ESAIA 64:3 - Jinghpaw Hanson Version Bible

³ Anhte myit mada ai hta grau ai hkrithpa amu nang shapraw ai shaloi jang, nang yu wa nna, bum ni gaw na a man e ashun gari ma ai.

Jinghpaw Common Language Bible 2009

³ Kalang mi na aten hta, nang du sa nna anhte n myit dum ai hkrit hpa amu ni hte jahkrit yu nit dai; shaloi bum ni gaw nang hpe mu nna hkrit gari ai hte ashun ma ai.

ESAIA 64:3 ပူးပေါင်းရင်းမြစ်များ

2 SAMUELA 7:23

Na a amyu masha ni hte, na a mungdan a matu mara mauhpa amu kaba madun dan na nga, Karai Kasang yu wa nna, na ningsang mying dan hkung na matu, Egutu mung hte mungdan daga ni yawng hta, shanhte a Hpara ni a lata na hkye mawai la ai, nang lata la ai amyu Israela hte bung ai amyu gaw, dinghta ga ntsa e kadai amyu rai nga a ta?

SHAKAWN KUNGDAWN 106:22

Hkyeng ai Nawng makau e, hkrithpa nsam shabyin ai, shanhte a hkye hkrang la ai Karai Wa hpe, shanhte malap mali kau mu ai:

SHAKAWN KUNGDAWN 66:3

“Karai Kasang e, na a amu gade wa hkrithpa rai nga a hka; Na a chyalai n-gun majaw, Na a man e gumlau ni hkayawm na mara ai.

SHAKAWN KUNGDAWN 66:5

Wa marit, Karai Kasang a magam amu hpe yu mu; Shinggyim masha ni hpe dan ai amu gaw, hkrithpa amu rai nga ai.

SHAKAWN KUNGDAWN 68:8

Ginding aga gari kawa rai nga nna, Sumsing lamu Karai Kasang a man e yun nga ai: Karai Kasang, Israela a Karai Kasang a man e, Wora Sina bum mung, gari kawa rai nga ai.

SHAKAWN KUNGDAWN 76:12

Wa zep ai du ni a nsa hpe, shi jahtum kau ya mu ai. Ga ntsa hkawhkam ni a matu shi hkrithpa rai nga ai.

PRU MAT 34:10

Shaloi Yehowa gaw, “Yu u, ngai ga shaka tawn da nga nngai: ga ntsa ting na mungkan amyu mahkra hta galoi mung n di yu ai mauhpa amu na a amyu masha ni yawng a man e ngai galaw shapraw na we ai; nang hta ngai galaw ai lam hkrithpa lam rai nga ai majaw nang hte rau nga ai amyu masha ni Yehowa amu hpe mu lu na mara ai.

ESAIA 5:25

Dai re ai majaw Yehowa gaw shi a amyu hpe pawt bu let, shi a lata ladawn nna, shanhte hpe adup kau mu ai; bum ni mung gari wa nna, amyu masha ni a si mang ni mare lam hkan e shanut shanaw zawn jawng nga ai: rai timung, shi a pawt sindawng ai gaw sim wa sai n rai; shi a lata naw a ladawn nga ai.

ESAIA 64:1

Nang gaw sumsing lamu hpe hpaw malang nna, yu wa rit law e; bum ni na a man e ashun gari nga mu ga:

HABAKU 3:3

Karai Kasang gaw Teman mung kaw na, Chyoi pra ai Wa gaw Paran bum na, paw pru wa ai. [Selah.] Shi a hpung shingkang gaw, sumsing lamu hpe ka-up nna. Ginding aga gaw shi hpe shakawn ai lam hte hpring nga ai.

HABAKU 3:6

Shi tsap nna, lamu ga hpe shadawn wu ai; Shi mada yu nna, maigan amyu ni hpe shabra nu ai: Dinggrin anga nga ai bum ni gaw, ayai mat wa ai; Htani htana kawng ni gaw, gum dagup nga ma ai: Moi chyaloi nhkoi na zawn, shi bai pru nga ai.

TARA JAHPRANG 10:21

Na a matu mara nga nna, na a myi chyi mu lu ai galu kaba ai hte mauhpa amu galaw ya ai wa gaw, nang shakawn kungdawn shara hte na a Karai Kasang rai nga ai.

TARA JAHPRANG 4:34

Nanhte a Karai Kasang Yehowa Egutu mung hta nanhte a man e galaw dan ai zawn chyam dinglik ai, lamik kumla hte mauhpa amu madun ai, hpyen majan shapraw ai, n-gun ja ai lata hte ladawn ai lahpum sharawt ai, hkrithpa shingran madun ai di nna, Hpara shaje langai wa mi masha amyu mi hta na masha amyu mi hpe tinang a matu nga nna shaw la yu ai, nga a ni?