ESAIA 65:2 - Jinghpaw Hanson Version Bible

² Tinang myit ra ai hte maren, n kaja ai hku hkan ai gumle gumlau ai amyu hpe, nye a lata shani tup ngai ladawn wak nga nngai:

Jinghpaw Common Language Bible 2009

² Shut hpyit amu hpe du ja ja hte galaw nna shanhte a lam hku sha hkawm nga ai nye a amyu masha ni hpe hkalum la na matu ngai tut nawng jin jin rai nga nngai.

ESAIA 65:2 ပူးပေါင်းရင်းမြစ်များ

NINGPAWT NINGHPANG 6:5

Shinggyim masha ni a n hkru n hkra ai lam ga ntsa e kaba la ai hte, shi a kraw lawang na myit maw mamaw gaw tut tut n shawp nga ai hpe Yehowa mu wu ai.

SHAKAWN KUNGDAWN 36:4

Shi a yup ku hta n hkru ai hku daw nga ai, N kaja ai lam hta shi a tsap nga ai: N shawp ai hpe shi matsat kau wu ai n rai.

SHAKAWN KUNGDAWN 36:5

Yehowa e, na a chyeju sumsing lamu du hkra, na a sadi sahka sumwi du hkra, dep nga ai.

GA SHAGAWP 1:24

Ngai shaga yang, nanhte n dang kau ai hte, Ngai lata ladawn yang kadai mung n matsing nga ai sha,

GA SHAGAWP 16:29

Gumshem ai wa gaw shi a htingbu wa hpe hkalem nna, N kaja ai lam de lau la mu ai.

ESAIA 1:2

Yehowa ga tsun nga ai majaw, sumsing lamu e, na la u, ginding aga e, madat u: “ngai gaw kashu kasha hpe lanu lahku nna, kaba wa shangun timung, shanhte ngai hpe gumlau ma ai.

ESAIA 1:23

Na a du ni gumlau let, lagu lagut ni a kanawn manang tai wa masai; shanhte yawng kumhpa ra nna, sake manawn sha nga ma ai; shanhte gaw chyahkrai nmai ni a matu tara ding ai hku n jeyang ai hte, gaida gaina ni a amu hpe hpa n nawn ya ma ai.

ESAIA 30:1

Yehowa ning nga ai: gumlau ai kashu kasha ni gaw dingnye lu ma ai: shanhte gaw ngai hta n hpa ai bawng yu nna, yubak kahtap hkra, nye a Wenyi n lawm ai, ga shaka tawn da ma ai:

ESAIA 30:9

kaning rai nme law, ndai amyu gaw, gumlau ai amyu rai nga ai hte, Yehowa a tara n madat hkraw ai kashu kasha ni rai nga ma ai:

ESAIA 55:7

tara n lang ai wa gaw shi a lam hpe, n hkru ai wa gaw shi a myit mang ai hku kau da nna, Yehowa hpang de kayin wa u ga; shing rai yang shi gaw dai wa hpe matsan dum na ra ai; anhte a Karai Kasang hpang de mung kayin wa u ga; shi gaw yubak hpe htum hkra raw dat kau ya na ra ai.

ESAIA 55:8

Kaning rai nme law, ngai myit mang ai hku, nanhte myit mang ai hku n rai; nanhte a lam ni nye a lam ni zawn n rai, nga nna Yehowa tsun ai.

ESAIA 63:10

Shanhte chyawm gaw gumlau nna, shi a Chyoi pra ai Wenyi hpe shayawn mu ai: dai re ai majaw, shi shanhte hpe hpyen ai wa tai nna, shi nan shanhte hpe hpyen gasat mu ai.

ESAIA 66:18

Kaning rai nme law, shanhte a arawn alai hpe mung shanhte a myit mang ai hku hpe mung, ngai chye nngai; masha amyu ni hte, ga amyu baw kaga tsun ai ni mahkra hpe, ngai zuphpawng shangun na aten du ra ai; shanhte mung sa du nna, nye a arawng sadang hpe mu lu na maru ai.

ESAIA 66:3

Usu lang ai wa gaw, masha sat ai wa hte bung nga ai; sagu kasha hpe nawng ya ai wa gaw, gwi du htau ai wa hte bung nga ai; lusha hkungga jaw ai wa gaw, wa sai hkungga jaw ai wa hte bung nga ai; lawban nat nawng ya ai wa gaw, sumla hpe shaman ya ai wa hte bung nga ai. Gaja wa shanhte gaw tinang ra ai lam lata la nna, tinang a myit masin gaw, tinang matsat shabat lam hta pyaw nga ma ai.

ESAIA 66:4

Ngai mung, shanhte hkan ai kaman lila lam san da nna, shanhte hkrit nga ai hpe shanhte a ntsa e shapraw na nngai: kaning rai nme law, ngai shaga yang, htan ai wa n nga ai; ngai ga tsun yang, shanhte n madat ma ai: shanhte gaw nye a man e n hkru ai amu galaw nna, ngai n ra ai hpe lata la ma ai.

YEREMIA 18:12

Shanhte mahtang, Lam n la ai; anhte ra ai hku anhte hkan sa nna, langai hte langai tinang myit ja ai hte maren galaw na ga ai, nga ma ai.

YEREMIA 3:17

Dai aten e shanhte gaw Yerusalem mare hpe, Yehowa a tingnyang, ngu nna shamying na maru ai: amyu baw ni yawng, Yehowa amying hpe hpa let, Yerusalem mare de zuphpawng na mara ai; shanhte gaw htawm hpang de tinang a myit masin a je hpre ai hta hkawm na n rai.

YEREMIA 4:14

Yerusalem e, nang hkye hkrang la ai hkrum lu hkra, na a kraw lawang na n hkru n hkra ai hpe kashin kau u: na a n shawp ai myit mang gaw, gaten du hkra nang hta shanu nga na rai ta?

YEREMIA 5:23

Ndai amyu masha ni chyawm gaw, shut hpyit ai hte gumlau myit rawng nna, tutnawng gumle gumlau nga ma ai.

YEREMIA 7:24

shanhte gaw n madat ai hte na mung n na la ai sha, tinang a hpaji daw ai hte myit ja ai hku hkan nang let, myi man n yawng ai, shingdu dat kau ma ai.

BU HKAWM 15:39

dai banbyau ni hpe nanhte mu jang, Yehowa tsun matsun dum ai hte hkan shatsup lu myit ga, shawng de tinang yit hte tinang ra ai hku hkan nna shut hkawm ai zawn, bai n hkan shut ai sha;

MAHTE 15:19

Kaning rai nme law, myit masin hta na n hkru ai myit mang ai, masha sat na, num shaw na, num shut hpyit na, lagu na, n teng n man ai sakse hkam na hte shatan nhkan ai lam hte gaw byin pru wa ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e!- u kanu gaw, u hkai ni hpe singkaw npu e jahpawng da ai zawn, na a nshu nsha ni hpe ngai gade lang jahpawng da mayu timung nanhte n hkraw nga myit dai.

LUKA 13:34

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! u kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu timung, nanhte n hkraw myit dai.

ROMA 10:21

Israela masha ni a lam hpe mahtang shi bai tsun ai gaw, N madat n mara nna ndang kalang re ai amyu hpe, nye a lata shani tup ngai ladawn wak nga nngai, nga ai.

ROMA 2:5

Gaja wa, na a ja la ai hte malai n lu ai myit majaw, Karai Kasang a pawt bu ngu ai, dingman ai tara dara na dan pru ai nhtoi e hkam na madawng hpe, nang mahkawng da ndai.

TARA JAHPRANG 29:19

Dai wa hpe Yehowa lahpawt na wu ai n rai; Yehowa pawt bu ai hte nsu ai myit gaw dai wa a ntsa e grung nga nna, ndai laika hta ka da ai dagam dala nlang hte hpe dai wa a ntsa e ru bun na wu ai; Yehowa mung dai wa a amying hpe sumsing lamu npu na arut kau na wu ai.

TARA JAHPRANG 31:27

Kaning rai nme law, nang hta gumlau ai myit hte du ja ai myit rawng lit dai gaw ngai chye nga nngai; yu mu, ngai hkrung nga ai hte nanhte kaw naw nga nga yang pyi, nanhte Yehowa hpe gumlau manit dai; ngai si ai hpang dai hta grau nna gumlau na ni, n rai myit ni?

TARA JAHPRANG 9:7

Nang na a Karai Kasang Yehowa hpe dai nam mali hkan e kaning rai shapawt pawt rai ndai gaw nang adum nga u, hkum malap kau et: Egutu mung na nang pru wa ai shani kaw nna ndai yang du ai du hkra, Yehowa hpe nang a gumlau nga nit dai.