ESAIA 66:24 - Jinghpaw Hanson Version Bible

²⁴ Shanhte gaw paw pru nna ngai hpe shut hpyit ai ni a moi mang hpe hpu yu na mara ai; kaning rai nme law shanhte hpe sha ai byet si ai, n rai, shanhte hpe hkru ai wan krip ai, n rai: shanhte gaw hkrung mahkrung yawng a man e, matsat shabat hkrai tai na mara ai,” nga ai.

Jinghpaw Common Language Bible 2009

²⁴ “Shanhte pru sa wa yang, ngai hpe gumlau ai ni a moi mang ni hpe shanhte mu na mara ai. Dai ni hpe sha ai byet ni gaw galoi mung si htum mat na n rai, shanhte hpe hkru ai wan mung galoi mung kyip mat na ra ai n rai. Shanhte hpe mu ai lam gaw masha yawng mayawng a matu matsat shabat tai na ra ai.”

ESAIA 66:24 ပူးပေါင်းရင်းမြစ်များ

SHAKAWN KUNGDAWN 110:6

Shi gaw masha amyu ni hpe dawdan na mu ai; shanhte hta e moi mang hpring nga ai; Mung law law ni a baw hpe shi agrawp kau na wu ai.

ESAIA 1:28

Gumle gumlau re ai ni hte yubak galaw ai ni chyawm gaw, rau hten byak hkrum nna, Yehowa hpe kau da ai ni htum mat na mara ai.

ESAIA 1:31

Wa-ngan wa gaw lachyit zawn, shi a amu gaw wan n-yang zawn tai mat nna, dai yan rau hkru mat na ra ai; dai wan hpe kadai mung n sat lu ai,” nga ai.

ESAIA 14:11

Na a daru magam hte, na tingse ngoi ai gaw, katsan ga de du hkrat wa sahka; na a panep byet, na a nba byet tsu rai nga a hka, nga nna nang hpe shachyen let tsun na mara ai.

ESAIA 24:20

Ginding aga gaw chyaru nang ai wa zawn ndi nda rai nna, n-goi zawn goi lang nga ai; de a shut hpyit ai lit gaw, de a ntsa e li nga ai hte, shi ahtu kataw nga nna, bai rawt lu na n rai.

ESAIA 26:11

Yehowa e, nang lata sharawt timung, shanhte n matsing ma ai; rai timung, na a amyu a matu nang rawng ai nja nhpra myit hpe, shanhte mada mu nna, kaya hkrum na mara ai: nang hpe hpyen ai ni hkru mat na mara ai.

ESAIA 34:10

Shani shana wan krip na n rai; wan hkut mung tutnawng mawng na ra ai; dai mung gaw prat mi hte prat mi shingran katsi nna, prat dingsa tutnawng kadai ga lai wa na n rai.

ESAIA 34:3

Shanhte hta sat kau hkrum ai ni hpe, shinggan de kabai kau nna, shanhte a si mang ni manam mawng na ra ai; shanhte a sai hte bum ni dun mat na ra ai.

ESAIA 48:22

Tara n lang ai ni kaw ngwipyaw lam n nga ai,” nga nna Yehowa tsun nga ai.

ESAIA 5:25

Dai re ai majaw Yehowa gaw shi a amyu hpe pawt bu let, shi a lata ladawn nna, shanhte hpe adup kau mu ai; bum ni mung gari wa nna, amyu masha ni a si mang ni mare lam hkan e shanut shanaw zawn jawng nga ai: rai timung, shi a pawt sindawng ai gaw sim wa sai n rai; shi a lata naw a ladawn nga ai.

ESAIA 51:8

kaning rai nme law, hpun nba hpe manut e sha kau ai zawn, shanhte hpe sha kau nna, sagu mun hpe shingtai e sha kau ai zawn, shanhte hpe sha kau na mara ai: nye a dinghpring ai lam chyawm gaw, htani htana e, nye a hkye hkrang la ai lam gaw, prat mi hte prat mi, agrin nga na ra ai.

ESAIA 65:15

Nanhte gaw tinang a mying hpe, ngai lata la ai wa a matu, dagam dala lam shatai nna, Madu Yehowa gaw nanhte hpe sat kau na myit dai: shi a shangun ma ni hpe chyawm gaw, amying shingteng kaga shamying na ra ai:

ESAIA 66:16

Yehowa gaw wan hte mung, shi a nhtu hte mung, hkrung mahkrung mahkra hpe tara dawdan nna, Yehowa sat kau ai ni, law na mara ai.

Daniela 12:2

Ga nhpu hta yup pyaw nga ai ni law law wa, yup hprang na mara ai: nkau mi gaw htani htana asak lu la nna, nkau mi gaw htani htana kaya kahpa hte arawng hpoi ai hkrum na mara ai.

ZEHKARIA 14:12

Yerusalem mare hpe gasat sa wa ai amyu ni mahkra hpe, Yehowa jaw na ari zinli, da ndai rai nga ai: shanhte naw hkrung nga yang pyi, shanhte a hkum shan yat mat nna, shanhte a myi tum ni yat mat na hte, shanhte a shinglet ni n-gup kata e, yat mat na ra ai.

MAHTE 3:12

shi a lata hta dai hkuwawn shi lang nga ai rai nna, shi a mam chyarang hpe shi yit jasan nhtawm, shi a mam hpe gaw dum hta shinggyin bang da nna, mam nsan hpe gaw, n sat lu ai wan hte nat kau na ru ai,” ngu mu ai.

SHINGRAN 21:8

Hkrit ai myit rawng ai ni, n kam n sham ai ni, matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si lam rai nga ai,” nga nna ngai hpe tsun ai.