ESAIA 66:14 - Jinghpaw Hanson Version Bible

¹⁴ Nanhte dai hpe mu lu ai hte, nanhte a myit masin kabu gara nna, nanhte a nrut nra ni tsit lali ai tsingdu zawn, tsang wa na ra ai; Yehowa a lata gaw shi a shangun ma ni hpe maga nna, hpyen ni hpe pawt sindawng ai myit madun dan na ra ai.

Jinghpaw Common Language Bible 2009

¹⁴ Ndai zawn byin ai hpe nang mu ai shaloi, nang kabu gara na ndai; dai gaw nang hpe n-gun shaja ya ai hte hkam kaja shangun na ra ai. Dai hpang nang gaw dai Madu ngai nan nye a ga madat ai ni hpe karum ai mung, nye a gumlau hpyen ni hpe ninghkap na matu nye a masin kahtet ai hpe madun dan ai mung nang chye na rin dai,” ngu nna tsun wu ai.

ESAIA 66:14 ပူးပေါင်းရင်းမြစ်များ

EZRA 7:9

Kaning rai nme law, shata langai a shawng shani hta e, Babelon mare na shi pru nna, shi a Karai Kasang hkan nang ai chyeju majaw, shata manga a shawng shani e Yerusalem de du ai.

EZRA 8:18

Ya Karai Kasang a chyeju anhte hte rau rai nga ai majaw, shanhte gaw, Israela, Lewi hte Mali dap lakung ni a nyan rawng ai wa langai mi hte rau,

EZRA 8:22

Kaning rai nme law, anhte a Karai Kasang a lata gaw, shi hpe hkan tam ai ni hpe karum na ra ai: shi hpe kau da ai ni a ntsa e shi a atsam hte pawt sindawng ai du na ra ai, ngu nna hkawhkam wa hpe anhte tsun da ai majaw, lam e anhte hpe hpyen ai ni a lata na makawp maga na matu, hkawhkam wa kaw sin langa hpyi na, ngai n wam ai kaya nga nngai.

EZRA 8:31

Dai hpang anhte gaw, Yerusalem mare de lung wa na nga, shata langai a shi mali ya shani e Ahawa hka kau na pru wa ga ai anhte a Karai Kasang a lata anhte a ntsa e nga nga ai rai nna, lam hkan e makoi nga ai hpyen ni a lata na anhte hpe mawai la mi ai.

SHAKAWN KUNGDAWN 107:42

Myit malang ai ni dai hpe mu lu nna kabu nga ma ai. N hkru ai ni mung tinang a n-gup pat kau ma ai.

GA SHAGAWP 17:22

Kabu gara ai myit hkam kaja ai tsi rai nga ai; Gawng run ai chyawm gaw, nrut n ra ni hpe jahkraw kau nga ai.

GA SHAGAWP 3:8

Shing rai yang, na a hkum hkam kaja nga nna, Na a nrut nra ni hta laswi hpring na ra ai.

ESAIA 10:5

Asuri wa e, nye a pawt sindawng ai ri nang rai nga nna, nang lang ai hkawn, nye n-yun bu ai myit rai nga ai.

ESAIA 13:5

Mungdan ting hpe jahten shabyak na matu, Yehowa hte rau, pawt sindawng ai hpyen ri nhtu ni gaw, sumtsan mung kaw nna, lamu htum ai de na, du shajang ma ai.

ESAIA 26:19

Na a si ai masha ni bai hkrung na mara ai; nye a moi mang ni bai rawt na mara ai: ga nhpu hta shanu nga ai ni e, hprang nna mahkawn mangoi mu; kaning rai nme law, nang hta hkrat ai mari gaw, namlaw namlap hta hkrat ai mari hte bung nna, lamu ga gaw si mat ai ni hpe bai shapraw na ra ai.

ESAIA 26:20

Nye a amyu masha ni e, sa marit; kata gawk de shang nna, chyinghka la da u: pawt sindawng ai lai mat ai du hkra, na hkum hpe chyahkring mi makoi da u.

ESAIA 30:27

Yu u, Yehowa a mying nsang gaw sumtsan de na du ra ai; dai gaw shi a pawt bu ai hte hkru nna, htat ai wan hkut mawng nga ai: shi a n-gup gaw pawt kahtet ai hte hpring nna, shi a shinglet hkru ai wan rai nga ai;

ESAIA 33:20

Anhte poi dè ai Ziun hpe yu u; mailak langai mi pyi n baw ai hte, de a sumri langai mi n dut yu ai, galoi mung sit kau n hkrum ai sum ngu ai, ngwipyaw Yerusalem mare hpe, nang gaja wa mu lu na rin dai.

ESAIA 34:2

Kaning rai nme law; Yehowa gaw amyu baw ni mahkra hpe pawt sindawng nna, shanhte a wunawng wuwa yawng hpe myit kahtet bu nga ai: shi shanhte hpe shamyit kau ai hte, sat kau hkrum na matu ap kau wu ai.

ESAIA 35:2

Dai gaw grai wa pu an nna, sharawng let kabu gara ai hte mahkawn mangoi na ra ai: Lebanon a arawng sadang, Hkarmela hte Sharun a hpung shingkang, lu la na ra ai: shanhte gaw Yehowa a arawng sadang, anhte a Karai Kasang a hpung shingkang, mu lu na mara ai.

ESAIA 41:20

shing rai Yehowa lata gaw dai amu shabyin nna, Israela chyoi pra ai Wa dai hpe hpan da ai lam, shanhte rau mu chye nna, aru yu let chye na lu na mara ai.

ESAIA 42:13

Yehowa gaw n-gun ja ai wa zawn pru nna, share ninghkrin zawn shi a myit dakat na ra ai: shi jahtau nna, gaja wa garu na ra ai; hpyen ni hpe nhtum nni shaza kau na ra ai.

ESAIA 58:11

Yehowa gaw nang hpe tutnawng woi wa nna, hkraw hkun ai shara e na a myit masin hpe jahkru shakat ya ai hte, na a nrut nra ni hpe n-gun shaja ya na ra ai: nang gaw hka rawng ai sun hte, galoi n hkyet mat ai hka hpawk zawn, tai na rin dai.

ESAIA 59:18

Shanhte a arawn alai hte maren, gumlau ni hpe myit kahtet ai, hpyen ni hpe ari ahpri, shi htang jaw na ra ai; zunlawng ni hpe mung akyu hte yubak htang jaw na ra ai.

ESAIA 66:5

Yehowa mungga majaw hkrit gari ai ni e, shi a ga madat mu: “Nanhte hpe n dawng n yawt ai hte, nye a amying majaw nanhte hpe kau da ai nhpu nnau ni gaw, Nanhte kabu gara nga ai, anhte mu lu hkra, Yehowa gaw hpung shingkang pru u ga,” nga nna tsun jahpoi timung, shanhte nan kaya kahpa hkrum na mara ai.

ZEHKARIA 10:7

Ehprim masha ni gaw share ninghkrin zawn tai nna, tsabyi jahku hte hkru ai zawn, shanhte a myit masin kabu gara na ra ai; gaja wa, shanhte a kashu kasha ni, dai hpe mu nna, kabu gara na mara ai: shanhte a myit masin gaw, Yehowa hta sharawng awng na mara ai.”

MALAHKI 3:18

nna Zaw nawng zaw wa up ai Yehowa tsun ai.

YAWHAN 16:22

Dai hte maren nanhte ya yawn hkyen nga myit dai: rai timung, nanhte hte ngai bai hkrum lu nna, nanhte a myit masin kabu gara na ra ai: dai nanhte a kabu gara ai hpe kadai kashun la ya lu na n rai.

HEBRE 10:27

dawdan hkrum na nga ai, nachying hkrithpa shara hte, nhtan shai ai ni hpe nat kau na sindawng kahtet ai wan sha, la nga na ra ai.