hkawhkam ni Yohtam, Ahaza, Hezekia lakhtak e, Morasha masha Mihka gaw, Samari hte Yerusalem a lam lakap nna mu ai Yehowa a mungga, da ndai rai nga ai.