ESAIA 66:5 - Jinghpaw Hanson Version Bible

⁵ Yehowa mungga majaw hkrit gari ai ni e, shi a ga madat mu: “Nanhte hpe n dawng n yawt ai hte, nye a amying majaw nanhte hpe kau da ai nhpu nnau ni gaw, Nanhte kabu gara nga ai, anhte mu lu hkra, Yehowa gaw hpung shingkang pru u ga,” nga nna tsun jahpoi timung, shanhte nan kaya kahpa hkrum na mara ai.

Jinghpaw Common Language Bible 2009

⁵ Shi hpe hkrit kamyin ai hte shi a ga madat mara nga ai nanhte gaw dai Madu ning nga tsun ai ga hpe madat mu: “Nang gaw ngai hta sadi dung nga ndai majaw, na a amyu masha majing na nkau mi ngai hpe n ju ai hte nang hte hpa amu mung galaw na mara ai n rai. Shanhte gaw nang hpe ashu ai hte, ‘Dai Madu gaw shi a galu kaba ai hpe madun nna nang hpe hkye la u ga, shaloi nang kabu gara ai hpe anhte mu lu n-ga,’ ngu nna tsun ma ai. Rai ti mung shanhte nan kaya kahpa hkrum na mara ai!

ESAIA 66:5 ပူးပေါင်းရင်းမြစ်များ

1 HKAWHKAM 21:29

“Ahab gaw nye a man e kaning rai myit nem nga ai gaw, nang mu da wu ni: shi nye a man e myit nem nga ai majaw, ndai tsin-yam tsindam hpe shi a aprat hta n rai, kasha aprat hta e she, shi a nta ntsa e, ngai shapraw dat na we ai,” ngu wu ai.

2 HKAWHKAM 22:10

Dai hta kaga chyare wa Shahpan gaw hkawhkam wa hpe, “Hkinjawng Hilkia gaw laika langai mi ngai hpe ap ya ni ai,” ngu nna hkawhkam wa hpe hti dan wu ai.

2 HKAWHKAM LABAU 34:27

Ndai shara hte dai hta e nga ai masha ni hpe ngai dagam ai gaw nang na ai shaloi, nang myit kya nna, Karai Kasang a man e myit shagrit nga ai hte, na a hpun palawng hpe gang je kau nna, nye a man e hkrap ngu hkrap ngoi nga ndai majaw, ngai Yehowa nan na a ga hpe madat mara ya sade ai.

EZRA 9:4

Shaloi bawng dung hkrum ai ni a yubak majaw, Israela Karai Kasang a mungga hpe hkrit kamyin ai ni nlang hte gaw, nye a man e hpawng nga nna, ngai gaw shana na dumhpung hkungga jaw na aten du hkra, myit mak let dung nga nngai.

SHAKAWN KUNGDAWN 119:120

Nang hpe hkrit hkungga ai hte nye a ashan nshung si bun nga ai; Na a tara dara ai hpe mung ngai hkrit kamyin nga nngai.

SHAKAWN KUNGDAWN 38:20

Shanhte kaja ai hpe n kaja ai hte htang ma ai; Ngai kaja ai lam hkan nga nngai majaw, Shanhte ngai hte nhtan shai nga ma ai.

GA SHAGAWP 13:13

Mung ga hpe n kaw n law di ai wa, tinang dai hten byak hkrum na ra ai; Hkang da ai ga hpe hkrit hkungga ai wa chyawm gaw, akyu lu la na ra ai.

Shawlumon A Mahkawn Ga 1:6

Ngai gaw jan katen nna, ahpraw chyang nngai majaw, Ngai hpe hkum yu dingrawng mi: Nye nu a shadang sha ni gaw ngai hpe n dawng nna, Tsabyi sun ni hpe lajang shangun ma ai: Nye tsabyi sun chyawm gaw, ngai n lajang lu nngai.

ESAIA 26:11

Yehowa e, nang lata sharawt timung, shanhte n matsing ma ai; rai timung, na a amyu a matu nang rawng ai nja nhpra myit hpe, shanhte mada mu nna, kaya hkrum na mara ai: nang hpe hpyen ai ni hkru mat na mara ai.

ESAIA 5:19

Yehowa lawan ru ga; shi a amu anhte mu lu hkra, tin shapun shabyin u ga; anhte chye na lu hkra, Israela a Chyoi pra ai Wa a hpaji daw ai gaw ni wa ai hte dik wa ru ga, nga nna tsun ai ni gaw dingnye lu ma ai.

ESAIA 60:15

Nang hta kadai mung n kabye lai mayu hkra, jahti da ai hte n dawng n yawt hkrum ai majaw, ngai nang hpe prat dingsa na arawng sadang, shu mashi shu masha ni a kabu gara, shara shatai na nngai.

ESAIA 65:13

Dai re ai majaw Madu Yehowa gaw, “Yu mu, nye a shangun ma ni sha lu na mara ai, nanhte chyawm gaw kawsi hkrum na myit dai; yu mu, nye a shangun ma ni lu lu na mara ai, nanhte chyawm gaw hpang kara na myit dai; yu mu, nye a shangun ma ni kabu gara na mara ai, nanhte chyawm gaw kaya kahpa hkrum na myit dai;

ESAIA 66:2

Nye a lata dai lam yawng mayawng hpe galaw da nna, dai ni mahkra byin wa sai: rai timung ngai gaw, myit kyip ai hte gawng run nna, nye a ga majaw hkrit gari chye ai wa hpe, mada yu nngai.

YEREMIA 36:16

Ya shanhte gaw ndai ga mahkra na ngut jang shanhte hkrit gari let shada mada yu nna, Anhte gaw ndai ga mahkra hkawhkam wa hpe teng teng tsun dan na ga ai, ngu nna Baruk hpe tsun mu ai.

HOSEA 11:10

Yehowa gaw hkanghkyi zawn shabam nna, shanhte gaw shi hpang de hkan nang na mara ai: shi shabam yang, kashu kasha ni gaw, sinna maga de na, hkrit gari ai hte du na mara ai.

MAHTE 10:22

Nye a amying majaw masha nlang hte gaw nanhte hpe n dawng n wawm na myit dai: rai timung, htum hkra shakut sharang ai wa gaw, hkye hkrang la ai hkrum na ra ai.

LUKA 13:17

Shing ngu tsun jang, shi hte nhtan shai ai ni nlang hte gaw kaya mat shajang ma ai: shawa masha ni yawng hte chyawm gaw, shi galaw ai hpung shingkang amu mahkra a majaw, kabu gara shajang nga ma ai.

YAWHAN 16:2

Shanhte gaw tara jawng ni hta nna, nanhte hpe shapraw kau na mara ai: gaja wa nan, nanhte hpe sat kau lu ai wa kadai mung, Karai Kasang a magam hpe gun hpai nngai, nga nna myit la ai aten du wa ra ai.

YAWHAN 9:34

Shaloi shanhte gaw, “Nang wa mi hkum ting yubak hta na shangai wa da nhtawm me, anhte hpe sharin nga nni?” ngu nna jawm htan nhtawm, dai wa hpe kanawng shapraw kau mu ai.

2 HTESALONI 1:12

anhte a Karai Kasang a shaga la ai chyeju hpe nanhte hkam ging nga na hte, mai kaja ai marai myit yawng hte kamsham ai hte seng ai magam bungli shagu hpe, tsam mari re ai hte shatsup lu myit ga, anhte nanhte a matu mara tutnawng e akyu a hpyi nga ga ai.

TITU 2:13

anhte hpe sharin ya na matu, Karai Kasang a chyeju gaw dan pru wa sai rai nna, masha yawng hpe hkye hkrang la ai lam hpaw wa sai:

HEBRE 9:28

Hkristu mung, law law ni a yubak gun hpai kau na, lang mi sha nawng ya kau hkrum sai rai nna, hkye hkrang la ai hkrum lu hkra, shi hpe ala nga ai ni a matu, yubak gun lam hte n seng ai sha, lahkawng lang ngu na hta, dan pru na ra ai.

1 YAWHAN 3:13

Hpunau ni e, mungkan ga gaw nanhte hpe n dawng n yawt nga ai hpe hkum mau nga myit.