ESAIA 66:19 - Jinghpaw Hanson Version Bible

¹⁹ “Ngai gaw shanhte a ka-ang e lamik kumla madun dan nna, shanhte hta na lawt lu ai ni hpe, ndan gap chye ai Tarshi, Pula, Luda amyu ni hpang de mung, Tubala yan Yawan hpang de mung, nye a lam garai n na yu ai hte, nye a hpung shingkang garai n mu lu ai, sumtsan mung na zunlawng ni hpang de mung, ngai shangun dat nna, shanhte gaw maigan amyu ni hpe, nye a hpung shingkang lam tsun dan na mara ai.

Jinghpaw Common Language Bible 2009

¹⁹ shanhte hpe ari jaw ai wa ngai rai nga nngai hpe chye wa na mara ai. “Rai ti mung, shanhte hta na nkau mi hpe ngai ngam tawn da nna, nye a mying dan hkung ai hpe n na yu ai, nye a galu kaba ai hte daru magam n-gun hpe n mu yu ai, dai ndan gap share shagan masha ni nga ai Spain, Libya hte Ludi mung ni hpang de mung, Tubala hte Grik mung hkan nga ai amyu baw ni hte sumtsan mung na masha ni hpang de mung, shanhte hpe ngai shangun dat na nngai. Shanhte gaw dai mungdan ni hta nga ai amyu baw ni hpe nye a galu kaba ai lam tsun dan na mara ai.

ESAIA 66:19 ပူးပေါင်းရင်းမြစ်များ

NINGPAWT NINGHPANG 10:13

Mizra-im gaw, Ludim, Anamim, Hkasluhim, Hkaphturim amyu ni hpe shaprat wu ai:

NINGPAWT NINGHPANG 10:2

Yahpet a shadang sha ni gaw, Goma, Magu, Madai, Yawan, Htubala, Meshek, Htira hte rai ma ai.

NINGPAWT NINGHPANG 10:22

Shem a shadang sha ni gaw, Elam, Ashura, Arhpaza, Luda, Aram hte rai ma ai.

NINGPAWT NINGHPANG 10:4

Yawan a shadang sha ni gaw, Elisha, Tarshi, Kihtim, Dodanim hte rai ma ai.

NINGPAWT NINGHPANG 9:27

Karai Kasang Yahpet hpe maden shajat dat nna, Shem a sum hkan e shi nga nga u ga: Hkanan chyawm gaw shi a mayam tai nu ga,” nga ai.

1 HKAWHKAM LABAU 1:11

Mizra-im gaw Ludim, Anamim, Lehabim, Naphtuhim.

1 HKAWHKAM LABAU 1:7

Yawan a shadang sha ni gaw, Elisha, Tarshi, Kihtim, Dodanim hte rai ma ai.

1 HKAWHKAM LABAU 16:24

Masha amyu ni hpe shi a hpung shingkang, Amyu baw shagu hpe shi a mauhpa amu gawn dan mu.

SHAKAWN KUNGDAWN 72:10

Tarshi hte zunlawng ni a hkawhkam ni kumhpa sak nna, Sheba hte Seba hkawhkam ni kang bang nga mu ga.

ESAIA 11:12

Bai shi gaw, masha amyu ni a matu dawnghkawn sharawt nhtawm, shapraw kau hkrum ai Israela amyu masha ni hte, shabra kau hkrum ai Yuda masha ni hpe lamu ga man mali kaw na shaga jahpawng la na maru ai.

ESAIA 18:3

Mungkan e shanu nga ai, ga ntsa masha yawng hte e, bum ntsa e dawnghkawn sharawt nga yang, mada yu mu; pahtau dum yang, madat mara nga mu.

ESAIA 18:7

Dai aten e, hkum shing-yan galu ai hte hkum shan manen ai amyu, moi npawt kaw nna ya du hkra gumshem ai amyu, hpareng reng nna kabye kau chye ai hte, hkanu jahka kau ai mungdan a amyu kaw na, Zaw nawng zaw wa up ai Yehowa a matu, kumhpaw kumhpa langai mi, Zaw nawng zaw wa up ai Yehowa amying ningsang nga ai Ziun bum de, la sa na mara ai.

ESAIA 2:16

Tarshi sanghpaw li shagu a ntsa e mung, tsawm la ai dawnghkawn shagu a ntsa e mung, Zaw nawng zaw wa up ai Yehowa a nhtoi du na ra ai rai nna, dai hte yawng shagrit kau ai hkrum na ra ai.

ESAIA 29:24

Lam dam ai ni gaw chye na lu nna, je hpre ai ni gaw sharin achyin ai ga, hkam la na mara ai,” nga ai.

ESAIA 42:12

Shanhte gaw Yehowa hpe shagrau nna, zunlawng ni hta shi a arawng sadang hpe kajai mu ga.

ESAIA 42:4

Shi a tara ding ai lam ga ntsa e garai n grin nga yang, shi n-gun yawm na n rai, gawng mung run na n rai: zunlawng ni shi a tara hpe a mada nga na ra ai.

ESAIA 43:6

ngai gaw, “Ap ya u,” ngu nna dingdung maga hpe mung, “Hkum ndang u,” ngu nna dingda maga hpe mung, tsun na nngai.

ESAIA 49:1

Zunlawng ni e, nye a ga na la mu, sumtsan mung na amyu ni e, madat mara mu: Yehowa gaw hkritung nna pyi, ngai hpe shaga ni ai; nye nu a kraw lawang kaw nna, nye a amying hpe shabrawng ya ni ai;

ESAIA 49:12

Yu u, ndai ni gaw sumtsan mung kaw nna wa na mara ai; bai yu u, ndai ni gaw dingdung maga hte sinna maga na mung, ndai ni gaw Sinim mung na mung, wa na mara ai,” nga ai.

ESAIA 49:22

Madu Yehowa ning nga ai: “Yu u, ngai gaw maigan amyu ni hpe nye a lata ladawn nna, amyu baw ni a man e nye a dawnghkawn sharawt na we ai: shaloi shanhte gaw na a shadang sha ni hpe pawn let, na a shayi sha ni hpe lahpa hta hpai let, woi wa na mara ai.

ESAIA 51:5

Nye a dinghpring ai tara ani sha rai nga ai; nye a hkye hkrang la ai lam pru wa sai; nye a lata gaw amyu baw ni hpe tara dara na ra ai; zunlawng ni gaw ngai hpe ala nga nna, nye a lata hta shamyet shanat na mara ai.

ESAIA 52:10

Yehowa gaw masha amyu baw ni mahkra a man e shi a chyoi pra ai lahpum shadawng dan nna, anhte a Karai Kasang a hkye hkrang la ai lam gaw, lamu ga htum hkra dan leng wa sai.

ESAIA 52:15

shing rai shi gaw, amyu baw law law hpe kamawng shabra kau na ra ai; hkawhkam ni mung shi a man e tinang n-gup pat kau na mara ai: kaning rai nme law, shanhte hpe garai n tsun dan ai lam shanhte mu lu nna, garai n na yu ai lam chye na lu na mara ai.

ESAIA 55:5

Nang n chye ai amyu hpe nang shaga la nna, nang hpe n chye ai amyu mung, na a Karai Kasang Yehowa hte Israela a Chyoi pra ai wa a majaw, nang hpang de gat bang wa na ra ai: kaning rai nme law, shi gaw nang hpe shagrau shatsaw nga ai.

ESAIA 60:9

Gaja wa, na a Karai Kasang Yehowa a amying nsang majaw mung, nang hpe hpung shingkang sharawng ya ai, Israela a Chyoi pra ai wa majaw mung, na a kashu kasha ni hte hpawn, shanhte a aja gumhpraw hpe sumtsan mung de na la wa na matu, zunlawng ni ngai hpe ala nga nna, Tarshi sanghpaw li ni shawng jin nga na mara ai.

ESAIA 62:10

Mare chyinghka na lai pru mu, lai pru mu; amyu masha ni a matu lam lajang mu; nmaw lam hpe gaw da mu, gaw da mu; nlung ni hpe htawm kau mu; amyu baw ni a matu dawnghkawn sharawt mu.

ESAIA 65:1

Nye a lam n san yu ai ni kaw, ngai dan pru nngai, ngai hpe n tam ai ni gaw, ngai hpe mu ma ni ai: ngai gaw, “Mada yu mi, mada yu mi,” ngu nna nye a amying n shaga ai amyu hpe tsun nngai.

YEREMIA 46:9

Gumra ni e, lung mu; hpyen leng ni e, wu kadu mu; share ninghkrin ni ngu ai, n-gang lang ai Hkusha hte Put amyu, ndan chye shachyen ai Ludi amyu masha ni, pru wa mu ga.

EZEKELA 27:10

Persi, Luda hte Put masha ni gaw, na a luksuk ni hta lawm nna, na a hpyen ma ni tai nga ma ai; shanhte gaw tinang a n-gang hte hpri gup chyawp ni, na a hpyen dap hta noi da nna, na a arawng sadang hpe dan hkung shangun ma ai.

EZEKELA 27:13

Yawan, Tubala, Meshek masha ni gaw, nang hte hpaga ga ma ai: shanhte gaw na a gun rai hte, mayam, magri gawm ni galai hkat ma ai.

EZEKELA 30:5

Hkusha, Put, Luda hte kayau kaya amyu ni yawng, Hkuba mung na ni hte, shada da ga shaka tawn da ai mung masha ni gaw, Egutu masha ni hte hpawn nhtu hte si na mara ai.”

EZEKELA 32:26

“Meshek yan Tubala hte shan a wunawng wuwa ni yawng, dai yang e nga nga ma ai; shan a lup ni gaw grup yin e marawk nga ai; nlang hte gaw nhtu hte si ai, matu gadoi n hkam ai ni, rai nga ma ai: kaning rai nme law, shan gaw dinghta ga e hkrithpa tai masai.

EZEKELA 39:1

Nang gaw, “masha kasha e, myihtoi htoi let Goga hpe htawn tsun u, ‘Madu Yehowa ning nga ai: Yu u, Rosha, Meshek, Tubala du Goga e, ngai nang hpe hkap daw na nngai:

EZEKELA 39:6

Dai hta kaga ngai gaw, Magoga mung hte, zunlawng ni hta apyaw alaw shanu nga ai ni hpang de wan shangun dat nna, ngai Yehowa rai nga ai hpe, shanhte chye lu na mara ai.

Daniela 11:18

Dai rai nna shi gaw zunlawng ni a maga de myi man yawng nna, law law hpe gasat dang la lu ai; rai timung, hpyen du langai mi gaw, shi kaw na pru ai arawng jahpoi ai lam, jahtum kau na ra ai: gaja wa, shi kaw na pru ai arawng jahpoi ai lam, shi hkum ntsa e nhtang shangun na ra ai.

ZEHPANI 2:11

Yehowa shanhte hpe nhtum nni di na ra ai; kaning rai nme law, shi gaw ga ntsa hpara ni mahkra hpe kawsi shakyet nna, maigan amyu ni a zunlawng masha ni yawng, langai hte langai tinang a shara kaw nna shi hpe nawku na mara ai.

ZEHPANI 3:10

Hkusha mung na hka nu ni a wora hkran e, bra nga ai, nye a amyu shayi sha hta na, ngai npe tawngban ai ni gaw, nye a matu kumhpa sak jaw na mara ai.

MALAHKI 1:11

Kaning rai nme law, nye a amying ningsang gaw, jan pru maga kaw nna jan shang maga du hkra, maigan amyu ni hta galu kaba nga na ra ai: nye a amying ningsang, maigan amyu ni hta galu kaba nga ai majaw, nye a amying matu, shara shagu hta, manam pyaw ai baw hte san seng ai shagu hkungga hpe, nat nawng ya na mara ai, nga nna Zaw nawng zaw wa up ai Yehowa tsun ai.

MAHTE 28:19

Dai majaw nanhte pru sa nna, masha amyu baw shagu hpe sape shatai let, Kawa a, Kasha a, Chyoi pra ai Wenyi a amying nsang hta, shanhte hpe baptisma jaw nhtawm,

MARKU 16:15

Bai shi shanhte hpe, “Nanhte mungkan ting chyam hkra hkawm sa wa nna, shinggyim masha amyu baw shagu hpe, dai kabu gara shiga hpe hkaw dan mu.

LUKA 2:34

Simun gaw shanhte hpe shaman ya nna, kanu Mari hpe, “Yu u, ndai ma gaw, Israela masha ni hta, law law a matu kataw shara hte, law law a matu rawt wa na lam mung, ndang kalang rai hkat na kumla matu mung, san da ai wa rai nga ai:

ROMA 15:21

Dai hte maren, “Shi a lam kajai gara ai garai n dep ai ni mu lu nna, Garai n na yu ai ni, chye na lu na mara ai,” nga nna ka da nga ai.

EHPESU 3:8

Rai sa, anhte a Madu Hkristu Yesu hta e shatawng da ai prat dingsa na bawng hkut ai hku hte maren, lamu lahta tang e nga ai du magam ni hte ahkang aya lu ai ni kaw, Karai Kasang a chyahtum chyalai re ai hpaji byeng-ya hpe, dai Hpung a lata hte, ya e shana dan u ga,