ESAIA 66:18 - Jinghpaw Hanson Version Bible

¹⁸ Kaning rai nme law, shanhte a arawn alai hpe mung shanhte a myit mang ai hku hpe mung, ngai chye nngai; masha amyu ni hte, ga amyu baw kaga tsun ai ni mahkra hpe, ngai zuphpawng shangun na aten du ra ai; shanhte mung sa du nna, nye a arawng sadang hpe mu lu na maru ai.

Jinghpaw Common Language Bible 2009

¹⁸ Ngai gaw shanhte a myit mang ai lam ni hte shanhte a arawn alai sat lawat ni hpe chye nga nngai. Amyu baw ni mahkra a masha ni hpe zup hpawng shangun na matu ngai du sa wa nga nngai. Shanhte rau sa hpawng ai shaloi, nye a daru magam n-gun kaning re ai amu galaw lu ai hpe shanhte mu wa na mara ai,

ESAIA 66:18 ပူးပေါင်းရင်းမြစ်များ

YOBA 42:2

“nang gaw yawng mayawng hpe galaw lu nna, nang maw ai lam hkum da shara n nga ai hpe, ngai chye nngai.

SHAKAWN KUNGDAWN 139:2

Ngai dung nga ai hte rawt wa ai gaw nang chye nga ndai: Ngai myit mang ai hpe mung, Tsan tsan kaw nna pyi nang chye nga ndai.

SHAKAWN KUNGDAWN 67:2

Amyu shagu na a hkye hkrang la ai lam, chye na lu mu ga, na a myi man a nhtoi anhte hpe jahtoi ya mi. [Selah.]

SHAKAWN KUNGDAWN 72:11

Hkawhkam yawng hte gaw shi hpe nawku nna, Masha amyu shagu shi hpe daw nga mu ga.

SHAKAWN KUNGDAWN 72:17

Shi a mying nsang gaw tutnawng e anga nga lu ga; Jan grin nga ai zawn shi a amying pu nga lu ga: Shi a majaw masha ni a lu nga mu ga; Nlang hte gaw shi hta sharawng awng nga mu ga.

SHAKAWN KUNGDAWN 82:8

Karai Kasang e, dinghta ga hpe tara dara na rawt u; Amyu baw shagu na a sali wunli tai na mara ai law.

SHAKAWN KUNGDAWN 86:9

Madu e, nang hpan tawn da ai amyu nlang hte gaw, Na a man e shang nna nawku na mara ai: Na a amying hpe mung, shagrau na mara ai.

SHAKAWN KUNGDAWN 94:11

Masha a myit mang ai lam nbung sha rai nga ai gaw, Yehowa chye ya nga ai.

SHAKAWN KUNGDAWN 97:6

Sumsing lamu gaw shi a dinghpring ai hpe shana ya nna, Amyu shagu shi a hpung shingkang hpe mu lu ma ai.

ESAIA 11:9

Nye a chyoi pra ai bum ting hta, shada da zingri ai hte jahten shaza hkat na n rai; kaning rai nme law, nammukdara hka gaw shi a shara hpe lim kau ai zawn, Yehowa hpe chye chyang ai lam, mungkan ting pri rai na ra ai.

ESAIA 2:2

Hpang jahtum na prat hta e, Yehowa nta bum gaw, bum kaga ni a baw tai wa nna, kawng ni hta grau tsaw wa ai hte, amyu baw mahkra gaw, dai de yan bang na mara ai.

ESAIA 37:28

Rai timung, nang dung nga yang, pru wa shang wa yang, ngai hpe n-yun bu ai lam ngai chye nga nngai.

ESAIA 40:5

Yehowa a hpung shingkang mung dan pru nna ahkrang ashan yawng dai hpe rau mu lu na mara ai,” nga nna Yehowa a n-gup tsun nga ai.

ESAIA 45:22

Lamu ga htum hkra shanu nga ai ni e, ngai hpe mada yu nna, hkye hkrang la ai hkam la mu: ngai hkum nan Karai Kasang rai nga nngai; ngai hta kaga kadai n nga ai.

ESAIA 52:10

Yehowa gaw masha amyu baw ni mahkra a man e shi a chyoi pra ai lahpum shadawng dan nna, anhte a Karai Kasang a hkye hkrang la ai lam gaw, lamu ga htum hkra dan leng wa sai.

ESAIA 55:8

Kaning rai nme law, ngai myit mang ai hku, nanhte myit mang ai hku n rai; nanhte a lam ni nye a lam ni zawn n rai, nga nna Yehowa tsun ai.

ESAIA 56:8

Dumbru dumbra rai nga ai, Israela masha ni hpe shinggyin la ai Madu Yehowa gaw, Ngai hte seng ai ni hpe shinggyin la ai hta kaga, shanhte hte rau tsasam amyu ni hpe mung ngai naw shinggyin la na nngai, nga nna tsun ai.

ESAIA 57:12

Na a dinghpring ai lam ngai shapraw dan na nngai: nang galaw sai amu gaw, hpa akyu shabyin lu ai n rai.

ESAIA 59:7

Shanhte a lagaw n kaja ai amu galaw na matu gat nna, mara n kap ai asai ru kau na, larau nga ai: shanhte myit mang ai hku n hkru n hkra ai hku rai nga nna, shanhte a nmaw lam ni gaw, nni nkri hte hten byak ai hkrai rai nga ai.

ESAIA 65:2

Tinang myit ra ai hte maren, n kaja ai hku hkan ai gumle gumlau ai amyu hpe, nye a lata shani tup ngai ladawn wak nga nngai:

ESAIA 66:10

“Yerusalem hpe tsawra ai ni e, shi hte rau kabu gara ai hte myit pyaw nga mu; shi a lam sharung shayawt ai ni, yawng hte e, shi hte rau kabu gara ai myit hte awng sharawng nga mu:

YEREMIA 16:17

Shanhte sa wa ai lam shagu hpe, ngai azi yu nga nngai: shanhte, ngai n mu ai hku, sa wa ma ai, n rai; shanhte shut hpyit ai nye a man e makoi da lu ai, n rai.

YEREMIA 3:17

Dai aten e shanhte gaw Yerusalem mare hpe, Yehowa a tingnyang, ngu nna shamying na maru ai: amyu baw ni yawng, Yehowa amying hpe hpa let, Yerusalem mare de zuphpawng na mara ai; shanhte gaw htawm hpang de tinang a myit masin a je hpre ai hta hkawm na n rai.

EZEKELA 38:10

“Madu Yehowa ning nga ai: Dai shani e, nang myit mang la nna, n hkru ai hku maw na ndai:

EZEKELA 39:21

“Ngai gaw nye a arawng sadang hpe maigan amyu ni a ka-ang e dan hkung shangun nna, ngai tara dara ai lam hte, shanhte a ntsa e nye a lata ngai mara da ai hpe, maigan amyu ni yawng, mu lu na mara ai.

YOELA 3:2

maigan amyu ni yawng hpe ngai jahpawng nna, Yehosahpat kadit de yu wa shangun na nngai: shanhte gaw nye a sali wunli amyu Israela masha ni hpe, maigan amyu ni hta bra wa shangun ai majaw, dai yang e ngai shanhte hpe dawdan na nngai: shanhte gaw nye a mungdan hpe karan nna,

AMO LAIKA (AMOS) 5:12

Kaning rai nme law, nanhte a tawt lai ai yubak amyu myu hte, nanhte a mara gade kaba nga ai hpe, ngai chye nngai: nanhte gaw dinghpring ai ni hpe zingri zingrat nna, sake manawn sha let, matsan mayan ni hpe mare chyinghka lam e n tara ai hku dawdan myit dai.

ZEHKARIA 14:16

Ya, Yerusalem mare hpe gasat sa wa ai masha amyu ni hta na, naw ngam nga ai ni langai hte langai, Zaw nawng zaw wa up ai Yehowa ngu ai, Hkawhkam wa hpe nawku na matu mung, dai sum poi hta lawm na matu mung, laning hte laning lung wa na mara ai.

MALAHKI 1:11

Kaning rai nme law, nye a amying ningsang gaw, jan pru maga kaw nna jan shang maga du hkra, maigan amyu ni hta galu kaba nga na ra ai: nye a amying ningsang, maigan amyu ni hta galu kaba nga ai majaw, nye a amying matu, shara shagu hta, manam pyaw ai baw hte san seng ai shagu hkungga hpe, nat nawng ya na mara ai, nga nna Zaw nawng zaw wa up ai Yehowa tsun ai.

MAHTE 12:25

Shanhte a myit mang ai hku chye ya mu ai majaw, shi shanhte hpe tsun mu ai gaw, “Dinghku brun ai mungdan shagu gaw hten bya mat na ra ai: gara mare, gara nta rai timung, dinghku bra mat wa yang, hking nga lu na n rai.

MAHTE 9:4

Yesu gaw shanhte a myit mang ai hpe chye ya jang, “Nanhte a kraw hta e, hpa majaw n kaja ai myit nga myit ta?

LUKA 5:22

Shanhte a myit aru yu ai hpe Yesu chye wu ai majaw, “Nanhte hpa rai kraw kata e myit aru yu nga myit ta?

YAWHAN 17:24

“Wa e, gingding aga garai n lat kaw nna, nang ngai hpe tsawra nga ndai majaw, nang ngai e jaw ai hpung shingkang hpe, ngai hpe jaw da ai ni mung mada mu lu mu ga, ngai nga ai shara e shanhte ngai hte rau nga nga lu na hpe, ngai ra nga nngai.

YAWHAN 5:42

rai timung, Karai Kasang a tsawra ai myit nanhte hta n rawng nga ai gaw, ngai chye nngai.

ROMA 16:26

ya e shadan dat ai sung ai shingran ga hku hkan let, nye a kabu gara shiga hte, Yesu Hkristu a lam hkaw dan ai ga hte maren, nanhte hpe shadaw shangang ya lu ai,

1 KORINHTU 3:20

bai, Hpaji rawng ai ni a myit ai lam kaman lila rai nga ai gaw, dai Madu chye ya nga ai, nga nna ka da nga ai.

TARA JAHPRANG 31:21

Shing rai nna, yubak shoihpa nlang hte hte kadup ai shani dai mahkawn ga gaw shanhte a man e sakse tai nga na rai ai; shanhte a amyu lakung gaw dai hpe malap kau mai na n rai: ngai dagam ai mung de shanhte hpe garai n shawn yang nna pyi shanhte a myit hta maw mawn ai lam hpe ngai chye ya nga nngai,” ngu nna tsun wu ai.

HEBRE 4:12

Kaning rai nme law, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ningtawng nhtu hta mung grau dai ai hte, myit masin hte wenyi hpe mung, nra hkrihkraw hte laswi hpe mung, dinghkren ginhka chye nna, kraw lawang na myit mamyit hte maw mawn ai hku hpe jeyang hparan ya lu ai.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 2:13

Nang de nga ai shara ngai chye nga nngai; Satan a tingnyang dung nga ai shara e nang de nga ndai. Nye a mying nsang hpe nang manoi nga ndai rai nna, Satan de nga ai shara e ngu ai, nanhte a ka-ang e, nye a kangka re ai sakse wa Antipa sat kau hkrum ai nhtoi hte hta pyi, nye a makam masham lam hpe nang n nyet kau ndai.

SHINGRAN 2:2

Na a arawn alai, na a amu bungli hte na a hkam sharang ai hpe mung, n hkru n hkra re ai masha hpe nang n hkam lu ndai mung, kasa n re ai kasa hpyi hpun ai ni hpe nang san dinglik yu nna, shanhte a masu ai hpe shadan kau ya lu ndai mung, ngai chye nga nngai.

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai timung, nang sut su nga ndai: Yuda masha ngu ai, rai timung, Yuda masha n teng ai sha, Satan a nawku jawng ngu ai ni a shatan nhkan ai hpe, ngai chye nga nngai.